Jérémie 9.4
Septante

¹ τίς δῴη μοι ἐν τῇ ἐρήμῳ σταθμὸν ἔσχατον καὶ καταλείψω τὸν λαόν μου καὶ ἀπελεύσομαι ἀπ’ αὐτῶν ὅτι πάντες μοιχῶνται σύνοδος ἀθετούντων.
Jérémie 13.17 Esaïe 22.4 Jérémie 6.26 Lamentations 2.11 Jérémie 8.21-8.22
² καὶ ἐνέτειναν τὴν γλῶσσαν αὐτῶν ὡς τόξον ψεῦδος καὶ οὐ πίστις ἐνίσχυσεν ἐπὶ τῆς γῆς ὅτι ἐκ κακῶν εἰς κακὰ ἐξήλθοσαν καὶ ἐμὲ οὐκ ἔγνωσαν.
Jérémie 5.7-5.8 Jérémie 23.10 Osée 4.2 Jérémie 12.1 Osée 7.4
³ ἕκαστος ἀπὸ τοῦ πλησίον αὐτοῦ φυλάξασθε καὶ ἐπ’ ἀδελφοῖς αὐτῶν μὴ πεποίθατε ὅτι πᾶς ἀδελφὸς πτέρνῃ πτερνιεῖ καὶ πᾶς φίλος δολίως πορεύσεται.
Jérémie 4.22 Jérémie 9.8 Juges 2.10 Romains 3.13 1 Samuel 2.12
⁴ ἕκαστος κατὰ τοῦ φίλου αὐτοῦ καταπαίξεται ἀλήθειαν οὐ μὴ λαλήσωσιν μεμάθηκεν ἡ γλῶσσα αὐτῶν λαλεῖν ψευδῆ ἠδίκησαν καὶ οὐ διέλιπον τοῦ ἐπιστρέψαι.
Proverbes 26.24-26.25 Lévitique 19.16 Jérémie 6.28 Michée 7.5-7.6 Psaumes 12.2-12.3
⁵ τόκος ἐπὶ τόκῳ δόλος ἐπὶ δόλῳ οὐκ ἤθελον εἰδέναι με.
Job 15.5 Michée 6.12 Habakuk 2.13 1 Timothée 4.2 Esaïe 5.18
⁶ διὰ τοῦτο τάδε λέγει κύριος ἰδοὺ ἐγὼ πυρώσω αὐτοὺς καὶ δοκιμῶ αὐτούς ὅτι ποιήσω ἀπὸ προσώπου πονηρίας θυγατρὸς λαοῦ μου.
Proverbes 1.24 Job 21.14-21.15 Jean 3.19-3.20 Jérémie 13.10 Proverbes 1.29
⁷ βολὶς τιτρώσκουσα ἡ γλῶσσα αὐτῶν δόλια τὰ ῥήματα τοῦ στόματος αὐτῶν τῷ πλησίον αὐτοῦ λαλεῖ εἰρηνικὰ καὶ ἐν ἑαυτῷ ἔχει τὴν ἔχθραν.
Esaïe 1.25 Malachie 3.3 Jérémie 6.27 Esaïe 48.10 Zacharie 13.9
⁸ μὴ ἐπὶ τούτοις οὐκ ἐπισκέψομαι λέγει κύριος ἢ ἐν λαῷ τῷ τοιούτῳ οὐκ ἐκδικήσει ἡ ψυχή μου.
Psaumes 28.3 Jérémie 9.3 Psaumes 57.4 Psaumes 55.21 Psaumes 12.2
⁹ ἐπὶ τὰ ὄρη λάβετε κοπετὸν καὶ ἐπὶ τὰς τρίβους τῆς ἐρήμου θρῆνον ὅτι ἐξέλιπον παρὰ τὸ μὴ εἶναι ἀνθρώπους οὐκ ἤκουσαν φωνὴν ὑπάρξεως ἀπὸ πετεινῶν τοῦ οὐρανοῦ καὶ ἕως κτηνῶν ἐξέστησαν ᾤχοντο.
Jérémie 5.9 Jérémie 5.29 Esaïe 1.24
¹⁰ καὶ δώσω τὴν Ιερουσαλημ εἰς μετοικίαν καὶ εἰς κατοικητήριον δρακόντων καὶ τὰς πόλεις Ιουδα εἰς ἀφανισμὸν θήσομαι παρὰ τὸ μὴ κατοικεῖσθαι.
Jérémie 12.4 Osée 4.3 Jérémie 7.29 Ezéchiel 14.15 Ezéchiel 33.28
¹¹ τίς ὁ ἄνθρωπος ὁ συνετός καὶ συνέτω τοῦτο καὶ ᾧ λόγος στόματος κυρίου πρὸς αὐτόν ἀναγγειλάτω ὑμῖν ἕνεκεν τίνος ἀπώλετο ἡ γῆ ἀνήφθη ὡς ἔρημος παρὰ τὸ μὴ διοδεύεσθαι αὐτήν.
Esaïe 25.2 Esaïe 34.13 Jérémie 51.37 Esaïe 13.22 Jérémie 10.22
¹² καὶ εἶπεν κύριος πρός με διὰ τὸ ἐγκαταλιπεῖν αὐτοὺς τὸν νόμον μου ὃν ἔδωκα πρὸ προσώπου αὐτῶν καὶ οὐκ ἤκουσαν τῆς φωνῆς μου.
Psaumes 107.43 Osée 14.9 Psaumes 107.34 Deutéronome 32.29 Jérémie 16.10-16.13
¹³ ἀλλ’ ἐπορεύθησαν ὀπίσω τῶν ἀρεστῶν τῆς καρδίας αὐτῶν τῆς κακῆς καὶ ὀπίσω τῶν εἰδώλων ἃ ἐδίδαξαν αὐτοὺς οἱ πατέρες αὐτῶν.
2 Chroniques 7.19 Jérémie 22.9 Psaumes 119.53 Esdras 9.10 Sophonie 3.1-3.6
¹⁴ διὰ τοῦτο τάδε λέγει κύριος ὁ θεὸς Ισραηλ ἰδοὺ ἐγὼ ψωμιῶ αὐτοὺς ἀνάγκας καὶ ποτιῶ αὐτοὺς ὕδωρ χολῆς.
Jérémie 7.24 1 Pierre 1.18 Romains 1.21-1.24 Jérémie 3.17 Galates 1.14
¹⁵ καὶ διασκορπιῶ αὐτοὺς ἐν τοῖς ἔθνεσιν εἰς οὓς οὐκ ἐγίνωσκον αὐτοὶ καὶ οἱ πατέρες αὐτῶν καὶ ἐπαποστελῶ ἐπ’ αὐτοὺς τὴν μάχαιραν ἕως τοῦ ἐξαναλῶσαι αὐτοὺς ἐν αὐτῇ.
Jérémie 8.14 Lamentations 3.15 Psaumes 80.5 Jérémie 23.15 Deutéronome 29.18
¹⁶ τάδε λέγει κύριος καλέσατε τὰς θρηνούσας καὶ ἐλθέτωσαν καὶ πρὸς τὰς σοφὰς ἀποστείλατε καὶ φθεγξάσθωσαν.
Ezéchiel 5.2 Ezéchiel 5.12 Deutéronome 28.64 Lévitique 26.33 Jérémie 44.27
¹⁷ καὶ λαβέτωσαν ἐφ’ ὑμᾶς θρῆνον καὶ καταγαγέτωσαν οἱ ὀφθαλμοὶ ὑμῶν δάκρυα καὶ τὰ βλέφαρα ὑμῶν ῥείτω ὕδωρ.
Ecclésiaste 12.5 2 Chroniques 35.25 Marc 5.38 Job 3.8 Matthieu 9.23
¹⁸ ὅτι φωνὴ οἴκτου ἠκούσθη ἐν Σιων πῶς ἐταλαιπωρήσαμεν κατῃσχύνθημεν σφόδρα ὅτι ἐγκατελίπομεν τὴν γῆν καὶ ἀπερρίψαμεν τὰ σκηνώματα ἡμῶν.
Jérémie 14.17 Jérémie 9.1 Esaïe 22.4 Lamentations 2.18 Lamentations 1.2
¹⁹ ἀκούσατε δή γυναῖκες λόγον θεοῦ καὶ δεξάσθω τὰ ὦτα ὑμῶν λόγους στόματος αὐτοῦ καὶ διδάξατε τὰς θυγατέρας ὑμῶν οἶκτον καὶ γυνὴ τὴν πλησίον αὐτῆς θρῆνον.
Jérémie 4.13 Ezéchiel 7.16-7.18 Deutéronome 28.29 Lévitique 18.28 Lamentations 4.15
²⁰ ὅτι ἀνέβη θάνατος διὰ τῶν θυρίδων ὑμῶν εἰσῆλθεν εἰς τὴν γῆν ὑμῶν τοῦ ἐκτρῖψαι νήπια ἔξωθεν καὶ νεανίσκους ἀπὸ τῶν πλατειῶν.
Esaïe 32.9-32.13 Job 22.22 Luc 23.27-23.30 Jérémie 9.17-9.18 Esaïe 3.16
²¹ καὶ ἔσονται οἱ νεκροὶ τῶν ἀνθρώπων εἰς παράδειγμα ἐπὶ προσώπου τοῦ πεδίου τῆς γῆς ὑμῶν καὶ ὡς χόρτος ὀπίσω θερίζοντος καὶ οὐκ ἔσται ὁ συνάγων.
Jérémie 15.7 2 Chroniques 36.17 Jérémie 6.11 Amos 6.10-6.11 Ezéchiel 9.5-9.6
²² τάδε λέγει κύριος μὴ καυχάσθω ὁ σοφὸς ἐν τῇ σοφίᾳ αὐτοῦ καὶ μὴ καυχάσθω ὁ ἰσχυρὸς ἐν τῇ ἰσχύι αὐτοῦ καὶ μὴ καυχάσθω ὁ πλούσιος ἐν τῷ πλούτῳ αὐτοῦ.
Jérémie 8.2 Esaïe 5.25 Jérémie 25.33 Psaumes 83.10 Jérémie 16.4
²³ ἀλλ’ ἢ ἐν τούτῳ καυχάσθω ὁ καυχώμενος συνίειν καὶ γινώσκειν ὅτι ἐγώ εἰμι κύριος ποιῶν ἔλεος καὶ κρίμα καὶ δικαιοσύνην ἐπὶ τῆς γῆς ὅτι ἐν τούτοις τὸ θέλημά μου λέγει κύριος.
Ecclésiaste 9.11 1 Corinthiens 1.27-1.29 Job 31.24-31.25 Marc 10.24 1 Corinthiens 3.18-3.20
²⁴ ἰδοὺ ἡμέραι ἔρχονται λέγει κύριος καὶ ἐπισκέψομαι ἐπὶ πάντας περιτετμημένους ἀκροβυστίας αὐτῶν.
1 Corinthiens 1.31 Michée 7.18 2 Corinthiens 10.17 Galates 6.14 1 Jean 5.20
²⁵ ἐπ’ Αἴγυπτον καὶ ἐπὶ τὴν Ιουδαίαν καὶ ἐπὶ Εδωμ καὶ ἐπὶ υἱοὺς Αμμων καὶ ἐπὶ υἱοὺς Μωαβ καὶ ἐπὶ πάντα περικειρόμενον τὰ κατὰ πρόσωπον αὐτοῦ τοὺς κατοικοῦντας ἐν τῇ ἐρήμῳ ὅτι πάντα τὰ ἔθνη ἀπερίτμητα σαρκί καὶ πᾶς οἶκος Ισραηλ ἀπερίτμητοι καρδίας αὐτῶν.
Romains 2.8-2.9 Ezéchiel 28.10 Romains 2.25-2.26 Amos 3.2 Galates 5.2-5.6