Psaumes 113
Bible en Swahili de l’est

¹ Haleluya. Enyi watumishi wa Bwana, sifuni, Lisifuni jina la Bwana. ² Jina la Bwana lihimidiwe Tangu leo na hata milele. ³ Toka maawio ya jua hata machweo yake Jina la Bwana husifiwa. ⁴ Bwana ni mkuu juu ya mataifa yote, Na utukufu wake ni juu ya mbingu. ⁵ Ni nani aliye mfano wa Bwana, Mungu wetu aketiye juu; ⁶ Anyenyekeaye kutazama, Mbinguni na duniani? ⁷ Humwinua mnyonge kutoka mavumbini, Na kumpandisha maskini kutoka jaani. ⁸ Amketishe pamoja na wakuu, Pamoja na wakuu wa watu wake. ⁹ Huweka nyumbani mwanamke aliye tasa, Awe mama ya watoto mwenye furaha.