Apocalypse 12
Vulgate

Sept signes

La femme, le dragon et l’enfant

1 et signum magnum paruit in caelo mulier amicta sole et luna sub pedibus eius et in capite eius corona stellarum duodecim
Apocalypse 11.19 Apocalypse 12.3 Esaïe 60.19-60.20 Marc 13.25 Apocalypse 15.1
2 et in utero habens et clamat parturiens et cruciatur ut pariat
Galates 4.19 Apocalypse 12.4 Jean 16.21 Esaïe 53.11 Esaïe 66.7-66.9
3 et visum est aliud signum in caelo et ecce draco magnus rufus habens capita septem et cornua decem et in capitibus suis septem diademata
Apocalypse 17.12 Apocalypse 12.9 Apocalypse 12.1 Daniel 7.20 Apocalypse 12.4
4 et cauda eius trahebat tertiam partem stellarum caeli et misit eas in terram et draco stetit ante mulierem quae erat paritura ut cum peperisset filium eius devoraret
Jean 8.44 Apocalypse 8.7 Apocalypse 12.9 Exode 1.16 Apocalypse 12.2-12.3
5 et peperit filium masculum qui recturus erit omnes gentes in virga ferrea et raptus est filius eius ad Deum et ad thronum eius
Apocalypse 2.26-2.27 Apocalypse 19.15 Michée 5.3 Apocalypse 11.12 Apocalypse 12.2
6 et mulier fugit in solitudinem ubi habet locum paratum a Deo ut ibi pascant illam diebus mille ducentis sexaginta
Apocalypse 11.2-11.3 Apocalypse 12.4 Apocalypse 13.5 1 Rois 17.3-17.6 Apocalypse 12.14
7 et factum est proelium in caelo Michahel et angeli eius proeliabantur cum dracone et draco pugnabat et angeli eius
Jude 1.9 Daniel 12.1 2 Pierre 2.4 Daniel 10.13 Daniel 10.21
8 et non valuerunt neque locus inventus est eorum amplius in caelo
Job 27.21-27.23 Jude 1.6 Matthieu 16.18 Psaumes 37.10 Psaumes 118.10-118.13
9 et proiectus est draco ille magnus serpens antiquus qui vocatur Diabolus et Satanas qui seducit universum orbem proiectus est in terram et angeli eius cum illo missi sunt
Luc 10.18 Jean 12.31 2 Corinthiens 4.4 Jean 8.44 Apocalypse 20.10
10 et audivi vocem magnam in caelo dicentem nunc facta est salus et virtus et regnum Dei nostri et potestas Christi eius quia proiectus est accusator fratrum nostrorum qui accusabat illos ante conspectum Dei nostri die ac nocte
Apocalypse 11.15 Luc 22.31 Job 1.9 Zacharie 3.1-3.2 Daniel 2.44
11 et ipsi vicerunt illum propter sanguinem agni et propter verbum testimonii sui et non dilexerunt animam suam usque ad mortem
Luc 14.26 2 Corinthiens 10.3-10.5 Jean 16.33 Romains 8.33-8.39 2 Timothée 4.7-4.8
12 propterea laetamini caeli et qui habitatis in eis vae terrae et mari quia descendit diabolus ad vos habens iram magnam sciens quod modicum tempus habet
Apocalypse 18.20 Apocalypse 8.13 Apocalypse 10.6 Esaïe 49.13 Hébreux 10.37
13 et postquam vidit draco quod proiectus est in terram persecutus est mulierem quae peperit masculum
Apocalypse 12.3-12.5 Psaumes 37.12-37.14 Genèse 3.15 Jean 16.33
14 et datae sunt mulieri duae alae aquilae magnae ut volaret in desertum in locum suum ubi alitur per tempus et tempora et dimidium temporis a facie serpentis
Apocalypse 12.6 Exode 19.4 Esaïe 40.31 Daniel 12.7 Daniel 7.25
15 et misit serpens ex ore suo post mulierem aquam tamquam flumen ut eam faceret trahi a flumine
Esaïe 59.19 Psaumes 93.3-93.4 Psaumes 65.7 Esaïe 8.7 Apocalypse 17.15
16 et adiuvit terra mulierem et aperuit terra os suum et absorbuit flumen quod misit draco de ore suo
Exode 12.35-12.36 1 Rois 17.6 2 Rois 8.9
17 et iratus est draco in mulierem et abiit facere proelium cum reliquis de semine eius qui custodiunt mandata Dei et habent testimonium Iesu
Apocalypse 14.12 Genèse 3.15 Apocalypse 11.7 Apocalypse 1.2 Apocalypse 6.9
18 et stetit super harenam maris