Michée 6.4
Septante

Procès de l’Éternel avec son peuple

¹ ἀκούσατε δὴ λόγον κυρίου κύριος εἶπεν ἀνάστηθι κρίθητι πρὸς τὰ ὄρη καὶ ἀκουσάτωσαν οἱ βουνοὶ φωνήν σου.
Michée 1.2 Jérémie 22.29 Deutéronome 32.1 Ezéchiel 36.1 Psaumes 50.4
² ἀκούσατε βουνοί τὴν κρίσιν τοῦ κυρίου καὶ αἱ φάραγγες θεμέλια τῆς γῆς ὅτι κρίσις τῷ κυρίῳ πρὸς τὸν λαὸν αὐτοῦ καὶ μετὰ τοῦ Ισραηλ διελεγχθήσεται.
Osée 4.1 Osée 12.2 Esaïe 1.18 2 Samuel 22.16 Psaumes 104.5
³ λαός μου τί ἐποίησά σοι ἢ τί ἐλύπησά σε ἢ τί παρηνώχλησά σοι ἀποκρίθητί μοι.
Jérémie 2.5 Psaumes 81.13 Esaïe 43.22-43.23 Jérémie 2.31 Psaumes 50.7
⁴ διότι ἀνήγαγόν σε ἐκ γῆς Αἰγύπτου καὶ ἐξ οἴκου δουλείας ἐλυτρωσάμην σε καὶ ἐξαπέστειλα πρὸ προσώπου σου τὸν Μωυσῆν καὶ Ααρων καὶ Μαριαμ.
Exode 12.51 Deutéronome 7.8 Amos 2.10 2 Samuel 7.23 Nombres 12.1
⁵ λαός μου μνήσθητι δὴ τί ἐβουλεύσατο κατὰ σοῦ Βαλακ βασιλεὺς Μωαβ καὶ τί ἀπεκρίθη αὐτῷ Βαλααμ υἱὸς τοῦ Βεωρ ἀπὸ τῶν σχοίνων ἕως τοῦ Γαλγαλ ὅπως γνωσθῇ ἡ δικαιοσύνη τοῦ κυρίου.
Nombres 25.1 Josué 5.9-5.10 Juges 5.11 Josué 4.19 Deutéronome 23.4-23.5
⁶ ἐν τίνι καταλάβω τὸν κύριον ἀντιλήμψομαι θεοῦ μου ὑψίστου εἰ καταλήμψομαι αὐτὸν ἐν ὁλοκαυτώμασιν ἐν μόσχοις ἐνιαυσίοις.
Romains 10.2-10.3 Daniel 4.9 2 Samuel 21.3 Marc 5.7 Luc 10.25
⁷ εἰ προσδέξεται κύριος ἐν χιλιάσιν κριῶν ἢ ἐν μυριάσιν χειμάρρων πιόνων εἰ δῶ πρωτότοκά μου ἀσεβείας καρπὸν κοιλίας μου ὑπὲρ ἁμαρτίας ψυχῆς μου.
2 Rois 16.3 1 Samuel 15.22 Psaumes 50.9 Esaïe 40.16 Psaumes 51.16
⁸ εἰ ἀνηγγέλη σοι ἄνθρωπε τί καλόν ἢ τί κύριος ἐκζητεῖ παρὰ σοῦ ἀλλ’ ἢ τοῦ ποιεῖν κρίμα καὶ ἀγαπᾶν ἔλεον καὶ ἕτοιμον εἶναι τοῦ πορεύεσθαι μετὰ κυρίου θεοῦ σου.
Deutéronome 10.12-10.13 1 Samuel 15.22 Jérémie 22.3 Esaïe 66.2 Colossiens 3.12
⁹ φωνὴ κυρίου τῇ πόλει ἐπικληθήσεται καὶ σώσει φοβουμένους τὸ ὄνομα αὐτοῦ ἄκουε φυλή καὶ τίς κοσμήσει πόλιν.
Sophonie 3.2 Esaïe 10.5-10.6 Esaïe 30.27 Psaumes 9.16 Job 5.6-5.8
¹⁰ μὴ πῦρ καὶ οἶκος ἀνόμου θησαυρίζων θησαυροὺς ἀνόμους καὶ μετὰ ὕβρεως ἀδικία.
Amos 8.5-8.6 Amos 3.10 Jérémie 5.26-5.27 Lévitique 19.35-19.36 2 Rois 5.23-5.24
¹¹ εἰ δικαιωθήσεται ἐν ζυγῷ ἄνομος καὶ ἐν μαρσίππῳ στάθμια δόλου.
Osée 12.7 Proverbes 16.11 Lévitique 19.36
¹² ἐξ ὧν τὸν πλοῦτον αὐτῶν ἀσεβείας ἔπλησαν καὶ οἱ κατοικοῦντες αὐτὴν ἐλάλουν ψευδῆ καὶ ἡ γλῶσσα αὐτῶν ὑψώθη ἐν τῷ στόματι αὐτῶν.
Jérémie 9.8 Esaïe 1.23 Osée 7.13 Esaïe 5.7 Michée 2.1-2.2
¹³ καὶ ἐγὼ ἄρξομαι τοῦ πατάξαι σε ἀφανιῶ σε ἐπὶ ταῖς ἁμαρτίαις σου.
Esaïe 6.11 Osée 5.9 Deutéronome 28.21-28.22 Esaïe 1.5-1.7 Actes 12.23
¹⁴ σὺ φάγεσαι καὶ οὐ μὴ ἐμπλησθῇς καὶ σκοτάσει ἐν σοὶ καὶ ἐκνεύσει καὶ οὐ μὴ διασωθῇς καὶ ὅσοι ἐὰν διασωθῶσιν εἰς ῥομφαίαν παραδοθήσονται.
Osée 4.10 Lévitique 26.26 Esaïe 3.6-3.8 Esaïe 9.20 Deutéronome 32.22-32.25
¹⁵ σὺ σπερεῖς καὶ οὐ μὴ ἀμήσῃς σὺ πιέσεις ἐλαίαν καὶ οὐ μὴ ἀλείψῃ ἔλαιον καὶ οἶνον καὶ οὐ μὴ πίητε καὶ ἀφανισθήσεται νόμιμα λαοῦ μου.
Sophonie 1.13 Jérémie 12.13 Amos 5.11 Deutéronome 28.38-28.40 Aggée 1.6
¹⁶ καὶ ἐφύλαξας τὰ δικαιώματα Ζαμβρι καὶ πάντα τὰ ἔργα οἴκου Αχααβ καὶ ἐπορεύθητε ἐν ταῖς βουλαῖς αὐτῶν ὅπως παραδῶ σε εἰς ἀφανισμὸν καὶ τοὺς κατοικοῦντας αὐτὴν εἰς συρισμόν καὶ ὀνείδη λαῶν λήμψεσθε.
Jérémie 51.51 Jérémie 7.24 Esaïe 25.8 1 Rois 16.25-16.33 1 Rois 21.25-21.26