Esaïe 31
Vulgate

Dieu, seul auteur du salut

1 vae qui descendunt in Aegyptum ad auxilium in equis sperantes et habentes fiduciam super quadrigis quia multae sunt et super equitibus quia praevalidi nimis et non sunt confisi super Sanctum Israhel et Dominum non requisierunt
Psaumes 20.7 Esaïe 36.6 Deutéronome 17.16 Daniel 9.13 Esaïe 30.16
2 ipse autem sapiens adduxit malum et verba sua non abstulit et consurget contra domum pessimorum et contra auxilium operantium iniquitatem
Nombres 23.19 Esaïe 45.7 Jérémie 44.29-44.30 Esaïe 32.6 Psaumes 78.65-78.66
3 Aegyptus homo et non deus et equi eorum caro et non spiritus et Dominus inclinabit manum suam et corruet auxiliator et cadet cui praestatur auxilium simulque omnes consumentur
Esaïe 9.17 Ezéchiel 28.9 Ezéchiel 20.33-20.34 Jérémie 15.6 Psaumes 33.17
4 quia haec dicit Dominus ad me quomodo si rugiat leo et catulus leonis super praedam suam cum occurrerit ei multitudo pastorum a voce eorum non formidabit et a multitudine eorum non pavebit sic descendet Dominus exercituum ut proelietur super montem Sion et super collem eius
Amos 3.8 Esaïe 42.13 Osée 11.10 Zacharie 12.8 Psaumes 125.1-125.2
5 sicut aves volantes sic proteget Dominus exercituum Hierusalem protegens et liberans transiens et salvans
Deutéronome 32.11 Psaumes 91.4 Esaïe 38.6 Esaïe 37.35 Psaumes 46.5
6 convertimini sicut in profundum recesseratis filii Israhel
Jérémie 3.14 Esaïe 55.7 Jérémie 3.10 Jérémie 3.22 Jérémie 31.18-31.20
7 in die enim illa abiciet vir idola argenti sui et idola auri sui quae fecerunt vobis manus vestrae in peccatum
Esaïe 30.22 Esaïe 2.20 Osée 14.8 1 Rois 12.28-12.30 Deutéronome 7.25
8 et cadet Assur in gladio non viri et gladius non hominis vorabit eum et fugiet non a facie gladii et iuvenes eius vectigales erunt
Esaïe 14.25 Genèse 49.15 Esaïe 37.35-37.38 Esaïe 29.5 Esaïe 10.16-10.19
9 et fortitudo eius a terrore transibit et pavebunt fugientes principes eius dixit Dominus cuius ignis est in Sion et caminus eius in Hierusalem
Esaïe 29.6 Esaïe 18.3 Zacharie 2.5 Esaïe 4.4 Lévitique 6.13