Michée 1.6
Septante

Menaces contre Israël et Juda

¹ καὶ ἐγένετο λόγος κυρίου πρὸς Μιχαιαν τὸν τοῦ Μωρασθι ἐν ἡμέραις Ιωαθαμ καὶ Αχαζ καὶ Εζεκιου βασιλέων Ιουδα ὑπὲρ ὧν εἶδεν περὶ Σαμαρείας καὶ περὶ Ιερουσαλημ.
Esaïe 1.1 Jérémie 26.18 Osée 1.1 Amos 1.1 2 Chroniques 27.1-27.9
² ἀκούσατε λαοί λόγους καὶ προσεχέτω ἡ γῆ καὶ πάντες οἱ ἐν αὐτῇ καὶ ἔσται κύριος ἐν ὑμῖν εἰς μαρτύριον κύριος ἐξ οἴκου ἁγίου αὐτοῦ.
Esaïe 1.2 Psaumes 11.4 Jérémie 22.29 Psaumes 50.7 Psaumes 49.1-49.2
³ διότι ἰδοὺ κύριος ἐκπορεύεται ἐκ τοῦ τόπου αὐτοῦ καὶ καταβήσεται καὶ ἐπιβήσεται ἐπὶ τὰ ὕψη τῆς γῆς.
Amos 4.13 Esaïe 26.21 Psaumes 115.3 Deutéronome 32.13 Habakuk 3.19
⁴ καὶ σαλευθήσεται τὰ ὄρη ὑποκάτωθεν αὐτοῦ καὶ αἱ κοιλάδες τακήσονται ὡς κηρὸς ἀπὸ προσώπου πυρὸς καὶ ὡς ὕδωρ καταφερόμενον ἐν καταβάσει.
Nahum 1.5 Psaumes 97.5 Amos 9.5 Habakuk 3.10 Habakuk 3.6
⁵ διὰ ἀσέβειαν Ιακωβ πάντα ταῦτα καὶ διὰ ἁμαρτίαν οἴκου Ισραηλ τίς ἡ ἀσέβεια τοῦ Ιακωβ οὐ Σαμάρεια καὶ τίς ἡ ἁμαρτία οἴκου Ιουδα οὐχὶ Ιερουσαλημ.
Amos 8.14 Jérémie 2.19 Osée 7.1 Jérémie 5.25 1 Rois 13.32
⁶ καὶ θήσομαι Σαμάρειαν εἰς ὀπωροφυλάκιον ἀγροῦ καὶ εἰς φυτείαν ἀμπελῶνος καὶ κατασπάσω εἰς χάος τοὺς λίθους αὐτῆς καὶ τὰ θεμέλια αὐτῆς ἀποκαλύψω.
Ezéchiel 13.14 Michée 3.12 Lamentations 4.1 2 Rois 19.25 Amos 5.11
⁷ καὶ πάντα τὰ γλυπτὰ αὐτῆς κατακόψουσιν καὶ πάντα τὰ μισθώματα αὐτῆς ἐμπρήσουσιν ἐν πυρί καὶ πάντα τὰ εἴδωλα αὐτῆς θήσομαι εἰς ἀφανισμόν διότι ἐκ μισθωμάτων πορνείας συνήγαγεν καὶ ἐκ μισθωμάτων πορνείας συνέστρεψεν.
Osée 2.12 Deutéronome 23.18 Osée 8.6 Osée 2.5 Apocalypse 18.9
⁸ ἕνεκεν τούτου κόψεται καὶ θρηνήσει πορεύσεται ἀνυπόδετος καὶ γυμνή ποιήσεται κοπετὸν ὡς δρακόντων καὶ πένθος ὡς θυγατέρων σειρήνων.
Esaïe 22.4 Esaïe 20.2-20.4 Job 30.29 Jérémie 9.1 Jérémie 9.10
⁹ ὅτι κατεκράτησεν ἡ πληγὴ αὐτῆς διότι ἦλθεν ἕως Ιουδα καὶ ἥψατο ἕως πύλης λαοῦ μου ἕως Ιερουσαλημ.
2 Chroniques 32.1-32.23 Esaïe 8.7-8.8 Michée 1.12 Jérémie 30.11-30.15 Esaïe 3.26
¹⁰ οἱ ἐν Γεθ μὴ μεγαλύνεσθε οἱ ἐν Ακιμ μὴ ἀνοικοδομεῖτε ἐξ οἴκου κατὰ γέλωτα γῆν καταπάσασθε κατὰ γέλωτα ὑμῶν.
2 Samuel 1.20 Jérémie 6.26 Lamentations 3.29 Amos 6.10 Amos 5.13
¹¹ κατοικοῦσα καλῶς τὰς πόλεις αὐτῆς οὐκ ἐξῆλθεν κατοικοῦσα Σεννααν κόψασθαι οἶκον ἐχόμενον αὐτῆς λήμψεται ἐξ ὑμῶν πληγὴν ὀδύνης.
Esaïe 20.4 Ezéchiel 16.37 Esaïe 16.2 Jérémie 48.9 Jérémie 48.6
¹² τίς ἤρξατο εἰς ἀγαθὰ κατοικούσῃ ὀδύνας ὅτι κατέβη κακὰ παρὰ κυρίου ἐπὶ πύλας Ιερουσαλημ.
Jérémie 14.19 Esaïe 45.7 Michée 1.9 Amos 3.6 Esaïe 59.9-59.11
¹³ ψόφος ἁρμάτων καὶ ἱππευόντων κατοικοῦσα Λαχις ἀρχηγὸς ἁμαρτίας αὐτή ἐστιν τῇ θυγατρὶ Σιων ὅτι ἐν σοὶ εὑρέθησαν ἀσέβειαι τοῦ Ισραηλ.
2 Rois 18.17 Josué 10.3 2 Chroniques 32.9 1 Rois 13.33-13.34 Esaïe 10.31
¹⁴ διὰ τοῦτο δώσεις ἐξαποστελλομένους ἕως κληρονομίας Γεθ οἴκους ματαίους εἰς κενὰ ἐγένετο τοῖς βασιλεῦσιν τοῦ Ισραηλ.
Josué 15.44 2 Rois 16.8 Psaumes 62.9 Psaumes 146.3-146.4 2 Rois 18.14-18.16
¹⁵ ἕως τοὺς κληρονόμους ἀγάγω σοι κατοικοῦσα Λαχις κληρονομία ἕως Οδολλαμ ἥξει ἡ δόξα τῆς θυγατρὸς Ισραηλ.
Josué 15.44 1 Samuel 22.1 Josué 15.35 Esaïe 10.5-10.6 Esaïe 7.17-7.25
¹⁶ ξύρησαι καὶ κεῖραι ἐπὶ τὰ τέκνα τὰ τρυφερά σου ἐμπλάτυνον τὴν χηρείαν σου ὡς ἀετός ὅτι ᾐχμαλωτεύθησαν ἀπὸ σοῦ.
Esaïe 22.12 Job 1.20 2 Rois 17.6 Jérémie 7.29 Esaïe 39.6-39.7