Psaumes 98
Biblia Hebraica Stuttgartensia

Louange universelle au juste Juge

1 מִזְמֹ֡ור שִׁ֤ירוּ לַֽיהוָ֨ה׀ שִׁ֣יר חָ֭דָשׁ כִּֽי־נִפְלָאֹ֣ות עָשָׂ֑ה הֹושִֽׁיעָה־לֹּ֥ו יְ֝מִינֹ֗ו וּזְרֹ֥ועַ קָדְשֹֽׁו׃
Exode 15.6 Psaumes 96.1 Esaïe 52.10 Psaumes 96.3 Psaumes 33.3
2 הֹודִ֣יעַ יְ֭הוָה יְשׁוּעָתֹ֑ו לְעֵינֵ֥י הַ֝גֹּויִ֗ם גִּלָּ֥ה צִדְקָתֹֽו׃
Esaïe 52.10 Esaïe 62.2 Esaïe 49.6 Romains 9.30 Esaïe 45.21-45.25
3 זָ֘כַ֤ר חַסְדֹּ֨ו׀ וֶֽאֱֽמוּנָתֹו֮ לְבֵ֪ית יִשְׂרָ֫אֵ֥ל רָא֥וּ כָל־אַפְסֵי־אָ֑רֶץ אֵ֝֗ת יְשׁוּעַ֥ת אֱלֹהֵֽינוּ׃
Psaumes 22.27 Deutéronome 4.31 Luc 1.72 Romains 10.12 Luc 2.30-2.31
4 הָרִ֣יעוּ לַֽ֭יהוָה כָּל־הָאָ֑רֶץ פִּצְח֖וּ וְרַנְּנ֣וּ וְזַמֵּֽרוּ׃
Esaïe 44.23 Psaumes 66.1 Psaumes 100.1 Psaumes 47.1-47.5 Apocalypse 19.6
5 זַמְּר֣וּ לַיהוָ֣ה בְּכִנֹּ֑ור בְּ֝כִנֹּ֗ור וְקֹ֣ול זִמְרָֽה׃
Esaïe 51.3 Apocalypse 14.2-14.3 2 Chroniques 29.25 Psaumes 92.3-92.4 1 Chroniques 25.1-25.6
6 בַּ֭חֲצֹ֣צְרֹות וְקֹ֣ול שֹׁופָ֑ר הָ֝רִ֗יעוּ לִפְנֵ֤י׀ הַמֶּ֬לֶךְ יְהוָֽה׃
Matthieu 25.34 2 Chroniques 5.12-5.13 1 Chroniques 15.28 Psaumes 81.2-81.4 Nombres 10.1-10.10
7 יִרְעַ֣ם הַ֭יָּם וּמְלֹאֹ֑ו תֵּ֝בֵ֗ל וְיֹ֣שְׁבֵי בָֽהּ׃
Psaumes 96.11-97.1 Psaumes 24.1 Esaïe 49.13 Esaïe 61.11
8 נְהָרֹ֥ות יִמְחֲאוּ־כָ֑ף יַ֝֗חַד הָרִ֥ים יְרַנֵּֽנוּ׃
Esaïe 55.12 Psaumes 89.12 Psaumes 93.3 2 Rois 11.12 Psaumes 65.12-65.13
9 לִֽפְֽנֵי־יְהוָ֗ה כִּ֥י בָא֮ לִשְׁפֹּ֪ט הָ֫אָ֥רֶץ יִשְׁפֹּֽט־תֵּבֵ֥ל בְּצֶ֑דֶק וְ֝עַמִּ֗ים בְּמֵישָׁרִֽים׃
Psaumes 96.13 Psaumes 96.10 Romains 2.5-2.6 Psaumes 67.4 Actes 24.25