Esaïe 25.11
Vulgate

Prière de reconnaissance

¹ Domine Deus meus es tu exaltabo te confitebor nomini tuo quoniam fecisti mirabilia cogitationes antiquas fideles amen
Exode 15.2 Nombres 23.19 Psaumes 98.1 Psaumes 118.28 Psaumes 40.5
² quia posuisti civitatem in tumulum urbem fortem in ruinam domum alienorum ut non sit civitas et in sempiternum non aedificetur
Esaïe 17.1 Esaïe 13.22 Esaïe 25.12 Esaïe 21.9 Esaïe 23.13
³ super hoc laudabit te populus fortis civitas gentium robustarum timebit te
Esaïe 13.11 Zacharie 14.9 Esaïe 49.23-49.26 Apocalypse 11.15-11.17 Apocalypse 11.13
⁴ quia factus es fortitudo pauperi fortitudo egeno in tribulatione sua spes a turbine umbraculum ab aestu spiritus enim robustorum quasi turbo inpellens parietem
Matthieu 7.25-7.27 Esaïe 32.2 Sophonie 3.12 Ezéchiel 13.11-13.13 Esaïe 49.25
⁵ sicut aestum in siti tumultum alienorum humiliabis et quasi calore sub nube torrente propaginem fortium marcescere facies
Jérémie 50.11-50.15 Esaïe 49.25-49.26 Esaïe 18.4 Ezéchiel 38.9-39.10 Esaïe 30.30-30.33
⁶ et faciet Dominus exercituum omnibus populis in monte hoc convivium pinguium convivium vindemiae pinguium medullatorum vindemiae defecatae
Psaumes 63.5 Matthieu 8.11 Jérémie 31.12-31.13 Esaïe 2.2-2.3 Zacharie 9.16-9.17
⁷ et praecipitabit in monte isto faciem vinculi conligati super omnes populos et telam quam orditus est super universas nationes
Ephésiens 4.18 Ephésiens 5.8 2 Corinthiens 3.13-3.18 Esaïe 60.1-60.3 Hébreux 9.8
⁸ praecipitabit mortem in sempiternum et auferet Dominus Deus lacrimam ab omni facie et obprobrium populi sui auferet de universa terra quia Dominus locutus est
Apocalypse 21.4 1 Corinthiens 15.54 Osée 13.14 Apocalypse 7.17 Esaïe 35.10
⁹ et dicet in die illa ecce Deus noster iste expectavimus eum et salvabit nos iste Dominus sustinuimus eum exultabimus et laetabimur in salutari eius
Psaumes 20.5 Psaumes 27.14 Genèse 49.18 2 Pierre 3.12 Esaïe 8.17
¹⁰ quia requiescet manus Domini in monte isto et triturabitur Moab sub eo sicuti teruntur paleae in plaustro
Sophonie 2.9 Esaïe 25.6 Jérémie 48.2 Lamentations 1.15 Esaïe 11.10
¹¹ et extendet manus suas sub eo sicut extendit natans ad natandum et humiliabit gloriam eius cum adlisione manuum eius
Esaïe 14.26 Esaïe 5.25 Esaïe 16.14 Esaïe 2.11 Esaïe 16.6
¹² et munimenta sublimium murorum tuorum concident et humiliabuntur et detrahentur in terram usque ad pulverem
Esaïe 26.5 Apocalypse 18.21 Esaïe 13.19-13.22 Jérémie 51.58 Hébreux 11.30