Psaumes 85.7
Bible en Swahili de l’est

Prière pour le rétablissement d’Israël

¹ Bwana, umeiridhia nchi yako, Umewarejeza mateka wa Yakobo.
² Umeusamehe uovu wa watu wako, Umezisitiri hatia zao zote.
³ Umeiondoa ghadhabu yako yote, Umerudi na kuuacha ukali wa hasira yako.
⁴ Mungu wa wokovu wetu, uturudishe, Uikomeshe hasira uliyo nayo juu yetu.
⁵ Je! Utatufanyia hasira hata milele? Utadumisha ghadhabu kizazi hata kizazi?
⁶ Je! Hutaki kurudi na kutuhuisha, Watu wako wakufurahie?
⁷ Ee Bwana, utuonyeshe rehema zako, Utupe wokovu wako.
⁸ Na nisikie atakavyosema Mungu Bwana, Maana atawaambia watu wake amani, Naam, na watauwa wake pia, Bali wasiurudie upumbavu tena.
⁹ Hakika wokovu wake u karibu na wamchao, Utukufu ukae katika nchi yetu.
¹⁰ Fadhili na kweli zimekutana, Haki na amani zimehusiana.
¹¹ Kweli imechipuka katika nchi, Haki imechungulia kutoka mbinguni.
¹² Naam, Bwana atatoa kilicho chema, Na nchi yetu itatoa mazao yake.
¹³ Haki itakwenda mbele zake, Nayo itazifanya hatua zake kuwa njia.