Psaumes 20.7
Bible en Swahili de l’est

Prière pour le roi

¹ Bwana akujibu siku ya dhiki, Jina la Mungu wa Yakobo likuinue.
² Akupelekee msaada toka patakatifu pake, Na kukutegemeza toka Sayuni.
³ Azikumbuke sadaka zako zote, Na kuzitakabali dhabihu zako.
⁴ Akujalie kwa kadiri ya haja ya moyo wako, Na kuyatimiza mashauri yako yote.
⁵ Na tuushangilie wokovu wako, Kwa jina la Mungu wetu tuzitweke bendera zetu. Bwana akutimizie matakwa yako yote.
⁶ Sasa najua kuwa Bwana amwokoa masihi wake;Atamjibu kutoka mbingu zake takatifu.
⁷ Hawa wanataja magari na hawa farasi, Bali sisi tutalitaja jina la Bwana, Mungu wetu.
⁸ Wao wameinama na kuanguka, Bali sisi tumeinuka na kusimama.
⁹ Bwana, umwokoe mfalme, Utuitikie siku tuitayo.