Lamentations 2
Vulgate

Le jugement de Jérusalem

1 ALEPH quomodo obtexit caligine in furore suo Dominus filiam Sion proiecit de caelo terram inclitam Israhel et non recordatus est scabilli pedum suorum in die furoris sui
Psaumes 132.7 Joël 2.2 Lamentations 3.43-3.44 1 Chroniques 28.2 Esaïe 64.11
2 BETH praecipitavit Dominus nec pepercit omnia speciosa Iacob destruxit in furore suo munitiones virginis Iuda deiecit in terram polluit regnum et principes eius
Lamentations 2.17 Psaumes 89.39-89.40 Lamentations 3.43 Esaïe 25.12 Esaïe 43.28
3 GIMEL confregit in ira furoris omne cornu Israhel avertit retrorsum dexteram suam a facie inimici et succendit in Iacob quasi ignem flammae devorantis in gyro
Psaumes 74.11 Esaïe 42.25 Psaumes 75.5 Psaumes 75.10 Psaumes 79.5
4 DELETH tetendit arcum suum quasi inimicus firmavit dexteram suam quasi hostis et occidit omne quod pulchrum erat visu in tabernaculo filiae Sion effudit quasi ignem indignationem suam
Jérémie 7.20 Esaïe 42.25 Jérémie 21.5 Ezéchiel 24.25 Lamentations 3.12-3.13
5 HE factus est Dominus velut inimicus praecipitavit Israhel praecipitavit omnia moenia eius dissipavit munitiones eius et replevit in filia Iuda humiliatum et humiliatam
Lamentations 2.2 Jérémie 30.14 Lamentations 2.4 2 Rois 25.9 Jérémie 52.13
6 VAV et dissipavit quasi hortum tentorium suum demolitus est tabernaculum suum oblivioni tradidit Dominus in Sion festivitatem et sabbatum et obprobrio in indignatione furoris sui regem et sacerdotem
Sophonie 3.18 Lamentations 1.4 Lamentations 4.16 Psaumes 80.12 Esaïe 63.18
7 ZAI reppulit Dominus altare suum maledixit sanctificationi suae tradidit in manu inimici muros turrium eius vocem dederunt in domo Domini sicut in die sollemni
Psaumes 74.3-74.8 Ezéchiel 24.21 Jérémie 52.13 Psaumes 78.59-78.61 Ezéchiel 7.20-7.22
8 HETH cogitavit Dominus dissipare murum filiae Sion tetendit funiculum suum et non avertit manum suam a perditione luxitque antemurale et murus pariter dissipatus est
2 Rois 21.13 Esaïe 3.26 Esaïe 34.11 Jérémie 14.2 Amos 7.7-7.8
9 TETH defixae sunt in terra portae eius perdidit et contrivit vectes eius regem eius et principes eius in gentibus non est lex et prophetae eius non invenerunt visionem a Domino
Osée 3.4 Ezéchiel 7.26 Néhémie 1.3 2 Chroniques 15.3 Psaumes 74.9
10 IOTH sederunt in terra conticuerunt senes filiae Sion consperserunt cinere capita sua accincti sunt ciliciis abiecerunt in terra capita sua virgines Hierusalem
Esaïe 3.26 Job 2.12-2.13 Esaïe 15.3 Lamentations 1.4 Josué 7.6
11 CAPH defecerunt prae lacrimis oculi mei conturbata sunt viscera mea effusum est in terra iecur meum super contritione filiae populi mei cum deficeret parvulus et lactans in plateis oppidi
Lamentations 1.16 Job 16.13 Lamentations 1.20 Psaumes 6.7 Psaumes 22.14
12 LAMED matribus suis dixerunt ubi est triticum et vinum cum deficerent quasi vulnerati in plateis civitatis cum exhalarent animas suas in sinu matrum suarum
Ezéchiel 30.24 Esaïe 53.12
13 MEM cui conparabo te vel cui adsimilabo te filia Hierusalem cui exaequabo te et consolabor te virgo filia Sion magna enim velut mare contritio tua quis medebitur tui
Lamentations 1.12 Jérémie 8.22 Jérémie 30.12-30.15 2 Samuel 5.20 Jérémie 14.17
14 NUN prophetae tui viderunt tibi falsa et stulta nec aperiebant iniquitatem tuam ut te ad paenitentiam provocarent viderunt autem tibi adsumptiones falsas et eiectiones
Esaïe 58.1 Jérémie 5.31 Ezéchiel 22.28 Ezéchiel 22.25 Jérémie 2.8
15 SAMECH plauserunt super te manibus omnes transeuntes per viam sibilaverunt et moverunt caput suum super filiam Hierusalem haecine est urbs dicentes perfecti decoris gaudium universae terrae
Psaumes 48.2 Jérémie 18.16 Psaumes 50.2 Jérémie 19.8 Ezéchiel 25.6
16 FE aperuerunt super te os suum omnes inimici tui sibilaverunt et fremuerunt dentibus dixerunt devoravimus en ista est dies quam expectabamus invenimus vidimus
Psaumes 35.21 Lamentations 3.46 Job 16.9-16.10 Psaumes 56.2 Psaumes 35.16
17 AIN fecit Dominus quae cogitavit conplevit sermonem suum quem praeceperat a diebus antiquis destruxit et non pepercit et laetificavit super te inimicum et exaltavit cornu hostium tuorum
Psaumes 89.42 Ezéchiel 5.11 Lamentations 2.1-2.2 Deutéronome 28.15-28.68 Lamentations 1.5
18 SADE clamavit cor eorum ad Dominum super muros filiae Sion deduc quasi torrentem lacrimas per diem et per noctem non des requiem tibi neque taceat pupilla oculi tui
Jérémie 9.1 Lamentations 1.16 Psaumes 119.145 Lamentations 2.8 Lamentations 1.2
19 COPH consurge lauda in nocte in principio vigiliarum effunde sicut aqua cor tuum ante conspectum Domini leva ad eum manus tuas pro anima parvulorum tuorum qui defecerunt in fame in capite omnium conpetorum
Psaumes 62.8 Psaumes 142.2 Esaïe 26.9 1 Samuel 1.15 Psaumes 119.147-119.148
20 RES vide Domine et considera quem vindemiaveris ita ergone comedent mulieres fructum suum parvulos ad mensuram palmae si occidetur in sanctuario Domini sacerdos et propheta
Lamentations 4.10 Jérémie 19.9 Psaumes 78.64 Lamentations 4.13 Deutéronome 9.26
21 SEN iacuerunt in terra foris puer et senex virgines meae et iuvenes mei ceciderunt in gladio interfecisti in die furoris tui percussisti nec misertus es
2 Chroniques 36.17 Lamentations 3.43 Zacharie 11.6 Jérémie 13.14 Lamentations 2.2
22 THAU vocasti quasi ad diem sollemnem qui terrerent me de circuitu et non fuit in die furoris Domini qui effugeret et relinqueretur quos educavi et enutrivi inimicus meus consumpsit eos
Jérémie 6.25 Psaumes 31.13 Jérémie 16.2-16.4 Esaïe 24.17-24.18 Jérémie 20.3