Psaumes 111.1
Bible en Swahili de l’est

Perfection de l’action de Dieu

¹ Haleluya Nitamshukuru Bwana kwa moyo wangu wote,Barazani pa wanyofu wa moyo na katika mkutano.
² Matendo ya Bwana ni makuu, Yafikiriwa sana na wapendezwao nayo.
³ Kazi yake ni heshima na adhama, Na haki yake yakaa milele.
⁴ Amefanya ukumbusho wa matendo yake ya ajabu; Bwana ni mwenye fadhili na rehema.
⁵ Amewapa wamchao chakula; Atalikumbuka agano lake milele.
⁶ Amewajulisha watu wake uwezo wa matendo yake, Kwa kuwapa urithi wa mataifa.
⁷ Matendo ya mikono yake ni kweli na hukumu, Maagizo yake yote ni amini,
⁸ Yamethibitika milele na milele, Yamefanywa katika kweli na adili.
⁹ Amewapelekea watu wake ukombozi, Ameamuru agano lake liwe la milele, Jina lake ni takatifu la kuogopwa.
¹⁰ Kumcha Bwana ndio mwanzo wa hekima, Wote wafanyao hayo wana akili njema, Sifa zake zakaa milele.