Psaumes 148.1
Biblia Hebraica Stuttgartensia

¹ הַ֥לְלוּ יָ֨הּ׀ הַֽלְל֣וּ אֶת־יְ֭הוָה מִן־הַשָּׁמַ֑יִם הַֽ֝לְל֗וּהוּ בַּמְּרֹומִֽים׃Psaumes 89.5 Luc 2.13-2.14 Psaumes 69.34 Apocalypse 19.1-19.6 Esaïe 49.13
² הַֽלְל֥וּהוּ כָל־מַלְאָכָ֑יו הַֽ֝לְל֗וּהוּ כָּל־צְבָאָֽיו׃Psaumes 103.20-103.21 Genèse 2.1 Ezéchiel 3.12 Apocalypse 5.11-5.13 Esaïe 6.2-6.4
³ הַֽ֭לְלוּהוּ שֶׁ֣מֶשׁ וְיָרֵ֑חַ הַ֝לְל֗וּהוּ כָּל־כֹּ֥וכְבֵי אֹֽור׃Psaumes 19.1-19.6 Psaumes 136.7-136.9 Psaumes 8.1-8.3 Genèse 8.22 Jérémie 33.20
⁴ הַֽ֭לְלוּהוּ שְׁמֵ֣י הַשָּׁמָ֑יִם וְ֝הַמַּ֗יִם אֲשֶׁ֤ר׀ מֵעַ֬ל הַשָּׁמָֽיִם׃Genèse 1.7 1 Rois 8.27 Psaumes 104.3 2 Corinthiens 12.2 Néhémie 9.6
⁵ יְֽ֭הַֽלְלוּ אֶת־שֵׁ֣ם יְהוָ֑ה כִּ֤י ה֭וּא צִוָּ֣ה וְנִבְרָֽאוּ׃Genèse 1.6 Psaumes 33.6-33.9 Genèse 1.1-1.2 Jérémie 10.11-10.13 Apocalypse 4.11
⁶ וַיַּעֲמִידֵ֣ם לָעַ֣ד לְעֹולָ֑ם חָק־נָ֝תַ֗ן וְלֹ֣א יַעֲבֹֽור׃Jérémie 33.25 Job 38.33 Jérémie 31.35-31.36 Psaumes 89.37 Psaumes 119.90-119.91
⁷ הַֽלְל֣וּ אֶת־יְ֭הוָה מִן־הָאָ֑רֶץ תַּ֝נִּינִ֗ים וְכָל־תְּהֹמֹֽות׃Genèse 1.21 Psaumes 74.13-74.14 Esaïe 51.9-51.10 Esaïe 43.20 Esaïe 27.1
⁸ אֵ֣שׁ וּ֭בָרָד שֶׁ֣לֶג וְקִיטֹ֑ור ר֥וּחַ סְ֝עָרָ֗ה עֹשָׂ֥ה דְבָרֹֽו׃Psaumes 147.15-147.18 Apocalypse 16.21 Exode 10.19 Exode 14.21 Amos 7.4
⁹ הֶהָרִ֥ים וְכָל־גְּבָעֹ֑ות עֵ֥ץ פְּ֝רִ֗י וְכָל־אֲרָזִֽים׃Esaïe 44.23 Esaïe 49.13 Esaïe 55.12-55.13 Ezéchiel 36.1-36.15 Psaumes 98.7-98.9
¹⁰ הַֽחַיָּ֥ה וְכָל־בְּהֵמָ֑ה רֶ֝֗מֶשׂ וְצִפֹּ֥ור כָּנָֽף׃Ezéchiel 17.23 Psaumes 103.22 Genèse 7.14 Psaumes 50.10-50.11 Genèse 1.20-1.25
¹¹ מַלְכֵי־אֶ֭רֶץ וְכָל־לְאֻמִּ֑ים שָׂ֝רִ֗ים וְכָל־שֹׁ֥פְטֵי אָֽרֶץ׃Psaumes 102.15 Esaïe 49.23 Psaumes 72.10-72.11 Proverbes 8.15-8.16 Psaumes 68.31-68.32
¹² בַּחוּרִ֥ים וְגַם־בְּתוּלֹ֑ות זְ֝קֵנִ֗ים עִם־נְעָרִֽים׃Zacharie 9.17 Jérémie 31.13 Tite 2.4-2.6 Psaumes 8.2 Luc 19.37
¹³ יְהַלְל֤וּ׀ אֶת־שֵׁ֬ם יְהוָ֗ה כִּֽי־נִשְׂגָּ֣ב שְׁמֹ֣ו לְבַדֹּ֑ו הֹ֝ודֹ֗ו עַל־אֶ֥רֶץ וְשָׁמָֽיִם׃Psaumes 113.4 Psaumes 8.1 Esaïe 12.4 Psaumes 99.3-99.4 Psaumes 72.19
¹⁴ וַיָּ֤רֶם קֶ֨רֶן׀ לְעַמֹּ֡ו תְּהִלָּ֤ה לְֽכָל־חֲסִידָ֗יו לִבְנֵ֣י יִ֭שְׂרָאֵל עַֽם־קְרֹבֹ֗ו הַֽלְלוּ־יָֽהּ׃Psaumes 75.10 Ephésiens 2.17 1 Samuel 2.1 Deutéronome 4.7 Ephésiens 2.19