2 Chroniques 16
Vulgate

Alliance d’Asa avec la Syrie

1 anno autem tricesimo sexto regni eius ascendit Baasa rex Israhel in Iudam et muro circumdabat Rama ut nullus tute posset egredi et ingredi de regno Asa
2 Chroniques 15.9 2 Chroniques 15.5 1 Rois 12.27 1 Rois 15.16-15.22 2 Chroniques 11.13-11.17
2 protulit ergo Asa argentum et aurum de thesauris domus Domini et de thesauris regis misitque ad Benadad regem Syriae qui habitabat in Damasco dicens
2 Rois 16.8 2 Chroniques 28.21 2 Rois 18.15 2 Rois 12.18
3 foedus inter me et te est pater quoque meus et pater tuus habuere concordiam quam ob rem misi tibi argentum et aurum ut rupto foedere quod habes cum Baasa rege Israhel facias eum a me recedere
2 Corinthiens 6.16 2 Chroniques 19.2 Exode 32.21 2 Samuel 21.2 Juges 2.2
4 quo conperto Benadad misit principes exercituum suorum ad urbes Israhel qui percusserunt Ahion et Dan et Abelmaim et universas urbes muratas Nepthalim
Genèse 14.14 2 Pierre 2.15 Exode 1.11 1 Rois 15.20 1 Timothée 6.10
5 quod cum audisset Baasa desivit aedificare Rama et intermisit opus suum
6 porro Asa rex adsumpsit universum Iudam et tulerunt lapides Rama et ligna quae aedificationi praeparaverat Baasa aedificavitque ex eis Gabaa et Maspha
1 Samuel 10.17 1 Chroniques 6.60 1 Samuel 7.6 1 Rois 15.22 1 Samuel 7.16
7 in tempore illo venit Anani propheta ad Asam regem Iuda et dixit ei quia habuisti fiduciam in rege Syriae et non in Domino Deo tuo idcirco evasit Syriae regis exercitus de manu tua
1 Rois 16.1 2 Chroniques 19.2 Esaïe 31.1 2 Chroniques 32.7-32.8 Ephésiens 1.12-1.13
8 nonne Aethiopes et Lybies multo plures erant quadrigis et equitibus et multitudine nimia quos cum Domino credidisses tradidit in manu tua
2 Chroniques 12.3 2 Chroniques 13.16 2 Chroniques 13.18 2 Chroniques 14.9-14.12 Psaumes 37.39-37.40
9 oculi enim eius contemplantur universam terram et praebent fortitudinem his qui corde perfecto credunt in eum stulte igitur egisti et propter hoc ex praesenti tempore contra te bella consurgent
Zacharie 4.10 Proverbes 15.3 Jérémie 16.17 Proverbes 5.21 1 Pierre 3.12
10 iratusque Asa adversus videntem iussit eum mitti in nervum valde quippe super hoc fuerat indignatus et interfecit de populo in tempore illo plurimos
2 Chroniques 18.26 Luc 3.20 2 Samuel 12.13 Jérémie 29.26 2 Chroniques 26.19
11 opera autem Asa prima et novissima scripta sunt in libro regum Iuda et Israhel
2 Chroniques 20.34 2 Chroniques 25.26 1 Rois 15.23-15.24 2 Chroniques 9.29 2 Chroniques 32.32
12 aegrotavit etiam Asa anno tricesimo nono regni sui dolore pedum vehementissimo et nec in infirmitate sua quaesivit Dominum sed magis in medicorum arte confisus est
Jérémie 17.5 2 Chroniques 28.22 Marc 5.26 Matthieu 9.12 1 Chroniques 10.14
13 dormivitque cum patribus suis et mortuus est anno quadragesimo primo regni sui
1 Rois 15.24
14 et sepelierunt eum in sepulchro suo quod foderat sibi in civitate David posueruntque eum super lectulum suum plenum aromatibus et unguentis meretriciis quae erant pigmentariorum arte confecta et conbuserunt super eum ambitione nimia
Genèse 50.2 2 Chroniques 21.19 Jérémie 34.5 Marc 16.1 2 Chroniques 35.24