Psaumes 66.4
Vulgate

Bénédictions après l’épreuve

¹ in finem in hymnis psalmus cantici
² Deus misereatur nostri et benedicat nobis inluminet vultum suum super nos et misereatur nostri diapsalma
³ ut cognoscamus in terra viam tuam in omnibus gentibus salutare tuum
⁴ confiteantur tibi populi Deus confiteantur tibi populi omnes
⁵ laetentur et exultent gentes quoniam iudicas populos in aequitate et gentes in terra diriges diapsalma
⁶ confiteantur tibi populi Deus confiteantur tibi populi omnes
⁷ terra dedit fructum suum benedicat nos Deus Deus noster
⁸ benedicat nos Deus et metuant eum omnes fines terrae