Lamentations 4.15
Vulgate

Horreur du siège de Jérusalem

¹ ALEPH quomodo obscuratum est aurum mutatus est color optimus dispersi sunt lapides sanctuarii in capite omnium platearum
Ezéchiel 7.19-7.22 Esaïe 1.21 Lamentations 2.19 Luc 21.5-21.6 Jérémie 52.13
² BETH filii Sion incliti et amicti auro primo quomodo reputati sunt in vasa testea opus manuum figuli
Jérémie 19.11 Esaïe 30.14 Lamentations 2.21 2 Corinthiens 4.7 Jérémie 22.28
³ GIMEL sed et lamiae nudaverunt mammam lactaverunt catulos suos filia populi mei crudelis quasi strutio in deserto
Esaïe 49.15 Ezéchiel 5.10 Deutéronome 28.52-28.57 Romains 1.31 Jérémie 19.9
⁴ DELETH adhesit lingua lactantis ad palatum eius in siti parvuli petierunt panem et non erat qui frangeret eis
Psaumes 22.15 Lamentations 2.11-2.12 Deutéronome 32.24 Lamentations 1.11 Matthieu 7.9-7.11
⁵ HE qui vescebantur voluptuose interierunt in viis qui nutriebantur in croceis amplexati sunt stercora
Amos 6.3-6.7 Luc 15.16 Luc 16.19 1 Timothée 5.6 Luc 7.25
⁶ VAV et maior effecta est iniquitas filiae populi mei peccato Sodomorum quae subversa est in momento et non ceperunt in ea manus
Genèse 19.25 Luc 10.12 Ezéchiel 16.48-16.50 Esaïe 1.9-1.10 Luc 12.47
⁷ ZAI candidiores nazarei eius nive nitidiores lacte rubicundiores ebore antiquo sapphyro pulchriores
Psaumes 51.7 Cantique 5.10 Juges 13.7 Nombres 6.2-6.21 1 Samuel 16.12
⁸ HETH denigrata est super carbones facies eorum et non sunt cogniti in plateis adhesit cutis eorum ossibus aruit et facta est quasi lignum
Psaumes 102.3-102.5 Job 30.30 Lamentations 5.10 Job 19.20 Psaumes 119.83
⁹ TETH melius fuit occisis gladio quam interfectis fame quoniam isti extabuerunt consumpti ab sterilitate terrae
Ezéchiel 24.23 Lévitique 26.39 Jérémie 16.4 Ezéchiel 33.10
¹⁰ IOTH manus mulierum misericordium coxerunt filios suos facti sunt cibus earum in contritione filiae populi mei
Lamentations 2.20 Esaïe 49.15 Jérémie 19.9 2 Rois 6.26-6.29 Lamentations 3.48
¹¹ CAPH conplevit Dominus furorem suum effudit iram indignationis suae et succendit ignem in Sion et devoravit fundamenta eius
Ezéchiel 22.31 Jérémie 7.20 Jérémie 17.27 Lamentations 2.17 Deutéronome 32.21-32.25
¹² LAMED non crediderunt reges terrae et universi habitatores orbis quoniam ingrederetur hostis et inimicus per portas Hierusalem
1 Rois 9.8-9.9 Psaumes 48.4-48.6 Jérémie 21.13 Deutéronome 29.24-29.28
¹³ MEM propter peccata prophetarum eius iniquitates sacerdotum eius qui effuderunt in medio eius sanguinem iustorum
Jérémie 5.31 Jérémie 6.13 Matthieu 23.31 Jérémie 26.8-26.9 Lamentations 2.14
¹⁴ NUN erraverunt caeci in plateis polluti sunt sanguine cumque non possent tenuerunt lacinias suas
Jérémie 2.34 Esaïe 56.10 Esaïe 1.15 Nombres 19.16 Deutéronome 28.28-28.29
¹⁵ SAMECH recedite polluti clamaverunt eis recedite abite nolite tangere iurgati quippe sunt et commoti dixerunt inter gentes non addet ultra ut habitet in eis
Lévitique 13.45-13.46
¹⁶ FE facies Domini divisit eos non addet ut respiciat eos facies sacerdotum non erubuerunt neque senum miserti sunt
Esaïe 9.14-9.16 Lamentations 5.12 2 Rois 25.18-25.21 Lévitique 26.33-26.39 Genèse 49.7
¹⁷ AIN cum adhuc subsisteremus defecerunt oculi nostri ad auxilium nostrum vanum cum respiceremus adtenti ad gentem quae salvare non poterat
Ezéchiel 29.16 Ezéchiel 29.6-29.7 Esaïe 20.5 2 Rois 24.7 Jérémie 37.7-37.10
¹⁸ SADE lubricaverunt vestigia nostra in itinere platearum nostrarum adpropinquavit finis noster conpleti sunt dies nostri quia venit finis noster
Amos 8.2 Ezéchiel 7.2-7.12 Lamentations 3.52 Jérémie 16.16 Jérémie 52.7-52.9
¹⁹ COPH velociores fuerunt persecutores nostri aquilis caeli super montes persecuti sunt nos in deserto insidiati sunt nobis
Esaïe 5.26-5.28 Habakuk 1.8 Jérémie 4.13 Deutéronome 28.49 Esaïe 30.16-30.17
²⁰ RES spiritus oris nostri christus dominus captus est in peccatis nostris cui diximus in umbra tua vivemus in gentibus
Genèse 2.7 Ezéchiel 12.13 2 Samuel 19.21 Jérémie 39.5 Lamentations 2.9
²¹ SEN gaude et laetare filia Edom quae habitas in terra Hus ad te quoque perveniet calix inebriaberis atque nudaberis
Psaumes 137.7 Job 1.1 Amos 1.11 Jérémie 25.15-25.29 Esaïe 34.1-34.17
²² THAU conpleta est iniquitas tua filia Sion non addet ultra ut transmigret te visitavit iniquitatem tuam filia Edom discoperuit peccata tua
Esaïe 40.2 Psaumes 137.7 Jérémie 33.8 Malachie 1.4 Lamentations 4.21