Psaumes 56.6
Biblia Hebraica Stuttgartensia

¹ לַמְנַצֵּ֤חַ׀ עַל־יֹ֬ונַת אֵ֣לֶם רְ֭חֹקִים לְדָוִ֣ד מִכְתָּ֑ם בֶּֽאֱחֹ֨ז אֹתֹ֖ו פְלִשְׁתִּ֣ים בְּגַֽת׃Psaumes 69.13-69.16 Psaumes 57.1-57.3 Psaumes 16.1 Psaumes 27.2 Lamentations 2.16
² (56.1) חָנֵּ֣נִי אֱ֭לֹהִים כִּֽי־שְׁאָפַ֣נִי אֱנֹ֑ושׁ כָּל־הַ֝יֹּ֗ום לֹחֵ֥ם יִלְחָצֵֽנִי׃Psaumes 35.1 Actes 4.25-4.27 Psaumes 93.4 Psaumes 92.1 Psaumes 54.5
³ (56.2) שָׁאֲפ֣וּ שֹׁ֭ורְרַי כָּל־הַיֹּ֑ום כִּֽי־רַבִּ֨ים לֹחֲמִ֖ים לִ֣י מָרֹֽום׃Psaumes 55.4-55.5 Psaumes 34.4 1 Samuel 30.6 2 Corinthiens 7.5-7.6 Psaumes 11.1
⁴ (56.3) יֹ֥ום אִירָ֑א אֲ֝נִ֗י אֵלֶ֥יךָ אֶבְטָֽח׃Psaumes 118.6 Hébreux 13.6 Psaumes 27.1 Psaumes 56.10-56.11 Psaumes 119.160
⁵ (56.4) בֵּאלֹהִים֮ אֲהַלֵּ֪ל דְּבָ֫רֹ֥ו בֵּאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה בָשָׂ֣ר לִֽי׃2 Pierre 3.16 Psaumes 41.7 1 Samuel 18.29 Esaïe 29.20-29.21 1 Samuel 20.7
⁶ (56.5) כָּל־הַ֭יֹּום דְּבָרַ֣י יְעַצֵּ֑בוּ עָלַ֖י כָּל־מַחְשְׁבֹתָ֣ם לָרָֽע׃Psaumes 71.10 Psaumes 59.3 Psaumes 140.2 Actes 4.5-4.6 Psaumes 37.32
⁷ (56.6) יָג֤וּרוּ׀ יִצְפֹּ֗ונוּ הֵ֭מָּה עֲקֵבַ֣י יִשְׁמֹ֑רוּ כַּ֝אֲשֶׁ֗ר קִוּ֥וּ נַפְשִֽׁי׃Psaumes 55.23 Jérémie 10.25 Esaïe 28.15 Jérémie 18.19-18.23 Psaumes 55.15
⁸ (56.7) עַל־אָ֥וֶן פַּלֶּט־לָ֑מֹו בְּ֝אַ֗ף עַמִּ֤ים׀ הֹורֵ֬ד אֱלֹהִֽים׃Psaumes 39.12 2 Rois 20.5 Malachie 3.16 Psaumes 139.16 Apocalypse 7.17
⁹ (56.8) נֹדִי֮ סָפַ֪רְתָּ֫ה אָ֥תָּה שִׂ֣ימָה דִמְעָתִ֣י בְנֹאדֶ֑ךָ הֲ֝לֹ֗א בְּסִפְרָתֶֽךָ׃Romains 8.31 Psaumes 118.6 Psaumes 102.2 Psaumes 46.11 Jérémie 33.3
¹⁰ (56.9) אָ֥֨ז יָ֘שׁ֤וּבוּ אֹויְבַ֣י אָ֭חֹור בְּיֹ֣ום אֶקְרָ֑א זֶה־יָ֝דַ֗עְתִּי כִּֽי־אֱלֹהִ֥ים לִֽי׃Hébreux 6.18 2 Pierre 1.4 Matthieu 24.35 Psaumes 60.6 Psaumes 56.4
¹¹ (56.10) בֵּֽ֭אלֹהִים אֲהַלֵּ֣ל דָּבָ֑ר בַּ֝יהוָ֗ה אֲהַלֵּ֥ל דָּבָֽר׃Psaumes 112.7-112.8 Esaïe 51.7-51.8 Esaïe 51.12-51.13 Psaumes 27.1
¹² (56.11) בֵּֽאלֹהִ֣ים בָּ֭טַחְתִּי לֹ֣א אִירָ֑א מַה־יַּעֲשֶׂ֖ה אָדָ֣ם לִֽי׃Psaumes 9.1-9.3 Psaumes 50.14 Genèse 35.1-35.3 Genèse 28.20-28.22 1 Samuel 1.24-1.28
¹³ (56.12) עָלַ֣י אֱלֹהִ֣ים נְדָרֶ֑יךָ אֲשַׁלֵּ֖ם תֹּודֹ֣ת לָֽךְ׃Job 33.30 Psaumes 116.8-116.9 Jean 8.12 Psaumes 17.5 Psaumes 145.14
¹⁴ (56.13) כִּ֤י הִצַּ֪לְתָּ נַפְשִׁ֡י מִמָּוֶת֮ הֲלֹ֥א רַגְלַ֗י מִ֫דֶּ֥חִי לְ֭הִֽתְהַלֵּךְ לִפְנֵ֣י אֱלֹהִ֑ים בְּ֝אֹ֗ור הַֽחַיִּֽים׃