Ezéchiel 2
Septante

Mission d’Ézéchiel

1 καὶ εἶπεν πρός με υἱὲ ἀνθρώπου στῆθι ἐπὶ τοὺς πόδας σου καὶ λαλήσω πρὸς σέ.
Daniel 10.11 Ezéchiel 3.17 Ezéchiel 3.4 Ezéchiel 4.1 Ezéchiel 5.1
2 καὶ ἦλθεν ἐπ’ ἐμὲ πνεῦμα καὶ ἀνέλαβέν με καὶ ἐξῆρέν με καὶ ἔστησέν με ἐπὶ τοὺς πόδας μου καὶ ἤκουον αὐτοῦ λαλοῦντος πρός με.
Ezéchiel 3.24 Daniel 8.18 Apocalypse 11.11 Néhémie 9.30 Ezéchiel 36.27
3 καὶ εἶπεν πρός με υἱὲ ἀνθρώπου ἐξαποστέλλω ἐγώ σε πρὸς τὸν οἶκον τοῦ Ισραηλ τοὺς παραπικραίνοντάς με οἵτινες παρεπίκρανάν με αὐτοὶ καὶ οἱ πατέρες αὐτῶν ἕως τῆς σήμερον ἡμέρας.
Jérémie 3.25 1 Samuel 8.7-8.8 Néhémie 9.16-9.18 Jérémie 25.3-25.7 Jérémie 36.2
4 καὶ ἐρεῖς πρὸς αὐτούς τάδε λέγει κύριος.
Ezéchiel 3.7 Jérémie 6.15 Jérémie 5.3 Psaumes 95.8 Esaïe 48.4
5 ἐὰν ἄρα ἀκούσωσιν ἢ πτοηθῶσιν διότι οἶκος παραπικραίνων ἐστίν καὶ γνώσονται ὅτι προφήτης εἶ σὺ ἐν μέσῳ αὐτῶν.
Ezéchiel 33.33 Ezéchiel 3.27 Jean 15.22 Actes 13.46 Ezéchiel 2.7
6 καὶ σύ υἱὲ ἀνθρώπου μὴ φοβηθῇς αὐτοὺς μηδὲ ἐκστῇς ἀπὸ προσώπου αὐτῶν διότι παροιστρήσουσι καὶ ἐπισυστήσονται ἐπὶ σὲ κύκλῳ καὶ ἐν μέσῳ σκορπίων σὺ κατοικεῖς τοὺς λόγους αὐτῶν μὴ φοβηθῇς καὶ ἀπὸ προσώπου αὐτῶν μὴ ἐκστῇς διότι οἶκος παραπικραίνων ἐστίν.
Jérémie 1.17 Jérémie 1.8 Michée 7.4 2 Samuel 23.6-23.7 Esaïe 9.18
7 καὶ λαλήσεις τοὺς λόγους μου πρὸς αὐτούς ἐὰν ἄρα ἀκούσωσιν ἢ πτοηθῶσιν διότι οἶκος παραπικραίνων ἐστίν.
Ezéchiel 3.10 Jérémie 1.7 Jérémie 1.17 Jérémie 23.28 Ezéchiel 3.17
8 καὶ σύ υἱὲ ἀνθρώπου ἄκουε τοῦ λαλοῦντος πρὸς σέ μὴ γίνου παραπικραίνων καθὼς ὁ οἶκος ὁ παραπικραίνων χάνε τὸ στόμα σου καὶ φάγε ἃ ἐγὼ δίδωμί σοι.
Apocalypse 10.9 Esaïe 50.5 Jérémie 15.16 Ezéchiel 3.1-3.3 Ezéchiel 3.10
9 καὶ εἶδον καὶ ἰδοὺ χεὶρ ἐκτεταμένη πρός με καὶ ἐν αὐτῇ κεφαλὶς βιβλίου.
Ezéchiel 8.3 Daniel 10.10 Apocalypse 10.8-10.11 Apocalypse 5.1-5.5 Ezéchiel 3.1
10 καὶ ἀνείλησεν αὐτὴν ἐνώπιον ἐμοῦ καὶ ἐν αὐτῇ γεγραμμένα ἦν τὰ ὄπισθεν καὶ τὰ ἔμπροσθεν καὶ ἐγέγραπτο εἰς αὐτὴν θρῆνος καὶ μέλος καὶ οὐαί.
Apocalypse 8.13 Esaïe 3.11 Jérémie 36.29-36.32 Esaïe 30.8-30.11 Habakuk 2.2