2 Rois 9.3
Vulgate

Accession de Jéhu au trône d’Israël

¹ Heliseus autem prophetes vocavit unum de filiis prophetarum et ait illi accinge lumbos tuos et tolle lenticulam olei hanc in manu tua et vade in Ramoth Galaad
1 Samuel 10.1 2 Rois 4.29 1 Rois 18.46 1 Samuel 16.1 1 Rois 1.39
² cumque veneris illuc videbis Hieu filium Iosaphat filii Namsi et ingressus suscitabis eum de medio fratrum suorum et introduces interius cubiculum
2 Rois 9.14 2 Rois 9.5 2 Rois 9.11 1 Rois 19.16-19.17 1 Rois 20.30
³ tenensque lenticulam olei fundes super caput eius et dices haec dicit Dominus unxi te regem super Israhel aperiesque ostium et fugies et non ibi subsistes
1 Rois 19.16 1 Samuel 15.1 Matthieu 2.13 2 Chroniques 22.7 1 Samuel 9.16
⁴ abiit ergo adulescens puer prophetae Ramoth Galaad
⁵ et ingressus est ecce autem principes exercitus sedebant et ait verbum mihi ad te princeps dixitque Hieu ad quem ex omnibus nobis at ille dixit ad te o princeps
Juges 3.19
⁶ et surrexit et ingressus est cubiculum at ille fudit oleum super caput eius et ait haec dicit Dominus Deus Israhel unxi te regem super populum Domini Israhel
2 Rois 9.3 1 Rois 19.16 2 Chroniques 22.7 Esaïe 45.1 Daniel 4.32
⁷ et percuties domum Ahab domini tui ut ulciscar sanguinem servorum meorum prophetarum et sanguinem omnium servorum Domini de manu Hiezabel
1 Rois 21.15 1 Rois 18.4 Deutéronome 32.43 1 Rois 21.21 1 Rois 21.25
⁸ perdamque omnem domum Ahab et interficiam de Ahab mingentem ad parietem et clausum et novissimum in Israhel
1 Samuel 25.22 Deutéronome 32.36 2 Rois 14.26 2 Rois 10.17 1 Rois 14.10-14.11
⁹ et dabo domum Ahab sicut domum Hieroboam filii Nabath et sicut domum Baasa filii Ahia
1 Rois 15.29 1 Rois 21.22 1 Rois 16.11-16.12 1 Rois 16.3-16.5 1 Rois 14.10-14.11
¹⁰ Hiezabel quoque comedent canes in agro Hiezrahel nec erit qui sepeliat eam aperuitque ostium et fugit
1 Rois 21.23 2 Rois 9.35-9.36 2 Rois 9.3 Juges 3.26 Jérémie 22.19
¹¹ Hieu autem egressus est ad servos domini sui qui dixerunt ei rectene sunt omnia quid venit insanus iste ad te qui ait eis nostis hominem et quid locutus sit
Jérémie 29.26 Osée 9.7 Actes 26.24 Jean 10.20 2 Rois 9.17
¹² at illi responderunt falsum est sed magis narra nobis qui ait eis haec et haec locutus est mihi et ait haec dicit Dominus unxi te regem super Israhel
¹³ festinaverunt itaque et unusquisque tollens pallium suum posuerunt sub pedibus eius in similitudinem tribunalis et cecinerunt tuba atque dixerunt regnavit Hieu
1 Rois 1.34 1 Rois 1.39 2 Samuel 15.10 Matthieu 21.7-21.8 Marc 11.7-11.8
¹⁴ coniuravit ergo Hieu filius Iosaphat filii Namsi contra Ioram porro Ioram obsederat Ramoth Galaad ipse et omnis Israhel contra Azahel regem Syriae
2 Rois 8.28 1 Rois 22.3 1 Rois 16.16 2 Rois 15.30 1 Rois 16.9
¹⁵ et reversus fuerat ut curaretur in Hiezrahel propter vulnera quia percusserant eum Syri proeliantem contra Azahel regem Syriae dixitque Hieu si placet vobis nemo egrediatur profugus de civitate ne vadat et nuntiet in Hiezrahel
2 Rois 8.29 2 Chroniques 22.6 1 Samuel 27.9-27.11
¹⁶ et ascendit et profectus est in Hiezrahel Ioram enim aegrotabat ibi et Ahazia rex Iuda descenderat ad visitandum Ioram
2 Chroniques 22.6-22.7 2 Rois 8.28-8.29
¹⁷ igitur speculator qui stabat super turrem Hiezrahel vidit globum Hieu venientis et ait video ego globum dixitque Ioram tolle currum et mitte in occursum eorum et dicat vadens rectene sunt omnia
1 Samuel 16.4 2 Rois 9.19 1 Rois 2.15 Actes 20.26-20.31 1 Samuel 17.22
¹⁸ abiit igitur qui ascenderat currum in occursum eius et ait haec dicit rex pacata sunt omnia dixitque ei Hieu quid tibi et paci transi et sequere me nuntiavit quoque speculator dicens venit nuntius ad eos et non revertitur
2 Rois 9.22 2 Rois 9.19 Jérémie 16.5 Romains 3.17 Esaïe 48.22
¹⁹ misit etiam currum equorum secundum venitque ad eos et ait haec dicit rex num pax est et ait Hieu quid tibi et paci transi et sequere me
²⁰ nuntiavit autem speculator dicens venit usque ad eos et non revertitur est autem incessus quasi incessus Hieu filii Namsi praeceps enim graditur
2 Samuel 18.27 Ecclésiaste 9.10 Habakuk 1.6 Habakuk 3.12 Esaïe 54.16
²¹ et ait Ioram iunge currum iunxeruntque currum eius et egressus est Ioram rex Israhel et Ahazias rex Iuda singuli in curribus suis egressique sunt in occursum Hieu et invenerunt eum in agro Naboth Hiezrahelitis
1 Rois 21.1-21.7 2 Chroniques 22.7 2 Rois 9.25-9.26 1 Rois 20.14 Nombres 20.14
²² cumque vidisset Ioram Hieu dixit pax est Hieu at ille respondit quae pax adhuc fornicationes Hiezabel matris tuae et veneficia eius multa vigent
1 Rois 16.30-16.33 2 Chroniques 21.13 Apocalypse 18.3 1 Rois 19.1-19.2 1 Rois 18.4
²³ convertit autem Ioram manum suam et fugiens ait ad Ahaziam insidiae Ahazia
2 Rois 11.14 2 Chroniques 23.13
²⁴ porro Hieu tetendit arcum manu et percussit Ioram inter scapulas et egressa est sagitta per cor eius statimque corruit in curru suo
1 Rois 22.34 Psaumes 50.22 Ecclésiaste 8.12-8.13 1 Thessaloniciens 5.3 Proverbes 21.30
²⁵ dixitque Hieu ad Baddacer ducem tolle proice eum in agro Naboth Hiezrahelitae memini enim quando ego et tu sedentes in curru sequebamur Ahab patrem huius quod Dominus onus hoc levaverit super eum dicens
1 Rois 21.19 Esaïe 13.1 1 Rois 21.24-21.29 Nahum 1.1 Matthieu 11.30
²⁶ si non pro sanguine Naboth et pro sanguine filiorum eius quem vidi heri ait Dominus reddam tibi in agro isto dicit Dominus nunc igitur tolle proice eum in agro iuxta verbum Domini
2 Chroniques 25.4 Exode 20.5 1 Rois 21.19 2 Chroniques 24.25 Deutéronome 5.9
²⁷ Ahazias autem rex Iuda videns hoc fugit per viam domus horti persecutusque est eum Hieu et ait etiam hunc percutite in curru suo in ascensu Gaber qui est iuxta Ieblaam qui fugit in Mageddo et mortuus est ibi
Juges 1.27 Josué 17.11 2 Chroniques 22.7-22.9 2 Corinthiens 6.17 Nombres 16.26
²⁸ et inposuerunt eum servi eius super currum suum et tulerunt Hierusalem sepelieruntque in sepulchro cum patribus suis in civitate David
2 Chroniques 35.24 2 Rois 23.30 2 Chroniques 25.28 2 Rois 23.20 2 Rois 14.19-14.20
²⁹ anno undecimo Ioram filii Ahab rege Ahazia super Iudam
2 Chroniques 21.18-21.19 2 Rois 8.16 2 Chroniques 22.1-22.2 2 Rois 8.24-8.25
³⁰ venit Hieu Hiezrahel porro Hiezabel introitu eius audito depinxit oculos suos stibio et ornavit caput suum et respexit per fenestram
Jérémie 4.30 Ezéchiel 23.40 1 Rois 19.1-19.2 Esaïe 3.18-3.24 Ezéchiel 24.17
³¹ ingredientem Hieu per portam et ait numquid pax esse potest Zamri qui interfecit dominum suum
1 Rois 16.9-16.20
³² levavitque Hieu faciem suam ad fenestram et ait quae est ista et inclinaverunt se ad eum duo vel tres eunuchi
Exode 32.26 Actes 12.20 Esther 1.10 Esther 2.21 Psaumes 118.6
³³ at ille dixit eis praecipitate eam deorsum et praecipitaverunt eam aspersusque est sanguine paries et equorum ungulae qui conculcaverunt eam
Matthieu 5.13 1 Rois 21.11 Esaïe 25.10 2 Rois 9.26 2 Rois 7.20
³⁴ cumque ingressus esset et comederet bibissetque ait ite videte maledictam illam et sepelite eam quia filia regis est
1 Rois 16.31 1 Rois 21.25 Amos 6.4 Esther 3.15 1 Rois 18.41
³⁵ cumque issent ut sepelirent eam non invenerunt nisi calvariam et pedes et summas manus
Jérémie 36.30 Ecclésiaste 6.3 Jérémie 22.19 Actes 12.23 Esaïe 14.18-14.20
³⁶ reversique nuntiaverunt ei et ait Hieu sermo Domini est quem locutus est per servum suum Heliam Thesbiten dicens in agro Hiezrahel comedent canes carnes Hiezabel
1 Rois 21.23 2 Samuel 12.25 Lévitique 8.36 2 Rois 14.25
³⁷ et erunt carnes Hiezabel sicut stercus super faciem terrae in agro Hiezrahel ita ut praetereuntes dicant haecine est illa Hiezabel
Jérémie 8.2 Jérémie 16.4 Psaumes 83.10 Ecclésiaste 6.3 Jérémie 22.19