Lévitique 12.6
Vulgate

La purification de la femme après l’accouchement

¹ locutus est Dominus ad Mosen dicens
² loquere filiis Israhel et dices ad eos mulier si suscepto semine pepererit masculum inmunda erit septem diebus iuxta dies separationis menstruae
Lévitique 15.19 Luc 2.22 Genèse 1.28 Lévitique 18.19 Job 15.14
³ et die octavo circumcidetur infantulus
Luc 2.21 Luc 1.59 Jean 7.22-7.23 Philippiens 3.5 Romains 4.11-4.12
⁴ ipsa vero triginta tribus diebus manebit in sanguine purificationis suae omne sanctum non tanget nec ingredietur sanctuarium donec impleantur dies purificationis eius
Lévitique 15.25-15.28 Aggée 2.13 Luc 2.22-2.23
⁵ sin autem feminam pepererit inmunda erit duabus ebdomadibus iuxta ritum fluxus menstrui et sexaginta ac sex diebus manebit in sanguine purificationis suae
Genèse 3.13 Lévitique 12.4 1 Timothée 2.14-2.15 Lévitique 12.2
⁶ cumque expleti fuerint dies purificationis eius pro filio sive pro filia deferet agnum anniculum in holocaustum et pullum columbae sive turturem pro peccato ad ostium tabernaculi testimonii et tradet sacerdoti
Luc 2.22 Lévitique 1.10-1.13 1 Pierre 1.18-1.19 Lévitique 14.22 Lévitique 5.6-5.10
⁷ qui offeret illa coram Domino et rogabit pro ea et sic mundabitur a profluvio sanguinis sui ista est lex parientis masculum ac feminam
Job 14.4 Lévitique 4.35 Lévitique 4.26 Romains 3.23 Lévitique 4.20
⁸ quod si non invenerit manus eius nec potuerit offerre agnum sumet duos turtures vel duos pullos columbae unum in holocaustum et alterum pro peccato orabitque pro ea sacerdos et sic mundabitur
Lévitique 4.26 Lévitique 5.7 Lévitique 1.14 Lévitique 14.22 2 Corinthiens 8.9