Apocalypse 3.12
Vulgate

Lettre à l’Église de Sardes

¹ et angelo ecclesiae Sardis scribe haec dicit qui habet septem spiritus Dei et septem stellas scio opera tua quia nomen habes quod vivas et mortuus es
Apocalypse 1.4 1 Timothée 5.6 Apocalypse 1.16 Apocalypse 5.6 Apocalypse 4.5
² esto vigilans et confirma cetera quae moritura erant non enim invenio opera tua plena coram Deo meo
1 Pierre 5.8 Actes 18.23 1 Pierre 4.7 Actes 20.28-20.31 Apocalypse 16.15
³ in mente ergo habe qualiter acceperis et audieris et serva et paenitentiam age si ergo non vigilaveris veniam tamquam fur et nescies qua hora veniam ad te
Apocalypse 2.5 2 Pierre 3.10 Apocalypse 16.15 1 Thessaloniciens 5.2 Matthieu 25.13
⁴ sed habes pauca nomina in Sardis qui non inquinaverunt vestimenta sua et ambulabunt mecum in albis quia digni sunt
Apocalypse 7.9 Apocalypse 6.11 Ecclésiaste 9.8 Jude 1.23 Apocalypse 4.4
⁵ qui vicerit sic vestietur vestimentis albis et non delebo nomen eius de libro vitae et confitebor nomen eius coram Patre meo et coram angelis eius
Matthieu 10.32 Apocalypse 17.8 Apocalypse 20.15 Apocalypse 20.12 Apocalypse 13.8
⁶ qui habet aurem audiat quid Spiritus dicat ecclesiis
Apocalypse 2.7

Lettre à l’Église de Philadelphie

⁷ et angelo Philadelphiae ecclesiae scribe haec dicit sanctus et verus qui habet clavem David qui aperit et nemo cludit et cludit et nemo aperit
Esaïe 22.22 Luc 1.32 1 Jean 5.20 Job 12.14 Matthieu 16.19
⁸ scio opera tua ecce dedi coram te ostium apertum quod nemo potest cludere quia modicam habes virtutem et servasti verbum meum et non negasti nomen meum
1 Corinthiens 16.9 Colossiens 4.3 Jean 17.6 2 Corinthiens 2.12 Luc 12.9
⁹ ecce dabo de synagoga Satanae qui dicunt se Iudaeos esse et non sunt sed mentiuntur ecce faciam illos ut veniant et adorent ante pedes tuos et scient quia ego dilexi te
Apocalypse 2.9 Esaïe 49.23 Esaïe 60.14 Esaïe 43.4 Esaïe 45.14
¹⁰ quoniam servasti verbum patientiae meae et ego te servabo ab hora temptationis quae ventura est in orbem universum temptare habitantes in terra
Apocalypse 17.8 Apocalypse 6.10 2 Pierre 2.9 Apocalypse 2.10 Apocalypse 1.9
¹¹ venio cito tene quod habes ut nemo accipiat coronam tuam
Apocalypse 2.25 Jacques 1.12 Apocalypse 2.10 Apocalypse 22.20 Apocalypse 1.3
¹² qui vicerit faciam illum columnam in templo Dei mei et foras non egredietur amplius et scribam super eum nomen Dei mei et nomen civitatis Dei mei novae Hierusalem quae descendit de caelo a Deo meo et nomen meum novum
Apocalypse 22.4 Apocalypse 14.1 Apocalypse 21.2 Galates 2.9 Jérémie 1.18
¹³ qui habet aurem audiat quid Spiritus dicat ecclesiis
Apocalypse 2.7

Lettre à l’Église de Laodicée

¹⁴ et angelo Laodiciae ecclesiae scribe haec dicit Amen testis fidelis et verus qui est principium creaturae Dei
Apocalypse 1.5 Colossiens 1.15 Apocalypse 3.7 Colossiens 1.18 2 Corinthiens 1.20
¹⁵ scio opera tua quia neque frigidus es neque calidus utinam frigidus esses aut calidus
Romains 12.11 Apocalypse 2.4 Luc 14.27-14.28 1 Rois 18.21 Matthieu 24.12
¹⁶ sed quia tepidus es et nec frigidus nec calidus incipiam te evomere ex ore meo
Apocalypse 2.5 Jérémie 14.19 Zacharie 11.8-11.9 Jérémie 15.1-15.4
¹⁷ quia dicis quod dives sum et locupletatus et nullius egeo et nescis quia tu es miser et miserabilis et pauper et caecus et nudus
Osée 12.8 Romains 12.3 Proverbes 13.7 Matthieu 9.12 Apocalypse 2.9
¹⁸ suadeo tibi emere a me aurum ignitum probatum ut locuples fias et vestimentis albis induaris et non appareat confusio nuditatis tuae et collyrio inungue oculos tuos ut videas
Apocalypse 16.15 Esaïe 55.1 Apocalypse 19.8 Matthieu 13.44 Daniel 12.2
¹⁹ ego quos amo arguo et castigo aemulare ergo et paenitentiam age
Apocalypse 2.5 1 Corinthiens 11.32 Hébreux 12.5-12.11 Proverbes 3.11-3.12 Jérémie 31.18
²⁰ ecce sto ad ostium et pulso si quis audierit vocem meam et aperuerit ianuam introibo ad illum et cenabo cum illo et ipse mecum
Jean 14.21-14.23 Luc 12.36-12.37 Apocalypse 19.9 Cantique 5.2-5.4 Luc 17.8
²¹ qui vicerit dabo ei sedere mecum in throno meo sicut et ego vici et sedi cum Patre meo in throno eius
Matthieu 19.28 Apocalypse 2.7 2 Timothée 2.12 Matthieu 28.18 Jean 16.33
²² qui habet aurem audiat quid Spiritus dicat ecclesiis
Apocalypse 2.7 Apocalypse 2.11 Apocalypse 3.13 Apocalypse 3.6 Apocalypse 2.17