Psaumes 29.9
Bible en Swahili de l’est

La toute-puissance de Dieu

¹ Mpeni Bwana, enyi wana wa Mungu, Mpeni Bwana utukufu na nguvu;
² Mpeni Bwana utukufu wa jina lake; Mwabuduni Bwana kwa uzuri wa utakatifu.
³ Sauti ya Bwana i juu ya maji; Mungu wa utukufu alipiga radi; Bwana yu juu ya maji mengi.
⁴ Sauti ya Bwana ina nguvu; Sauti ya Bwana ina adhama;
⁵ Sauti ya Bwana yaivunja mierezi; Naam, Bwana aivunja-vunja mierezi ya Lebanoni;
⁶ Airusha-rusha kama ndama wa ng’ombe; Lebanoni na Sirioni kama mwana-nyati.
⁷ Sauti ya Bwana yaipasua miali ya moto;
⁸ Sauti ya Bwana yalitetemesha jangwa; Bwana alitetemesha jangwa la Kadeshi.
⁹ Sauti ya Bwana yawazalisha ayala, Na kuifichua misitu; Na ndani ya hekalu lake Wanasema wote, Utukufu.
¹⁰ Bwana aliketi juu ya Gharika; Naam, Bwana ameketi hali ya mfalme milele.
¹¹ Bwana atawapa watu wake nguvu; Bwana atawabariki watu wake kwa amani.