Psaumes 112.9
Bible en Swahili de l’est

Le bonheur du juste

¹ Haleluya. Heri mtu yule amchaye Bwana, Apendezwaye sana na maagizo yake.
² Wazao wake watakuwa hodari duniani; Kizazi cha wenye adili kitabarikiwa.
³ Nyumbani mwake mna utajiri na mali, Na haki yake yakaa milele.
⁴ Nuru huwazukia wenye adili gizani; Ana fadhili na huruma na haki.
⁵ Heri atendaye fadhili na kukopesha; Atengenezaye mambo yake kwa haki.
⁶ Kwa maana hataondoshwa kamwe; Mwenye haki atakumbukwa milele.
⁷ Hataogopa habari mbaya; Moyo wake u imara ukimtumaini Bwana.
⁸ Moyo wake umethibitika hataogopa, Hata awaone watesi wake wameshindwa.
⁹ Amekirimu, na kuwapa maskini, Haki yake yakaa milele, Pembe yake itatukuzwa kwa utukufu.
¹⁰ Asiye haki ataona na kusikitika, Atasaga meno yake na kuyeyuka, Tamaa ya wasio haki itapotea.