Apocalypse 10
Vulgate

Le petit livre

1 et vidi alium angelum fortem descendentem de caelo amictum nube et iris in capite eius et facies eius erat ut sol et pedes eius tamquam columna ignis
Apocalypse 1.15-1.16 Matthieu 17.2 Ezéchiel 1.28 Apocalypse 5.2 Apocalypse 4.3
2 et habebat in manu sua libellum apertum et posuit pedem suum dextrum supra mare sinistrum autem super terram
Apocalypse 10.5 Ezéchiel 2.9-2.10 Apocalypse 10.8-10.10 Apocalypse 5.1-5.5 Philippiens 2.10-2.11
3 et clamavit voce magna quemadmodum cum leo rugit et cum clamasset locuta sunt septem tonitrua voces suas
Joël 3.16 Amos 1.2 Esaïe 31.4 Proverbes 19.12 Apocalypse 4.5
4 et cum locuta fuissent septem tonitrua scripturus eram et audivi vocem de caelo dicentem signa quae locuta sunt septem tonitrua et noli ea scribere
Daniel 12.9 Daniel 12.4 Daniel 8.26 Apocalypse 1.11 Apocalypse 22.10
5 et angelum quem vidi stantem supra mare et supra terram levavit manum suam ad caelum
Daniel 12.7 Deutéronome 32.40 Actes 17.23 Hébreux 6.13 Genèse 1.1-1.2
6 et iuravit per viventem in saecula saeculorum qui creavit caelum et ea quae in illo sunt et terram et ea quae in ea sunt et mare et quae in eo sunt quia tempus amplius non erit
Apocalypse 4.11 Apocalypse 4.9 Apocalypse 16.17
7 sed in diebus vocis septimi angeli cum coeperit tuba canere et consummabitur mysterium Dei sicut evangelizavit per servos suos prophetas
Ephésiens 3.3-3.9 Romains 16.25 Actes 3.21 Amos 3.7 Romains 11.25
8 et vox quam audivi de caelo iterum loquentem mecum et dicentem vade accipe librum apertum de manu angeli stantis supra mare et supra terram
Apocalypse 10.4-10.5 Apocalypse 10.2 Esaïe 30.21
9 et abii ad angelum dicens ei ut daret mihi librum et dicit mihi accipe et devora illum et faciet amaricare ventrem tuum sed in ore tuo erit dulce tamquam mel
Ezéchiel 3.1-3.3 Ezéchiel 2.8 Jérémie 15.16 Ezéchiel 3.14 Job 23.12
10 et accepi librum de manu angeli et devoravi eum et erat in ore meo tamquam mel dulce et cum devorassem eum amaricatus est venter meus
Ezéchiel 3.3 Proverbes 16.24 Ezéchiel 2.10 Psaumes 104.34 Psaumes 119.103
11 et dicunt mihi oportet te iterum prophetare populis et gentibus et linguis et regibus multis
Ezéchiel 37.4 Apocalypse 11.9 Apocalypse 14.6 Ezéchiel 37.9 Apocalypse 17.15