Esaïe 65
Vulgate

Réponse de Dieu

1 quaesierunt me qui ante non interrogabant invenerunt qui non quaesierunt me dixi ecce ego ecce ego ad gentem quae non vocabat nomen meum
Romains 10.20 Ephésiens 2.12-2.13 Romains 9.24-9.26 Osée 1.10 Esaïe 63.19
2 expandi manus meas tota die ad populum incredulum qui graditur in via non bona post cogitationes suas
Romains 10.21 Esaïe 1.2 Luc 13.34 Nombres 15.39 Matthieu 15.19
3 populus qui ad iracundiam provocat me ante faciem meam semper qui immolant in hortis et sacrificant super lateres
Esaïe 1.29 Job 1.11 Esaïe 66.17 Esaïe 3.8 Job 2.5
4 qui habitant in sepulchris et in delubris idolorum dormiunt qui comedunt carnem suillam et ius profanum in vasis eorum
Esaïe 66.17 Lévitique 11.7 Esaïe 66.3 Matthieu 8.28 Nombres 19.11
5 qui dicunt recede a me non adpropinques mihi quia inmundus es isti fumus erunt in furore meo ignis ardens tota die
Luc 7.39 Luc 18.9-18.12 Matthieu 9.11 Luc 5.30 Romains 2.17-2.29
6 ecce scriptum est coram me non tacebo sed reddam et retribuam in sinu eorum
Jérémie 16.18 Psaumes 50.3 Psaumes 79.12 Psaumes 50.21 Esaïe 42.14
7 iniquitates vestras et iniquitates patrum vestrorum simul dicit Dominus qui sacrificaverunt super montes et super colles exprobraverunt mihi et remetiar opus eorum primum in sinu eorum
Ezéchiel 20.27-20.28 Exode 20.5 Esaïe 57.7 Jérémie 5.29 Jérémie 13.25
8 haec dicit Dominus quomodo si inveniatur granum in botro et dicatur ne dissipes illud quoniam benedictio est sic faciam propter servos meos ut non disperdam totum
Marc 13.20 Romains 11.5-11.6 Jérémie 30.11 Esaïe 6.13 Romains 9.27-9.29
9 et educam de Iacob semen et de Iuda possidentem montes meos et hereditabunt eam electi mei et servi mei habitabunt ibi
Amos 9.11-9.15 Esaïe 27.6 Ezéchiel 37.21-37.28 Ezéchiel 36.8-36.15 Jérémie 31.36-31.40
10 et erunt campestria in caulas gregum et vallis Achor in cubile armentorum populo meo qui requisierunt me
Esaïe 35.2 Esaïe 33.9 Osée 2.15 Esaïe 51.1 Josué 7.24-7.26
11 et vos qui dereliquistis Dominum qui obliti estis montem sanctum meum qui ponitis Fortunae mensam et libatis super eam
Esaïe 1.28 Esaïe 2.2 Esaïe 65.25 Jérémie 17.13 Esaïe 57.5-57.10
12 numerabo vos in gladio et omnes in caede corruetis pro eo quod vocavi et non respondistis locutus sum et non audistis et faciebatis malum in oculis meis et quae nolui elegistis
Jérémie 7.13 2 Chroniques 36.15-36.16 Esaïe 50.2 Matthieu 21.34-21.43 Ezéchiel 14.17-14.21
13 propter hoc haec dicit Dominus Deus ecce servi mei comedent et vos esurietis ecce servi mei bibent et vos sitietis
Luc 16.24-16.25 Esaïe 66.5 Psaumes 37.19-37.20 Malachie 3.18 Esaïe 66.14
14 ecce servi mei laetabuntur et vos confundemini ecce servi mei laudabunt prae exultatione cordis et vos clamabitis prae dolore cordis et prae contritione spiritus ululabitis
Matthieu 8.12 Luc 13.28 Jacques 5.13 Psaumes 66.4 Jérémie 31.7
15 et dimittetis nomen vestrum in iuramentum electis meis et interficiet te Dominus Deus et servos suos vocabit nomine alio
Zacharie 8.13 Esaïe 62.2 Actes 11.26 Romains 9.26 Jérémie 29.22
16 in quo qui benedictus est super terram benedicetur in Deo amen et qui iurat in terra iurabit in Deo amen quia oblivioni traditae sunt angustiae priores et quia absconditae sunt ab oculis nostris
Esaïe 19.18 Psaumes 31.5 Jérémie 4.2 Deutéronome 32.4 Psaumes 72.17
17 ecce enim ego creo caelos novos et terram novam et non erunt in memoria priora et non ascendent super cor
2 Pierre 3.13 Esaïe 66.22 Jérémie 3.16 Apocalypse 21.1-21.5 Esaïe 43.18
18 sed gaudebitis et exultabitis usque in sempiternum in his quae ego creo quia ecce ego creo Hierusalem exultationem et populum eius gaudium
Psaumes 98.1-98.9 Apocalypse 11.15-11.18 Esaïe 66.10-66.14 Apocalypse 19.1-19.6 Esaïe 52.7-52.10
19 et exultabo in Hierusalem et gaudebo in populo meo et non audietur in eo ultra vox fletus et vox clamoris
Esaïe 35.10 Apocalypse 21.4 Apocalypse 7.17 Esaïe 25.8 Esaïe 51.11
20 non erit ibi amplius infans dierum et senex qui non impleat dies suos quoniam puer centum annorum morietur et peccator centum annorum maledictus erit
Deutéronome 4.40 Job 5.26 Psaumes 34.12 Esaïe 3.11 Ecclésiaste 8.12-8.13
21 et aedificabunt domos et habitabunt et plantabunt vineas et comedent fructum earum
Amos 9.14 Esaïe 32.18 Esaïe 62.8-62.9 Jérémie 31.4-31.5 Juges 6.1-6.6
22 non aedificabunt et alius habitabit non plantabunt et alius comedet secundum dies enim ligni erunt dies populi mei et opera manuum eorum inveterabunt
Psaumes 92.12-92.14 Psaumes 91.16 Esaïe 65.15 Esaïe 65.9 Genèse 5.5
23 electis meis non laborabunt frustra neque generabunt in conturbatione quia semen benedictorum Domini est et nepotes eorum cum eis
Esaïe 61.9 Actes 2.39 Jérémie 32.38-32.39 Psaumes 115.14-115.15 Esaïe 49.4
24 eritque antequam clament ego exaudiam adhuc illis loquentibus ego audiam
Daniel 10.12 1 Jean 5.14-5.15 Esaïe 58.9 Marc 11.24 Psaumes 91.15
25 lupus et agnus pascentur simul et leo et bos comedent paleas et serpenti pulvis panis eius non nocebunt neque occident in omni monte sancto meo dicit Dominus
Esaïe 11.6-11.9 Michée 4.3 Esaïe 65.11 Michée 7.17 Zacharie 8.3