Psaumes 52.4
Bible en Swahili de l’est

Punition du trompeur

¹ Kwa nini kujisifia uovu, Ewe jabari? Wema wa Mungu upo sikuzote.
² Ulimi wako watunga madhara, Kama wembe mkali, Ewe mwenye hila
³ Umependa mabaya kuliko mema, Na uongo kuliko kusema kweli.
⁴ Umependa maneno yote ya kupoteza watu, Ewe ulimi wenye hila.
⁵ Lakini Mungu atakuharibu hata milele; Atakuondolea mbali; Atakunyakua hemani mwako; Atakung’oa katika nchi ya walio hai.
⁶ Nao wenye haki wataona; Wataingiwa na hofu na kumcheka;
⁷ Kumbe! Huyu ndiye mtu yule, Asiyemfanya Mungu kuwa nguvu zake. Aliutumainia wingi wa mali zake, Na kujifanya hodari kwa madhara yake.
⁸ Bali mimi ni kama mzeituni Umeao katika nyumba ya Mungu. Nazitumainia fadhili za Mungu milele na milele.
⁹ Nitakushukuru milele kwa maana umetenda; Nitalingojea jina lako kwa kuwa ni jema; Mbele ya wacha Mungu wako.