Psaumes 65.2
Bible en Swahili de l’est

¹ Ee Mungu, sifa zakulaiki katika Sayuni, Na kwako Wewe itaondolewa nadhiri. ² Wewe usikiaye kuomba, Wote wenye mwili watakujia. ³ Ingawa maovu mengi yanamshinda, Wewe utayafunika maasi yetu. ⁴ Heri mtu yule umchaguaye, Na kumkaribisha akae nyuani mwako. Na tushibe wema wa nyumba yako, Patakatifu pa hekalu lako. ⁵ Kwa mambo ya kutisha utatujibu, Katika haki, Ee Mungu wa wokovu wetu. Wewe uliye tumaini la miisho yote ya dunia, Na la bahari iliyo mbali sana, ⁶ Milima waiweka imara kwa nguvu zako, Huku ukijifunga uweza kama mshipi. ⁷ Wautuliza uvumi wa bahari, Uvumi wa mawimbi yake, Na ghasia ya mataifa; ⁸ Kwa hiyo wakaao mbali kabisa huogopa ishara zako; Milango ya asubuhi na jioni waifurahisha. ⁹ Umeijilia nchi na kuisitawisha, Umeitajirisha sana; Mto wa Mungu umejaa maji; Wawaruzuku watu nafaka Maana ndiwe uitengenezaye ardhi. ¹⁰ Matuta yake wayajaza maji; Wapasawazisha palipoinuka, Wailainisha nchi kwa manyunyu; Waibariki mimea yake. ¹¹ Umeuvika mwaka taji ya wema wako; Mapito yako yadondoza unono. ¹² Huyadondokea malisho ya nyikani, Na vilima vyajifunga furaha. ¹³ Na malisho yamevikwa kondoo, Na mabonde yamepambwa nafaka, Yanashangilia, naam, yanaimba.