Psaumes 99
Biblia Hebraica Stuttgartensia

Dieu, le Roi juste et saint

1 יְהוָ֣ה מָ֭לָךְ יִרְגְּז֣וּ עַמִּ֑ים יֹשֵׁ֥ב כְּ֝רוּבִ֗ים תָּנ֥וּט הָאָֽרֶץ׃
Psaumes 80.1 Psaumes 97.1 Exode 25.22 Psaumes 93.1 Esaïe 24.19-24.20
2 יְ֭הוָה בְּצִיֹּ֣ון גָּדֹ֑ול וְרָ֥ם ה֝֗וּא עַל־כָּל־הָֽעַמִּֽים׃
Psaumes 97.9 Psaumes 113.4 Esaïe 12.6 Jacques 4.6-4.7 Psaumes 66.7
3 יֹוד֣וּ שִׁ֭מְךָ גָּדֹ֥ול וְנֹורָ֗א קָדֹ֥ושׁ הֽוּא׃
Josué 24.19 Deutéronome 28.58 Esaïe 6.3 1 Samuel 2.2 Psaumes 111.9
4 וְעֹ֥ז מֶלֶךְ֮ מִשְׁפָּ֪ט אָ֫הֵ֥ב אַ֭תָּה כֹּונַ֣נְתָּ מֵישָׁרִ֑ים מִשְׁפָּ֥ט וּ֝צְדָקָ֗ה בְּיַעֲקֹ֤ב׀ אַתָּ֬ה עָשִֽׂיתָ׃
Psaumes 11.7 Jérémie 23.5 Jude 1.15 Esaïe 11.3-11.5 Apocalypse 19.16
5 רֹֽומְמ֡וּ יְה֘וָ֤ה אֱלֹהֵ֗ינוּ וְֽ֭הִשְׁתַּחֲווּ לַהֲדֹ֥ם רַגְלָ֗יו קָדֹ֥ושׁ הֽוּא׃
Psaumes 132.7 Exode 15.2 Psaumes 34.3 Esaïe 25.1 Psaumes 99.3
6 מֹ֘שֶׁ֤ה וְאַהֲרֹ֨ן׀ בְּֽכֹהֲנָ֗יו וּ֭שְׁמוּאֵל בְּקֹרְאֵ֣י שְׁמֹ֑ו קֹרִ֥אים אֶל־יְ֝הוָ֗ה וְה֣וּא יַעֲנֵֽם׃
Jérémie 15.1 Exode 24.6-24.8 Exode 14.15 Exode 15.25 Exode 32.11-32.14
7 בְּעַמּ֣וּד עָ֭נָן יְדַבֵּ֣ר אֲלֵיהֶ֑ם שָׁמְר֥וּ עֵ֝דֹתָ֗יו וְחֹ֣ק נָֽתַן־לָֽמֹו׃
Exode 33.9 Nombres 12.5 Exode 40.16 Deutéronome 33.9 Hébreux 3.2
8 יְהוָ֣ה אֱלֹהֵינוּ֮ אַתָּ֪ה עֲנִ֫יתָ֥ם אֵ֣ל נֹ֭שֵׂא הָיִ֣יתָ לָהֶ֑ם וְ֝נֹקֵ֗ם עַל־עֲלִילֹותָֽם׃
Nombres 20.12 Jérémie 46.28 Psaumes 89.33 Nombres 20.24 Nombres 14.20-14.34
9 רֹֽומְמ֡וּ יְה֘וָ֤ה אֱלֹהֵ֗ינוּ וְ֭הִֽשְׁתַּחֲווּ לְהַ֣ר קָדְשֹׁ֑ו כִּֽי־קָ֝דֹ֗ושׁ יְהוָ֥ה אֱלֹהֵֽינוּ׃
Apocalypse 4.8 Esaïe 6.3 Psaumes 87.1-87.3 Luc 1.49 Habakuk 1.12