Psaumes 110.1
Vulgate

Le Messie, roi et prêtre

¹ alleluia reversionis Aggei et Zacchariae confitebor tibi Domine in toto corde meo in consilio iustorum et congregatione
² magna opera Domini exquisita in omnes voluntates eius
³ confessio et magnificentia opus eius et iustitia eius manet in saeculum saeculi
⁴ memoriam fecit mirabilium suorum misericors et miserator Dominus
⁵ escam dedit timentibus se memor erit in saeculum testamenti sui
⁶ virtutem operum suorum adnuntiabit populo suo
⁷ ut det illis hereditatem gentium opera manuum eius veritas et iudicium
⁸ fidelia omnia mandata eius confirmata in saeculum saeculi facta in veritate et aequitate
⁹ redemptionem misit populo suo mandavit in aeternum testamentum suum sanctum et terribile nomen eius
¹⁰ initium sapientiae timor Domini intellectus bonus omnibus facientibus eum laudatio eius manet in saeculum saeculi;