Psaumes 30.8
Bible en Swahili de l’est

¹ Ee Bwana, nitakutukuza kwa maana umeniinua, Wala hukuwafurahisha adui zangu juu yangu. ² Ee Bwana, Mungu wangu, Nalikulilia ukaniponya. ³ Umeniinua nafsi yangu, Ee Bwana, kutoka kuzimu. Umenihuisha na kunitoa Miongoni mwao washukao shimoni. ⁴ Mwimbieni Bwana zaburi, Enyi watauwa wake. Na kufanya shukrani. Kwa kumbukumbu la utakatifu wake. ⁵ Maana ghadhabu zake ni za kitambo kidogo, Katika radhi yake mna uhai. Huenda kilio huja kukaa usiku, Lakini asubuhi huwa furaha. ⁶ Nami nilipofanikiwa nalisema, Sitaondoshwa milele. ⁷ Bwana, kwa radhi yako Wewe uliuimarisha mlima wangu. Uliuficha uso wako, Nami nikafadhaika. ⁸ Ee Bwana, nalikulilia Wewe, Naam, kwa Bwana naliomba dua. ⁹ Mna faida gani katika damu yangu Nishukapo shimoni? Mavumbi yatakusifu? Yataitangaza kweli yako? ¹⁰ Ee Bwana, usikie, unirehemu, Bwana, uwe msaidizi wangu. ¹¹ Uligeuza matanga yangu kuwa machezo; Ulinivua gunia, ukanivika furaha. ¹² Ili utukufu wangu ukusifu, Wala usinyamaze. Ee Bwana, Mungu wangu, Nitakushukuru milele.