Luc 15
Vulgate

¹ erant autem adpropinquantes ei publicani et peccatores ut audirent illum Matthieu 9.10-9.13 Romains 5.20 Luc 13.30 1 Timothée 1.15 Matthieu 21.28-21.31
² et murmurabant Pharisaei et scribae dicentes quia hic peccatores recipit et manducat cum illis Matthieu 9.11 Luc 19.7 Luc 7.39 Luc 5.30 Luc 7.34
³ et ait ad illos parabolam istam dicens ⁴ quis ex vobis homo qui habet centum oves et si perdiderit unam ex illis nonne dimittit nonaginta novem in deserto et vadit ad illam quae perierat donec inveniat illam Ezéchiel 34.16 Ezéchiel 34.11-34.12 1 Pierre 2.25 Jérémie 50.6 Matthieu 12.11
⁵ et cum invenerit eam inponit in umeros suos gaudens Esaïe 46.3-46.4 Esaïe 53.10-53.11 Michée 7.18 Ezéchiel 18.23 Ephésiens 2.3-2.6
⁶ et veniens domum convocat amicos et vicinos dicens illis congratulamini mihi quia inveni ovem meam quae perierat Luc 2.13-2.14 Actes 11.23 1 Pierre 2.25 1 Thessaloniciens 3.7-3.9 Philippiens 2.17
⁷ dico vobis quod ita gaudium erit in caelo super uno peccatore paenitentiam habente quam super nonaginta novem iustis qui non indigent paenitentia Luc 5.32 Luc 15.32 Luc 15.10 Proverbes 30.12 Matthieu 18.13
⁸ aut quae mulier habens dragmas decem si perdiderit dragmam unam nonne accendit lucernam et everrit domum et quaerit diligenter donec inveniat Ezéchiel 34.12 Luc 19.10 Jean 10.16 Jean 11.52 Ephésiens 2.17
⁹ et cum invenerit convocat amicas et vicinas dicens congratulamini mihi quia inveni dragmam quam perdideram Luc 15.6-15.7
¹⁰ ita dico vobis gaudium erit coram angelis Dei super uno peccatore paenitentiam agente 2 Corinthiens 7.10 Actes 10.3-10.5 Ezéchiel 33.11 Hébreux 1.14 Apocalypse 5.11-5.14
¹¹ ait autem homo quidam habuit duos filios ¹² et dixit adulescentior ex illis patri pater da mihi portionem substantiae quae me contingit et divisit illis substantiam Marc 12.44 Luc 15.30 Psaumes 16.5-16.6 Deutéronome 21.16-21.17 Psaumes 17.14
¹³ et non post multos dies congregatis omnibus adulescentior filius peregre profectus est in regionem longinquam et ibi dissipavit substantiam suam vivendo luxuriose Luc 16.1 Luc 16.19 Jérémie 2.31 Proverbes 21.20 Proverbes 21.17
¹⁴ et postquam omnia consummasset facta est fames valida in regione illa et ipse coepit egere Ezéchiel 16.27 Amos 8.9-8.12 Osée 2.9-2.14 2 Chroniques 33.11
¹⁵ et abiit et adhesit uni civium regionis illius et misit illum in villam suam ut pasceret porcos Tite 3.3 Esaïe 1.5 Ephésiens 2.2-2.3 Apocalypse 2.21-2.22 Esaïe 1.9-1.13
¹⁶ et cupiebat implere ventrem suum de siliquis quas porci manducabant et nemo illi dabat Lamentations 4.5 Psaumes 142.4 Romains 6.19-6.21 Osée 12.1 Psaumes 73.22
¹⁷ in se autem reversus dixit quanti mercennarii patris mei abundant panibus ego autem hic fame pereo Ezéchiel 18.28 Ephésiens 5.14 Actes 26.11-26.19 Ephésiens 2.4-2.5 Luc 15.18-15.19
¹⁸ surgam et ibo ad patrem meum et dicam illi pater peccavi in caelum et coram te Matthieu 6.14 Psaumes 116.3-116.7 Luc 18.13 Luc 15.21 Matthieu 3.6
¹⁹ et iam non sum dignus vocari filius tuus fac me sicut unum de mercennariis tuis Luc 5.8 1 Corinthiens 15.9 Psaumes 84.10 Matthieu 15.26-15.27 Genèse 32.10
²⁰ et surgens venit ad patrem suum cum autem adhuc longe esset vidit illum pater ipsius et misericordia motus est et adcurrens cecidit supra collum eius et osculatus est illum Psaumes 86.5 Genèse 45.14 Genèse 46.29 Deutéronome 30.2-30.4 Psaumes 86.15
²¹ dixitque ei filius pater peccavi in caelum et coram te iam non sum dignus vocari filius tuus 1 Corinthiens 8.12 Psaumes 51.4 Luc 15.18-15.19 Jérémie 3.13 Romains 2.4
²² dixit autem pater ad servos suos cito proferte stolam primam et induite illum et date anulum in manum eius et calciamenta in pedes Genèse 41.42 Esther 8.2 Apocalypse 6.11 Zacharie 3.3-3.5 Galates 4.5-4.6
²³ et adducite vitulum saginatum et occidite et manducemus et epulemur Esaïe 25.6 Psaumes 63.5 Matthieu 22.2-22.14 Esaïe 65.13-65.14 Genèse 18.7
²⁴ quia hic filius meus mortuus erat et revixit perierat et inventus est et coeperunt epulari Luc 15.32 Ephésiens 2.1 Colossiens 2.13 Ephésiens 5.14 Ephésiens 2.5
²⁵ erat autem filius eius senior in agro et cum veniret et adpropinquaret domui audivit symphoniam et chorum Psaumes 126.1 Luc 7.32 Psaumes 30.11 Psaumes 149.3 Luc 15.11-15.12
²⁶ et vocavit unum de servis et interrogavit quae haec essent ²⁷ isque dixit illi frater tuus venit et occidit pater tuus vitulum saginatum quia salvum illum recepit Philémon 1.16 Luc 15.30 Actes 22.13 Actes 9.17
²⁸ indignatus est autem et nolebat introire pater ergo illius egressus coepit rogare illum Jonas 4.1-4.4 1 Samuel 18.8 Jonas 4.9 Genèse 4.5-4.7 Romains 10.19
²⁹ at ille respondens dixit patri suo ecce tot annis servio tibi et numquam mandatum tuum praeterii et numquam dedisti mihi hedum ut cum amicis meis epularer Luc 18.11-18.12 Luc 19.21 Luc 18.9 Esaïe 65.5 Zacharie 7.3
³⁰ sed postquam filius tuus hic qui devoravit substantiam suam cum meretricibus venit occidisti illi vitulum saginatum Proverbes 29.3 Luc 15.12-15.13 Luc 15.22-15.23 Luc 18.11 Exode 32.11
³¹ at ipse dixit illi fili tu semper mecum es et omnia mea tua sunt Matthieu 20.13-20.16 Luc 19.22-19.23 Romains 9.4 Romains 11.1 Romains 11.35
³² epulari autem et gaudere oportebat quia frater tuus hic mortuus erat et revixit perierat et inventus est Luc 15.24 Ephésiens 2.1-2.10 Psaumes 51.8 Jonas 4.10-4.11 Luc 7.34