Psaumes 52
Biblia Hebraica Stuttgartensia

¹ לַמְנַצֵּ֗חַ מַשְׂכִּ֥יל לְדָוִֽד׃ Psaumes 94.4 1 Samuel 21.7 Psaumes 107.1 Psaumes 103.17 Psaumes 10.2-10.3
² (52.1) בְּבֹ֤וא׀ דֹּואֵ֣ג הָאֲדֹמִי֮ וַיַּגֵּ֪ד לְשָׁ֫א֥וּל וַיֹּ֥אמֶר לֹ֑ו בָּ֥א דָ֝וִ֗ד אֶל־בֵּ֥ית אֲחִימֶֽלֶךְ׃ Psaumes 57.4 Proverbes 18.21 Proverbes 12.18 Psaumes 59.7 2 Corinthiens 11.13
³ (52.1) מַה־תִּתְהַלֵּ֣ל בְּ֭רָעָה הַגִּבֹּ֑ור חֶ֥סֶד אֵ֝֗ל כָּל־הַיֹּֽום׃ Jérémie 9.8 Jérémie 9.3-9.5 Michée 3.2 Jérémie 4.22 Jean 8.44
⁴ (52.2) הַ֭וֹּות תַּחְשֹׁ֣ב לְשֹׁונֶ֑ךָ כְּתַ֥עַר מְ֝לֻטָּ֗שׁ עֹשֵׂ֥ה רְמִיָּֽה׃ Psaumes 120.3 Jacques 3.6-3.9 1 Samuel 22.18-22.19
⁵ (52.3) אָהַ֣בְתָּ רָּ֣ע מִטֹּ֑וב שֶׁ֓קֶר׀ מִדַּבֵּ֖ר צֶ֣דֶק סֶֽלָה׃ Psaumes 27.13 Proverbes 2.22 Psaumes 55.23 Psaumes 116.9 Proverbes 19.5
⁶ (52.4) אָהַ֥בְתָּ כָֽל־דִּבְרֵי־בָ֗לַע לְשֹׁ֣ון מִרְמָֽה׃ Psaumes 40.3 Psaumes 37.34 Job 22.19 Psaumes 64.9 Malachie 1.5
⁷ (52.5) גַּם־אֵל֮ יִתָּצְךָ֪ לָ֫נֶ֥צַח יַחְתְּךָ֣ וְיִסָּחֲךָ֣ מֵאֹ֑הֶל וְשֵֽׁרֶשְׁךָ֙ מֵאֶ֖רֶץ חַיִּ֣ים סֶֽלָה׃ Psaumes 62.9-62.10 Jérémie 17.5 Psaumes 73.7-73.11 1 Timothée 6.17 Psaumes 73.18-73.20
⁸ (52.6) וְיִרְא֖וּ צַדִּיקִ֥ים וְיִירָ֗אוּ וְעָלָ֥יו יִשְׂחָֽקוּ׃ Jérémie 11.16 Psaumes 92.12-92.14 Psaumes 13.5 Psaumes 1.3 Psaumes 128.3
⁹ (52.7) הִנֵּ֤ה הַגֶּ֗בֶר לֹ֤א יָשִׂ֥ים אֱלֹהִ֗ים מָֽע֫וּזֹּ֥ו וַ֭יִּבְטַח בְּרֹ֣ב עָשְׁרֹ֑ו יָ֝עֹ֗ז בְּהַוָּתֹֽו׃ Psaumes 54.6 Psaumes 48.9-48.10 Ephésiens 3.20-3.21 Lamentations 3.25-3.26 Psaumes 130.5-130.6
¹⁰ (52.8) וַאֲנִ֤י׀ כְּזַ֣יִת רַ֭עֲנָן בְּבֵ֣ית אֱלֹהִ֑ים בָּטַ֥חְתִּי בְחֶֽסֶד־אֱ֝לֹהִ֗ים עֹולָ֥ם וָעֶֽד׃ ¹¹ (52.9) אֹודְךָ֣ לְ֭עֹולָם כִּ֣י עָשִׂ֑יתָ וַאֲקַוֶּ֖ה שִׁמְךָ֥ כִֽי־טֹ֝֗וב נֶ֣גֶד חֲסִידֶֽיךָ׃