Ecclésiaste 2
Vulgate

¹ dixi ego in corde meo vadam et affluam deliciis et fruar bonis et vidi quod hoc quoque esset vanitas Ecclésiaste 8.15 Luc 12.19 Ecclésiaste 11.9 Esaïe 50.5 Ecclésiaste 1.16-1.17
² risum reputavi errorem et gaudio dixi quid frustra deciperis Proverbes 14.13 Ecclésiaste 7.2-7.6 1 Pierre 4.2-4.4 Esaïe 22.12-22.13 Amos 6.3-6.6
³ cogitavi in corde meo abstrahere a vino carnem meam ut animum meum transferrem ad sapientiam devitaremque stultitiam donec viderem quid esset utile filiis hominum quod facto opus est sub sole numero dierum vitae suae Ecclésiaste 1.17 Proverbes 20.1 Ephésiens 5.18 Proverbes 31.4-31.5 Ecclésiaste 12.13
⁴ magnificavi opera mea aedificavi mihi domos plantavi vineas 1 Rois 7.1-7.12 1 Rois 15.19 Cantique 8.11-8.12 1 Chroniques 27.27 Daniel 4.30
⁵ feci hortos et pomeria et consevi ea cuncti generis arboribus Jérémie 39.4 Cantique 4.12-5.1 Genèse 2.8-2.9 Cantique 6.2 Luc 17.27-17.29
⁶ extruxi mihi piscinas aquarum ut inrigarem silvam lignorum germinantium Néhémie 2.14 Jérémie 17.8 Cantique 7.4 Psaumes 1.3
⁷ possedi servos et ancillas multamque familiam habui armenta quoque et magnos ovium greges ultra omnes qui fuerunt ante me in Hierusalem 1 Rois 9.20-9.22 Genèse 13.2 1 Chroniques 27.29-27.31 Néhémie 7.57 Job 42.12
⁸ coacervavi mihi argentum et aurum et substantias regum ac provinciarum feci mihi cantores et cantrices et delicias filiorum hominum scyphos et urceos in ministerio ad vina fundenda 1 Rois 10.10 1 Rois 9.28 2 Samuel 19.35 1 Rois 10.14 Daniel 3.7
⁹ et supergressus sum opibus omnes qui fuerunt ante me in Hierusalem sapientia quoque perseveravit mecum 1 Chroniques 29.25 Ecclésiaste 1.16 1 Rois 10.23 1 Rois 10.7 2 Chroniques 9.22-9.23
¹⁰ et omnia quae desideraverunt oculi mei non negavi eis nec prohibui cor quin omni voluptate frueretur et oblectaret se in his quae paraveram et hanc ratus sum partem meam si uterer labore meo Ecclésiaste 3.22 Ecclésiaste 5.18 Ecclésiaste 9.9 Psaumes 128.2 Ecclésiaste 2.22
¹¹ cumque me convertissem ad universa opera quae fecerant manus meae et ad labores in quibus frustra sudaveram vidi in omnibus vanitatem et adflictionem animi et nihil permanere sub sole Ecclésiaste 1.14 Ecclésiaste 1.3 1 Jean 2.16-2.17 Ecclésiaste 2.17-2.23 1 Timothée 6.6
¹² transivi ad contemplandam sapientiam erroresque et stultitiam quid est inquam homo ut sequi possit regem factorem suum Ecclésiaste 1.17 Ecclésiaste 7.25 Ecclésiaste 1.9-1.10
¹³ et vidi quia tantum praecederet sapientia stultitiam quantum differt lux tenebris Ecclésiaste 7.11-7.12 Matthieu 6.23 Ephésiens 5.8 Proverbes 16.16 Psaumes 119.130
¹⁴ sapientis oculi in capite eius stultus in tenebris ambulat et didici quod unus utriusque esset interitus Proverbes 17.24 Psaumes 49.10 1 Jean 2.11 Ecclésiaste 3.19 Ecclésiaste 9.1-9.3
¹⁵ et dixi in corde meo si unus et stulti et meus occasus erit quid mihi prodest quod maiorem sapientiae dedi operam locutusque cum mente mea animadverti quod hoc quoque esset vanitas Ecclésiaste 6.8 Ecclésiaste 2.16 1 Rois 3.12 Ecclésiaste 1.16 Ecclésiaste 1.2
¹⁶ non enim erit memoria sapientis similiter ut stulti in perpetuum et futura tempora oblivione cuncta pariter obruent moritur doctus similiter et indoctus Ecclésiaste 1.11 Ecclésiaste 9.5 Psaumes 88.12 Hébreux 9.27 Psaumes 103.16
¹⁷ et idcirco taeduit me vitae meae videntem mala esse universa sub sole et cuncta vanitatem atque adflictionem spiritus Ecclésiaste 2.11 Ecclésiaste 2.22 Ecclésiaste 1.14 Jérémie 20.14-20.18 Habakuk 1.3
¹⁸ rursum detestatus sum omnem industriam meam quae sub sole studiosissime laboravi habiturus heredem post me Psaumes 39.6 Psaumes 49.10 Actes 20.29-20.30 1 Corinthiens 3.10 Ecclésiaste 5.13-5.14
¹⁹ quem ignoro utrum sapiens an stultus futurus sit et dominabitur in laboribus meis quibus desudavi et sollicitus fui et est quicquam tam vanum Ecclésiaste 3.22 1 Rois 12.14-12.20 1 Rois 14.25-14.28 Luc 16.8 Jacques 1.17
²⁰ unde cessavi renuntiavitque cor meum ultra laborare sub sole Job 17.11-17.15 Genèse 43.14 Psaumes 39.6-39.7 2 Corinthiens 1.8-1.10 1 Corinthiens 15.19
²¹ nam cum alius laboret in sapientia et doctrina et sollicitudine homini otioso quaesita dimittit et hoc ergo vanitas et magnum malum Ecclésiaste 2.17-2.18 2 Chroniques 35.18 Jérémie 22.17 2 Chroniques 33.2-33.9 Ecclésiaste 9.18
²² quid enim proderit homini de universo labore suo et adflictione spiritus qua sub sole cruciatus est Ecclésiaste 1.3 Ecclésiaste 3.9 Philippiens 4.6 Matthieu 6.34 Matthieu 6.25
²³ cuncti dies eius doloribus et aerumnis pleni sunt nec per noctem mente requiescit et haec non vanitas est Job 14.1 Job 5.7 Job 7.13-7.14 Psaumes 127.2 Psaumes 6.6-6.7
²⁴ nonne melius est comedere et bibere et ostendere animae suae bona de laboribus suis et hoc de manu Dei est Ecclésiaste 3.22 Ecclésiaste 8.15 Ecclésiaste 5.18-5.19 Ecclésiaste 3.12-3.13 1 Timothée 6.17
²⁵ quis ita vorabit et deliciis affluet ut ego Ecclésiaste 2.1-2.12 1 Rois 4.21-4.24
²⁶ homini bono in conspectu suo dedit Deus sapientiam et scientiam et laetitiam peccatori autem dedit adflictionem et curam superfluam ut addat et congreget et tradat ei qui placuit Deo sed et hoc vanitas et cassa sollicitudo mentis Proverbes 13.22 Job 27.16-27.17 Jean 16.24 Proverbes 3.13-3.18 Proverbes 28.8