2 Chroniques 23.12
Vulgate

¹ anno autem septimo confortatus Ioiadae adsumpsit centuriones Azariam videlicet filium Hieroam et Ismahel filium Iohanan Azariam quoque filium Oded et Maasiam filium Adaiae et Elisaphat filium Zechri et iniit cum eis foedus
1 Samuel 18.3 2 Chroniques 15.12 Néhémie 9.38 2 Rois 11.4-11.20
² qui circumeuntes Iudam congregaverunt Levitas de cunctis urbibus Iuda et principes familiarum Israhel veneruntque in Hierusalem
2 Chroniques 11.13-11.17 Matthieu 10.16 1 Chroniques 24.6 1 Chroniques 15.12 2 Chroniques 21.2
³ iniit igitur omnis multitudo pactum in domo Domini cum rege dixitque ad eos Ioiadae ecce filius regis regnabit sicut locutus est Dominus super filios David
2 Samuel 7.12 2 Chroniques 6.16 2 Chroniques 21.7 1 Rois 2.4 2 Chroniques 7.18
⁴ iste est ergo sermo quem facietis
1 Chroniques 26.13-26.16 Luc 1.8-1.9 1 Chroniques 24.3-24.6 1 Chroniques 23.3-23.6 1 Chroniques 9.25
⁵ tertia pars vestrum qui veniunt ad sabbatum sacerdotum et Levitarum et ianitorum erit in portis tertia vero pars ad domum regis et tertia in porta quae appellatur Fundamenti omne vero reliquum vulgus sit in atriis domus Domini
Ezéchiel 44.2-44.3 2 Rois 11.5-11.6 Actes 3.2 Ezéchiel 46.2-46.3
⁶ nec quisquam alius ingrediatur domum Domini nisi sacerdotes et qui ministrant de Levitis ipsi tantummodo ingrediantur quia sanctificati sunt et omne reliquum vulgus observet custodias Domini
1 Chroniques 23.28-23.32 2 Rois 11.6-11.7
⁷ Levitae autem circumdent regem habentes singuli arma sua et si quis alius ingressus fuerit templum interficiatur sintque cum rege et intrante et egrediente
Exode 19.12-19.13 Exode 21.14 2 Rois 11.8-11.9 Nombres 3.10 Nombres 3.38
⁸ fecerunt igitur Levitae et universus Iuda iuxta omnia quae praeceperat Ioiadae pontifex et adsumpserunt singuli viros qui sub se erant et veniebant per ordinem sabbati cum his qui iam impleverant sabbatum et egressuri erant siquidem Ioiadae pontifex non dimiserat abire turmas quae sibi per singulas ebdomadas succedere consueverant
2 Rois 11.9 1 Chroniques 24.1-24.26
⁹ deditque Ioiadae sacerdos centurionibus lanceas clypeosque et peltas regis David quas consecraverat in domo Domini
1 Samuel 21.9 2 Samuel 8.7
¹⁰ constituitque omnem populum tenentium pugiones a parte templi dextra usque ad partem templi sinistram coram altari et templo per circuitum regis
Exode 40.6 2 Chroniques 6.12 2 Rois 11.11
¹¹ et eduxerunt filium regis et inposuerunt ei diadema dederuntque in manu eius tenendam legem et constituerunt eum regem unxit quoque illum Ioiadae pontifex et filii eius inprecatique sunt atque dixerunt vivat rex
1 Samuel 10.24 Exode 25.16 2 Chroniques 22.11 Psaumes 2.10-2.12 Psaumes 78.5
¹² quod cum audisset Otholia vocem scilicet currentium atque laudantium regem ingressa est ad populum in templum Domini
2 Rois 9.32-9.37 2 Rois 11.13-11.16
¹³ cumque vidisset regem stantem super gradum in introitu et principes turmasque circa eum omnem quoque populum terrae gaudentem atque clangentem tubis et diversi generis organis concinentem vocemque laudantium scidit vestimenta sua et ait insidiae insidiae
Proverbes 29.2 1 Rois 1.39-1.40 2 Rois 23.3 Nombres 10.1-10.10 Juges 7.8
¹⁴ egressus autem Ioiadae pontifex ad centuriones et principes exercitus dixit eis educite illam extra septa templi et interficiatur foris gladio praecepitque sacerdos ne occideretur in domo Domini
Exode 21.14 Ezéchiel 9.7 2 Rois 11.15 2 Rois 11.8 2 Rois 10.25
¹⁵ et inposuerunt cervicibus eius manus cumque intrasset portam Equorum domus regis interfecerunt eam ibi
Néhémie 3.28 Jérémie 31.40 2 Chroniques 22.10 Jacques 2.13 Apocalypse 16.5-16.7
¹⁶ pepigit autem Ioiadae foedus inter se universumque populum et regem ut esset populus Domini
2 Chroniques 29.10 Néhémie 9.38 2 Rois 11.17 Esaïe 44.5 2 Chroniques 15.12
¹⁷ itaque ingressus est omnis populus domum Baal et destruxerunt eam et altaria ac simulacra illius confregerunt Matthan quoque sacerdotem Baal interfecerunt ante aras
1 Rois 18.40 Deutéronome 12.3 2 Chroniques 34.7 2 Rois 11.18-11.19 2 Chroniques 34.4
¹⁸ constituit autem Ioiadae praepositos in domo Domini et sub manibus sacerdotum ac Levitarum quos distribuit David in domo Domini ut offerrent holocausta Domino sicut scriptum est in lege Mosi in gaudio et canticis iuxta dispositionem David
2 Chroniques 5.5 2 Chroniques 29.25 Nombres 28.1-28.31 1 Chroniques 23.28-23.31 1 Chroniques 25.1-25.31
¹⁹ constituit quoque ianitores in portis domus Domini ut non ingrederetur eam inmundus in omni re
1 Chroniques 9.22-9.24 1 Chroniques 26.1-26.32
²⁰ adsumpsitque centuriones et fortissimos viros ac principes populi et omne vulgus terrae et fecerunt descendere regem de domo Domini et introire per medium portae superioris in domum regis et conlocaverunt eum in solio regali
2 Rois 11.19 2 Rois 15.35 2 Rois 11.9-11.10
²¹ laetatusque est omnis populus terrae et urbs quievit porro Otholia interfecta est gladio
2 Rois 11.20 Apocalypse 19.1-19.4 Proverbes 11.10 Apocalypse 18.20 Psaumes 58.10-58.11