Esaïe 39
Vulgate

Délégation de Babylone auprès d’Ézéchias

1 in tempore illo misit Marodach Baladan filius Baladan rex Babylonis libros et munera ad Ezechiam audierat enim quod aegrotasset et convaluisset
2 Rois 20.12-20.19 2 Chroniques 32.31 Esaïe 14.4 2 Samuel 8.10 Esaïe 13.1
2 laetatus est autem super eis Ezechias et ostendit eis cellam aromatum et argenti et auri et odoramentorum et unguenti optimi et omnes apothecas supellectilis suae et universa quae inventa sunt in thesauris eius non fuit verbum quod non ostenderet eis Ezechias in domo sua et in omni potestate sua
2 Chroniques 32.31 2 Chroniques 32.25 Jérémie 17.9 Job 31.25 Psaumes 146.3-146.4
3 introiit autem Isaias propheta ad regem Ezechiam et dixit ei quid dixerunt viri isti et unde venerunt ad te et dixit Ezechias de terra longinqua venerunt ad me de Babylone
Deutéronome 28.49 Jérémie 5.15 2 Samuel 12.1 2 Chroniques 16.7 2 Chroniques 25.15
4 et dixit quid viderunt in domo tua et dixit Ezechias omnia quae in domo mea sunt viderunt non fuit res quam non ostenderim eis in thesauris meis
Proverbes 28.13 1 Jean 1.9 Proverbes 23.5 Josué 7.19 Job 31.33
5 et dixit Isaias ad Ezechiam audi verbum Domini exercituum
1 Samuel 13.13-13.14 1 Samuel 15.16
6 ecce dies venient et auferentur omnia quae in domo tua sunt et quae thesaurizaverunt patres tui usque ad diem hanc in Babylonem non relinquetur quicquam dicit Dominus
2 Rois 25.13-25.15 2 Rois 24.13 Jérémie 20.5 Daniel 1.2 Jérémie 52.17-52.19
7 et de filiis tuis qui exibunt de te quos genueris tollent et erunt eunuchi in palatio regis Babylonis
2 Rois 24.12 2 Chroniques 36.10 2 Chroniques 36.20 Ezéchiel 17.12-17.20 2 Rois 24.15
8 et dixit Ezechias ad Isaiam bonum verbum Domini quod locutus est et dixit fiat tantum pax et veritas in diebus meis
2 Chroniques 34.28 2 Chroniques 32.26 Lamentations 3.22 Lévitique 10.3 Lamentations 3.39