Nombres 32
Vulgate

1 filii autem Ruben et Gad habebant pecora multa et erat illis in iumentis infinita substantia cumque vidissent Iazer et Galaad aptas alendis animalibus
Nombres 21.32 Nombres 32.3 Nombres 32.35 Nombres 32.26 Nombres 26.5-26.7
2 venerunt ad Mosen et ad Eleazarum sacerdotem et principes multitudinis atque dixerunt
3 Atharoth et Dibon et Iazer et Nemra Esbon et Eleale et Sabam et Nebo et Beon
Nombres 32.34-32.38 Josué 13.17 Jérémie 48.34 Esaïe 16.8-16.9 Nombres 21.28
4 terram quam percussit Dominus in conspectu filiorum Israhel regionis uberrimae est ad pastum animalium et nos servi tui habemus iumenta plurima
Nombres 21.34 Nombres 21.24 Deutéronome 2.24-2.35
5 precamurque si invenimus gratiam coram te ut des nobis famulis tuis eam in possessionem ne facias nos transire Iordanem
1 Samuel 20.3 Ruth 2.10 Genèse 19.19 Deutéronome 3.25-3.26 Jérémie 31.2
6 quibus respondit Moses numquid fratres vestri ibunt ad pugnam et vos hic sedebitis
2 Samuel 11.11 1 Corinthiens 13.5 Philippiens 2.4
7 cur subvertitis mentes filiorum Israhel ne transire audeant in locum quem eis daturus est Dominus
Actes 21.13 Deutéronome 1.28 Nombres 32.9 Nombres 21.4 Nombres 13.27-14.4
8 nonne ita egerunt patres vestri quando misi de Cadesbarne ad explorandam terram
Josué 14.6-14.7 Deutéronome 1.19-1.25 Nombres 13.2-13.26 Nombres 14.2
9 cumque venissent usque ad vallem Botri lustrata omni regione subverterunt cor filiorum Israhel ut non intrarent fines quos eis Dominus dedit
Nombres 13.23-14.10 Deutéronome 1.24-1.28
10 qui iratus iuravit dicens
Nombres 14.11 Nombres 14.29 Nombres 14.21 Hébreux 3.8-3.19 Psaumes 95.11
11 si videbunt homines isti qui ascenderunt ex Aegypto a viginti annis et supra terram quam sub iuramento pollicitus sum Abraham Isaac et Iacob et noluerunt sequi me
Nombres 14.28-14.30 Nombres 14.24 Nombres 26.2 Deutéronome 2.14-2.15 Josué 14.8-14.9
12 praeter Chaleb filium Iepphonne Cenezeum et Iosue filium Nun isti impleverunt voluntatem meam
Deutéronome 1.36 Nombres 14.24 Nombres 14.30 Josué 14.8-14.9 Nombres 26.65
13 iratusque Dominus adversum Israhel circumduxit eum per desertum quadraginta annis donec consumeretur universa generatio quae fecerat malum in conspectu eius
Nombres 14.33-14.35 Deutéronome 2.14-2.15 Hébreux 3.16-3.19 Psaumes 78.33 Nombres 26.64-26.65
14 et ecce inquit vos surrexistis pro patribus vestris incrementa et alumni hominum peccatorum ut augeretis furorem Domini contra Israhel
Genèse 8.21 Esaïe 1.4 Esdras 10.10 Néhémie 9.24-9.26 Job 14.4
15 qui si nolueritis sequi eum in solitudine populum derelinquet et vos causa eritis necis omnium
2 Chroniques 15.2 Nombres 14.30-14.35 Matthieu 18.7 2 Chroniques 7.19-7.22 Romains 14.15
16 at illi prope accedentes dixerunt caulas ovium fabricabimus et stabula iumentorum parvulis quoque nostris urbes munitas
Nombres 34.22 Genèse 33.17
17 nos autem ipsi armati et accincti pergemus ad proelium ante filios Israhel donec introducamus eos ad loca sua parvuli nostri et quicquid habere possumus erunt in urbibus muratis propter habitatorum insidias
Josué 4.12-4.13 Deutéronome 3.18-3.20 Nombres 32.29-32.32
18 non revertemur in domos nostras usquequo possideant filii Israhel hereditatem suam
Josué 22.1-22.5
19 nec quicquam quaeremus trans Iordanem quia iam habemus possessionem nostram in orientali eius plaga
Josué 13.8 Genèse 13.10-13.12 Genèse 14.12 2 Rois 10.32-10.33 Nombres 32.32-32.33
20 quibus Moses ait si facitis quod promittitis expediti pergite coram Domino ad pugnam
Josué 4.12-4.13 Josué 1.13-1.15 Josué 22.2-22.4 Deutéronome 3.18-3.20
21 et omnis vir bellator armatus Iordanem transeat donec subvertat Dominus inimicos suos
22 et subiciatur ei omnis terra tunc eritis inculpabiles et apud Dominum et apud Israhel et obtinebitis regiones quas vultis coram Domino
Josué 22.9 Josué 22.4 Deutéronome 3.20 Josué 1.15 Josué 13.8
23 sin autem quod dicitis non feceritis nulli dubium quin peccetis in Dominum et scitote quoniam peccatum vestrum adprehendet vos
Genèse 44.16 Genèse 4.7 Esaïe 59.12 Esaïe 3.11 Psaumes 140.11
24 aedificate ergo urbes parvulis vestris et caulas ac stabula ovibus ac iumentis et quod polliciti estis implete
Nombres 32.16 Nombres 32.34-32.42 Nombres 30.2
25 dixeruntque filii Gad et Ruben ad Mosen servi tui sumus faciemus quod iubet dominus noster
Josué 1.13-1.14
26 parvulos nostros et mulieres et pecora ac iumenta relinquemus in urbibus Galaad
Josué 1.14
27 nos autem famuli tui omnes expediti pergemus ad bellum sicut tu domine loqueris
Josué 4.12 2 Timothée 4.7-4.8 2 Corinthiens 10.4-10.5 Ephésiens 6.10-6.18 Nombres 32.17
28 praecepit ergo Moses Eleazaro sacerdoti et Iosue filio Nun et principibus familiarum per tribus Israhel et dixit ad eos
Josué 1.13
29 si transierint filii Gad et filii Ruben vobiscum Iordanem omnes armati ad bellum coram Domino et vobis fuerit terra subiecta date eis Galaad in possessionem
30 sin autem noluerint transire vobiscum in terram Chanaan inter vos habitandi accipiant loca
Josué 22.19
31 responderuntque filii Gad et filii Ruben sicut locutus est Dominus servis suis ita faciemus
32 ipsi armati pergemus coram Domino in terram Chanaan et possessionem iam suscepisse nos confitemur trans Iordanem
33 dedit itaque Moses filiis Gad et Ruben et dimidiae tribui Manasse filii Ioseph regnum Seon regis Amorrei et regnum Og regis Basan et terram eorum cum urbibus suis per circuitum
Josué 12.6 Josué 22.4 Deutéronome 3.12-3.17 Deutéronome 29.8 Nombres 21.23-21.35
34 igitur extruxerunt filii Gad Dibon et Atharoth et Aroer
Deutéronome 2.36 Nombres 32.3 Esaïe 17.2 Nombres 21.20 Nombres 33.45-33.46
35 Etrothsophan et Iazer Iecbaa
Nombres 32.3 Nombres 32.1
36 et Bethnemra et Betharan urbes munitas et caulas pecoribus suis
Nombres 32.3
37 filii vero Ruben aedificaverunt Esbon et Eleale et Cariathaim
Nombres 32.3 Nombres 21.27 Esaïe 15.4
38 et Nabo et Baalmeon versis nominibus Sabama quoque inponentes vocabula urbibus quas extruxerant
Esaïe 46.1 Nombres 32.3 Josué 23.7 Exode 23.13 Nombres 22.41
39 porro filii Machir filii Manasse perrexerunt in Galaad et vastaverunt eam interfecto Amorreo habitatore eius
Genèse 50.23 Josué 17.1 Nombres 26.29
40 dedit ergo Moses terram Galaad Machir filio Manasse qui habitavit in ea
Josué 17.1 Deutéronome 3.13-3.15 Josué 13.29-13.31
41 Iair autem filius Manasse abiit et occupavit vicos eius quos appellavit Avothiair id est villas Iair
Deutéronome 3.14 Juges 10.4 1 Chroniques 2.21-2.23 Josué 13.30 1 Rois 4.13
42 Nobe quoque perrexit et adprehendit Canath cum viculis suis vocavitque eam ex nomine suo Nobe
2 Samuel 18.18 Psaumes 49.11