Psaumes 32.10
Biblia Hebraica Stuttgartensia

Le bonheur du pécheur pardonné

¹ לְדָוִ֗ד מַ֫שְׂכִּ֥יל אַשְׁרֵ֥י נְֽשׂוּי־פֶּ֗שַׁע כְּס֣וּי חֲטָאָֽה׃
Romains 4.6-4.8 Psaumes 85.2 Actes 13.38-13.39 Esaïe 44.22 Psaumes 40.4
² אַ֥שְֽׁרֵי אָדָ֗ם לֹ֤א יַחְשֹׁ֬ב יְהוָ֣ה לֹ֣ו עָוֹ֑ן וְאֵ֖ין בְּרוּחֹ֣ו רְמִיָּה׃
Jean 1.47 Lévitique 17.4 Romains 5.13 Apocalypse 14.5 2 Corinthiens 1.12
³ כִּֽי־הֶ֭חֱרַשְׁתִּי בָּל֣וּ עֲצָמָ֑י בְּ֝שַׁאֲגָתִ֗י כָּל־הַיֹּֽום׃
Psaumes 38.8 Psaumes 22.1 Lamentations 3.8 Job 3.24 Psaumes 102.3-102.5
⁴ כִּ֤י׀ יֹומָ֣ם וָלַיְלָה֮ תִּכְבַּ֥ד עָלַ֗י יָ֫דֶ֥ךָ נֶהְפַּ֥ךְ לְשַׁדִּ֑י בְּחַרְבֹ֖נֵי קַ֣יִץ סֶֽלָה׃
Job 33.7 1 Samuel 5.11 Psaumes 22.15 Psaumes 102.3-102.4 1 Samuel 5.9
⁵ חַטָּאתִ֨י אֹודִ֪יעֲךָ֡ וַעֲוֹ֘נִ֤י לֹֽא־כִסִּ֗יתִי אָמַ֗רְתִּי אֹודֶ֤ה עֲלֵ֣י פְ֭שָׁעַי לַיהוָ֑ה וְאַתָּ֨ה נָ֘שָׂ֤אתָ עֲוֹ֖ן חַטָּאתִ֣י סֶֽלָה׃
2 Samuel 12.13 Esaïe 65.24 Proverbes 28.13 Psaumes 38.18 Psaumes 86.5
⁶ עַל־זֹ֡את יִתְפַּלֵּ֬ל כָּל־חָסִ֨יד׀ אֵלֶיךָ֮ לְעֵ֪ת מְ֫צֹ֥א רַ֗ק לְ֭שֵׁטֶף מַ֣יִם רַבִּ֑ים אֵ֝לָ֗יו לֹ֣א יַגִּֽיעוּ׃
Esaïe 55.6 Esaïe 43.2 Psaumes 42.7 Jean 7.34 2 Corinthiens 6.2
⁷ אַתָּ֤ה׀ סֵ֥תֶר לִי֮ מִצַּ֪ר תִּ֫צְּרֵ֥נִי רָנֵּ֥י פַלֵּ֑ט תְּסֹ֖ובְבֵ֣נִי סֶֽלָה׃
Psaumes 9.9 Psaumes 119.114 Psaumes 31.20 Juges 5.1 Exode 15.1-15.3
⁸ אַשְׂכִּֽילְךָ֨׀ וְֽאֹורְךָ֗ בְּדֶֽרֶךְ־ז֥וּ תֵלֵ֑ךְ אִֽיעֲצָ֖ה עָלֶ֣יךָ עֵינִֽי׃
Proverbes 3.5-3.6 Matthieu 11.29 Esaïe 49.10 Psaumes 33.18 Proverbes 3.1
⁹ אַל־תִּֽהְי֤וּ׀ כְּס֥וּס כְּפֶרֶד֮ אֵ֤ין הָ֫בִ֥ין בְּמֶֽתֶג־וָרֶ֣סֶן עֶדְיֹ֣ו לִבְלֹ֑ום בַּ֝֗ל קְרֹ֣ב אֵלֶֽיךָ׃
Proverbes 26.3 Job 35.11 Jacques 3.3 Jacques 4.7-4.10 Jérémie 4.22
¹⁰ רַבִּ֥ים מַכְאֹובִ֗ים לָרָ֫שָׁ֥ע וְהַבֹּוטֵ֥חַ בַּיהוָ֑ה חֶ֝֗סֶד יְסֹובְבֶֽנּוּ׃
Proverbes 16.20 Proverbes 13.21 Psaumes 34.8 Psaumes 16.4 Psaumes 5.12
¹¹ שִׂמְח֬וּ בַֽיהוָ֣ה וְ֭גִילוּ צַדִּיקִ֑ים וְ֝הַרְנִ֗ינוּ כָּל־יִשְׁרֵי־לֵֽב׃
Psaumes 64.10 Psaumes 68.3 Philippiens 4.4 Psaumes 97.12 Psaumes 33.1