Esaïe 61.9
Vulgate

Le salut proclamé

¹ spiritus Domini super me eo quod unxerit Dominus me ad adnuntiandum mansuetis misit me ut mederer contritis corde et praedicarem captivis indulgentiam et clausis apertionem
Luc 4.18-4.19 Luc 7.22 Esaïe 42.7 Matthieu 11.5 Psaumes 147.3
² ut praedicarem annum placabilem Domini et diem ultionis Deo nostro ut consolarer omnes lugentes
Matthieu 5.4 Esaïe 34.8 Esaïe 57.18 Luc 4.19 Jérémie 31.13
³ ut ponerem lugentibus Sion et darem eis coronam pro cinere oleum gaudii pro luctu pallium laudis pro spiritu maeroris et vocabuntur in ea fortes iustitiae plantatio Domini ad glorificandum
Jérémie 17.7-17.8 Esaïe 61.10 Psaumes 45.7 Jean 16.20 Psaumes 30.11
⁴ et aedificabunt deserta a saeculo et ruinas antiquas erigent et instaurabunt civitates desertas dissipatas in generationem et generationem
Esaïe 58.12 Esaïe 49.6-49.8 Ezéchiel 36.23-36.26 Ezéchiel 36.33-36.36 Amos 9.14-9.15
⁵ et stabunt alieni et pascent pecora vestra et filii peregrinorum agricolae et vinitores vestri erunt
Esaïe 14.1-14.2 Esaïe 60.10-60.14 Ephésiens 2.12-2.20
⁶ vos autem sacerdotes Domini vocabimini ministri Dei nostri dicetur vobis fortitudinem gentium comedetis et in gloria earum superbietis
Exode 19.6 1 Pierre 2.5 Esaïe 60.5-60.7 Esaïe 66.21 1 Pierre 2.9
⁷ pro confusione vestra duplici et rubore laudabunt partem eorum propter hoc in terra sua duplicia possidebunt laetitia sempiterna erit eis
Esaïe 40.2 Zacharie 9.12 Psaumes 16.11 2 Thessaloniciens 2.16 Esaïe 60.19-60.20
⁸ quia ego Dominus diligens iudicium odio habens rapinam in holocausto et dabo opus eorum in veritate et foedus perpetuum feriam eis
Esaïe 55.3 Psaumes 11.7 Jérémie 32.40 Genèse 17.7 Psaumes 45.7
⁹ et scietur in gentibus semen eorum et germen eorum in medio populorum omnes qui viderint eos cognoscent eos quia isti sunt semen cui benedixit Dominus
Esaïe 44.3 Psaumes 115.14 Zacharie 8.13 Romains 11.16-11.24 Genèse 22.18
¹⁰ gaudens gaudebo in Domino et exultabit anima mea in Deo meo quia induit me vestimentis salutis et indumento iustitiae circumdedit me quasi sponsum decoratum corona et quasi sponsam ornatam monilibus suis
Apocalypse 19.7-19.8 Esaïe 49.18 Apocalypse 21.2 Psaumes 132.9 Psaumes 132.16
¹¹ sicut enim terra profert germen suum et sicut hortus semen suum germinat sic Dominus Deus germinabit iustitiam et laudem coram universis gentibus
Psaumes 85.11 Esaïe 60.18 Psaumes 72.3 Esaïe 62.7 Psaumes 72.16