Psaumes 148.13
Bible en Swahili de l’est

Louange universelle de la création

¹ Haleluya. Msifuni Bwana kutoka mbinguni; Msifuni katika mahali palipo juu.
² Msifuni, enyi malaika wake wote; Msifuni, majeshi yake yote.
³ Msifuni, jua na mwezi; Msifuni, nyota zote zenye mwanga.
⁴ Msifuni, enyi mbingu za mbingu, Nanyi maji mlioko juu ya mbingu.
⁵ Na vilisifu jina la Bwana, Kwa maana aliamuru, vikaumbwa.
⁶ Amevithibitisha hata milele na milele, Ametoa amri wala haitapita.
⁷ Msifuni Bwana kutoka nchi, Enyi nyangumi na vilindi vyote.
⁸ Moto na mvua ya mawe, theluji na mvuke, Upepo wa dhoruba ulitendao neno lake.
⁹ Milima na vilima vyote, Miti yenye matunda na mierezi yote.
¹⁰ Hayawani, na wanyama wafugwao, Vitambaavyo, na ndege wenye mbawa.
¹¹ Wafalme wa dunia, na watu wote, Wakuu, na makadhi wote wa dunia.
¹² Vijana waume, na wanawali, Wazee, na watoto;
¹³ Na walisifu jina la Bwana, Maana jina lake peke yake limetukuka; Adhama yake i juu ya nchi na mbingu.
¹⁴ Naye amewainulia watu wake pembe, Sifa za watauwa wake wote; Wana wa Israeli, watu walio karibu naye. Haleluya.