Esaïe 3
Biblia Hebraica Stuttgartensia

Jugement des habitants de Jérusalem

1 כִּי֩ הִנֵּ֨ה הָאָדֹ֜ון יְהוָ֣ה צְבָאֹ֗ות מֵסִ֤יר מִירוּשָׁלִַ֨ם֙ וּמִ֣יהוּדָ֔ה מַשְׁעֵ֖ן וּמַשְׁעֵנָ֑ה כֹּ֚ל מִשְׁעַן־לֶ֔חֶם וְכֹ֖ל מִשְׁעַן־מָֽיִם׃
Lévitique 26.26 Esaïe 1.24 Ezéchiel 14.13 Esaïe 5.13 Esaïe 36.12
2 גִּבֹּ֖ור וְאִ֣ישׁ מִלְחָמָ֑ה שֹׁופֵ֥ט וְנָבִ֖יא וְקֹסֵ֥ם וְזָקֵֽן׃
Ezéchiel 17.13 Lamentations 5.12-5.14 Ezéchiel 9.5 Esaïe 9.14-9.15 Ezéchiel 8.12
3 שַׂר־חֲמִשִּׁ֖ים וּנְשׂ֣וּא פָנִ֑ים וְיֹועֵ֛ץ וַחֲכַ֥ם חֲרָשִׁ֖ים וּנְבֹ֥ון לָֽחַשׁ׃
Exode 4.14-4.16 1 Samuel 8.12 Deutéronome 1.15 Exode 4.10 Exode 18.21
4 וְנָתַתִּ֥י נְעָרִ֖ים שָׂרֵיהֶ֑ם וְתַעֲלוּלִ֖ים יִמְשְׁלוּ־בָֽם׃
Ecclésiaste 10.16 2 Chroniques 36.9 2 Chroniques 34.1 2 Chroniques 36.11 2 Chroniques 36.5
5 וְנִגַּ֣שׂ הָעָ֔ם אִ֥ישׁ בְּאִ֖ישׁ וְאִ֣ישׁ בְּרֵעֵ֑הוּ יִרְהֲב֗וּ הַנַּ֨עַר֙ בַּזָּקֵ֔ן וְהַנִּקְלֶ֖ה בַּנִּכְבָּֽד׃
Jérémie 9.3-9.8 Michée 7.3-7.6 Matthieu 27.28-27.30 Ezéchiel 22.12 Esaïe 9.19-9.21
6 כִּֽי־יִתְפֹּ֨שׂ אִ֤ישׁ בְּאָחִיו֙ בֵּ֣ית אָבִ֔יו שִׂמְלָ֣ה לְכָ֔ה קָצִ֖ין תִּֽהְיֶה־לָּ֑נוּ וְהַמַּכְשֵׁלָ֥ה הַזֹּ֖את תַּ֥חַת יָדֶֽךָ׃
Esaïe 4.1 Jean 6.15 Juges 11.6-11.8
7 יִשָּׂא֩ בַיֹּ֨ום הַה֤וּא׀ לֵאמֹר֙ לֹא־אֶהְיֶ֣ה חֹבֵ֔שׁ וּבְבֵיתִ֕י אֵ֥ין לֶ֖חֶם וְאֵ֣ין שִׂמְלָ֑ה לֹ֥א תְשִׂימֻ֖נִי קְצִ֥ין עָֽם׃
Osée 5.13 Genèse 14.22 Lamentations 2.13 Ezéchiel 34.4 Deutéronome 32.40
8 כִּ֤י כָשְׁלָה֙ יְר֣וּשָׁלִַ֔ם וִיהוּדָ֖ה נָפָ֑ל כִּֽי־לְשֹׁונָ֤ם וּמַֽעַלְלֵיהֶם֙ אֶל־יְהוָ֔ה לַמְרֹ֖ות עֵנֵ֥י כְבֹודֹֽו׃
Ezéchiel 8.4-8.6 Esaïe 9.17 2 Chroniques 36.17-36.19 Ezéchiel 8.17-8.18 Jérémie 26.18
9 הַכָּרַ֤ת פְּנֵיהֶם֙ עָ֣נְתָה בָּ֔ם וְחַטָּאתָ֛ם כִּסְדֹ֥ם הִגִּ֖ידוּ לֹ֣א כִחֵ֑דוּ אֹ֣וי לְנַפְשָׁ֔ם כִּֽי־גָמְל֥וּ לָהֶ֖ם רָעָֽה׃
Genèse 13.13 Genèse 19.5-19.9 Jérémie 44.16-44.17 Proverbes 30.13 Genèse 18.20-18.21
10 אִמְר֥וּ צַדִּ֖יק כִּי־טֹ֑וב כִּֽי־פְרִ֥י מַעַלְלֵיהֶ֖ם יֹאכֵֽלוּ׃
Deutéronome 28.1-28.14 Ecclésiaste 8.12 Psaumes 18.23-18.24 Psaumes 128.1-128.2 Ezéchiel 18.9-18.19
11 אֹ֖וי לְרָשָׁ֣ע רָ֑ע כִּֽי־גְמ֥וּל יָדָ֖יו יֵעָ֥שֶׂה לֹּֽו׃
Psaumes 1.3-1.5 Esaïe 48.22 Esaïe 65.13-65.15 Ecclésiaste 8.13 Deutéronome 28.15-28.68
12 עַמִּי֙ נֹגְשָׂ֣יו מְעֹולֵ֔ל וְנָשִׁ֖ים מָ֣שְׁלוּ בֹ֑ו עַמִּי֙ מְאַשְּׁרֶ֣יךָ מַתְעִ֔ים וְדֶ֥רֶךְ אֹֽרְחֹתֶ֖יךָ בִּלֵּֽעוּ׃ ס
Esaïe 3.4 2 Rois 11.1 Esaïe 9.15-9.16 Jérémie 5.31 Nombres 6.23-6.27
13 נִצָּ֥ב לָרִ֖יב יְהוָ֑ה וְעֹמֵ֖ד לָדִ֥ין עַמִּֽים׃
Michée 6.2 Psaumes 12.5 Proverbes 22.22-22.23 Osée 4.1-4.2 Proverbes 23.10-23.11
14 יְהוָה֙ בְּמִשְׁפָּ֣ט יָבֹ֔וא עִם־זִקְנֵ֥י עַמֹּ֖ו וְשָׂרָ֑יו וְאַתֶּם֙ בִּֽעַרְתֶּ֣ם הַכֶּ֔רֶם גְּזֵלַ֥ת הֶֽעָנִ֖י בְּבָתֵּיכֶֽם׃
Job 22.4 Psaumes 143.2 Job 34.23 Esaïe 3.2-3.3 Job 24.2-24.7
15 מַּה־לָּכֶם֙ תְּדַכְּא֣וּ עַמִּ֔י וּפְנֵ֥י עֲנִיִּ֖ים תִּטְחָ֑נוּ נְאֻם־אֲדֹנָ֥י יְהוִ֖ה צְבָאֹֽות׃ ס
Psaumes 94.5 Exode 5.14 Ezéchiel 18.2 Esaïe 58.4 Michée 3.2-3.3
16 וַיֹּ֣אמֶר יְהוָ֗ה יַ֚עַן כִּ֤י גָֽבְהוּ֙ בְּנֹ֣ות צִיֹּ֔ון וַתֵּלַ֨כְנָה֙ נְטוּיֹ֣ות גָּרֹ֔ון וּֽמְשַׂקְּרֹ֖ות עֵינָ֑יִם הָלֹ֤וךְ וְטָפֹף֙ תֵּלַ֔כְנָה וּבְרַגְלֵיהֶ֖ם תְּעַכַּֽסְנָה׃
Esaïe 32.9-32.11 Esaïe 4.4 Cantique 3.11 Ezéchiel 16.49-16.50 Matthieu 21.5
17 וְשִׂפַּ֣ח אֲדֹנָ֔י קָדְקֹ֖ד בְּנֹ֣ות צִיֹּ֑ון וַיהוָ֖ה פָּתְהֵ֥ן יְעָרֶֽה׃ ס
Jérémie 13.22 Ezéchiel 23.25-23.29 Ezéchiel 16.36-16.37 Apocalypse 16.2 Lévitique 13.29-13.30
18 בַּיֹּ֨ום הַה֜וּא יָסִ֣יר אֲדֹנָ֗י אֵ֣ת תִּפְאֶ֧רֶת הָעֲכָסִ֛ים וְהַשְּׁבִיסִ֖ים וְהַשַּׂהֲרֹנִֽים׃
Juges 8.21 Juges 8.26
19 הַנְּטִיפֹ֥ות וְהַשֵּׁירֹ֖ות וְהָֽרְעָלֹֽות׃
Genèse 24.30 Genèse 38.25 Genèse 38.18 Ezéchiel 16.11 Genèse 24.53
20 הַפְּאֵרִ֤ים וְהַצְּעָדֹות֙ וְהַקִּשֻּׁרִ֔ים וּבָתֵּ֥י הַנֶּ֖פֶשׁ וְהַלְּחָשִֽׁים׃
Exode 39.28 Osée 2.13 Genèse 35.4 Ezéchiel 16.12 Exode 32.2
21 הַטַּבָּעֹ֖ות וְנִזְמֵ֥י הָאָֽף׃
Genèse 24.47 Esther 8.12 Jacques 2.2 Luc 15.22 Genèse 41.42
22 הַמַּֽחֲלָצֹות֙ וְהַמַּ֣עֲטָפֹ֔ות וְהַמִּטְפָּחֹ֖ות וְהָחֲרִיטִֽים׃
23 וְהַגִּלְיֹנִים֙ וְהַסְּדִינִ֔ים וְהַצְּנִיפֹ֖ות וְהָרְדִידִֽים׃
Apocalypse 19.14 Ezéchiel 16.10 Cantique 5.7 Ruth 3.15 Genèse 41.42
24 וְהָיָה֩ תַ֨חַת בֹּ֜שֶׂם מַ֣ק יִֽהְיֶ֗ה וְתַ֨חַת חֲגֹורָ֤ה נִקְפָּה֙ וְתַ֨חַת מַעֲשֶׂ֤ה מִקְשֶׁה֙ קָרְחָ֔ה וְתַ֥חַת פְּתִיגִ֖יל מַחֲגֹ֣רֶת שָׂ֑ק כִּי־תַ֖חַת יֹֽפִי׃
Ezéchiel 27.31 Lamentations 2.10 Esaïe 22.12 Esaïe 15.3 Amos 8.10
25 מְתַ֖יִךְ בַּחֶ֣רֶב יִפֹּ֑לוּ וּגְבוּרָתֵ֖ךְ בַּמִּלְחָמָֽה׃
2 Chroniques 29.9 Jérémie 18.21 Esaïe 1.20 Jérémie 19.7 Jérémie 11.22
26 וְאָנ֥וּ וְאָבְל֖וּ פְּתָחֶ֑יהָ וְנִקָּ֖תָה לָאָ֥רֶץ תֵּשֵֽׁב׃
Lamentations 2.10 Jérémie 14.2 Lamentations 1.4 Job 2.13 Luc 19.44