Zacharie 7
Septante

Les jeûnes

Causes de la colère de Dieu

1 καὶ ἐγένετο ἐν τῷ τετάρτῳ ἔτει ἐπὶ Δαρείου τοῦ βασιλέως ἐγένετο λόγος κυρίου πρὸς Ζαχαριαν τετράδι τοῦ μηνὸς τοῦ ἐνάτου ὅς ἐστιν Χασελευ.
Néhémie 1.1 Zacharie 1.1 Aggée 2.10 Aggée 2.20 Esdras 6.14-6.15
2 καὶ ἐξαπέστειλεν εἰς Βαιθηλ Σαρασαρ καὶ Αρβεσεερ ὁ βασιλεὺς καὶ οἱ ἄνδρες αὐτοῦ τοῦ ἐξιλάσασθαι τὸν κύριον.
Zacharie 8.21 Jérémie 26.19 1 Rois 13.6 1 Samuel 13.12 Esaïe 60.7
3 λέγων πρὸς τοὺς ἱερεῖς τοὺς ἐν τῷ οἴκῳ κυρίου παντοκράτορος καὶ πρὸς τοὺς προφήτας λέγων εἰσελήλυθεν ὧδε ἐν τῷ μηνὶ τῷ πέμπτῳ τὸ ἁγίασμα καθότι ἐποίησα ἤδη ἱκανὰ ἔτη.
Zacharie 8.19 Jérémie 52.12-52.14 Malachie 2.7 Zacharie 12.12-12.14 Jacques 4.8-4.10
4 καὶ ἐγένετο λόγος κυρίου τῶν δυνάμεων πρός με λέγων.
Esaïe 10.16
5 εἰπὸν πρὸς ἅπαντα τὸν λαὸν τῆς γῆς καὶ πρὸς τοὺς ἱερεῖς λέγων ἐὰν νηστεύσητε ἢ κόψησθε ἐν ταῖς πέμπταις ἢ ἐν ταῖς ἑβδόμαις καὶ ἰδοὺ ἑβδομήκοντα ἔτη μὴ νηστείαν νενηστεύκατέ μοι.
Zacharie 1.12 Esaïe 1.11-1.12 Zacharie 7.3 Romains 14.6-14.9 Matthieu 6.5
6 καὶ ἐὰν φάγητε ἢ πίητε οὐχ ὑμεῖς ἔσθετε καὶ ὑμεῖς πίνετε.
1 Corinthiens 11.20-11.21 Osée 9.4 Deutéronome 14.26 Osée 8.13 Deutéronome 12.7
7 οὐχ οὗτοι οἱ λόγοι εἰσίν οὓς ἐλάλησεν κύριος ἐν χερσὶν τῶν προφητῶν τῶν ἔμπροσθεν ὅτε ἦν Ιερουσαλημ κατοικουμένη καὶ εὐθηνοῦσα καὶ αἱ πόλεις αὐτῆς κυκλόθεν καὶ ἡ ὀρεινὴ καὶ ἡ πεδινὴ κατῳκεῖτο.
Jérémie 17.26 Esaïe 1.16-1.20 Jérémie 7.23 Jérémie 7.5 Jérémie 32.44
8 καὶ ἐγένετο λόγος κυρίου πρὸς Ζαχαριαν λέγων.
9 τάδε λέγει κύριος παντοκράτωρ κρίμα δίκαιον κρίνατε καὶ ἔλεος καὶ οἰκτιρμὸν ποιεῖτε ἕκαστος πρὸς τὸν ἀδελφὸν αὐτοῦ.
Michée 6.8 Jérémie 21.12 Matthieu 23.23 Ezéchiel 45.9 Jérémie 7.23
10 καὶ χήραν καὶ ὀρφανὸν καὶ προσήλυτον καὶ πένητα μὴ καταδυναστεύετε καὶ κακίαν ἕκαστος τοῦ ἀδελφοῦ αὐτοῦ μὴ μνησικακείτω ἐν ταῖς καρδίαις ὑμῶν.
Esaïe 1.23 Psaumes 72.4 Psaumes 21.11 Jérémie 5.28 Jérémie 11.19-11.20
11 καὶ ἠπείθησαν τοῦ προσέχειν καὶ ἔδωκαν νῶτον παραφρονοῦντα καὶ τὰ ὦτα αὐτῶν ἐβάρυναν τοῦ μὴ εἰσακούειν.
Néhémie 9.29 Osée 4.16 Jérémie 8.5 Zacharie 1.4 Actes 7.51
12 καὶ τὴν καρδίαν αὐτῶν ἔταξαν ἀπειθῆ τοῦ μὴ εἰσακούειν τοῦ νόμου μου καὶ τοὺς λόγους οὓς ἐξαπέστειλεν κύριος παντοκράτωρ ἐν πνεύματι αὐτοῦ ἐν χερσὶν τῶν προφητῶν τῶν ἔμπροσθεν καὶ ἐγένετο ὀργὴ μεγάλη παρὰ κυρίου παντοκράτορος.
Néhémie 9.29-9.30 2 Chroniques 36.16 Ezéchiel 11.19 Esaïe 6.10 Ezéchiel 36.26
13 καὶ ἔσται ὃν τρόπον εἶπεν καὶ οὐκ εἰσήκουσαν αὐτοῦ οὕτως κεκράξονται καὶ οὐ μὴ εἰσακούσω λέγει κύριος παντοκράτωρ.
Proverbes 1.24-1.28 Jérémie 14.12 Esaïe 1.15 Jérémie 11.11 Michée 3.4
14 καὶ ἐκβαλῶ αὐτοὺς εἰς πάντα τὰ ἔθνη ἃ οὐκ ἔγνωσαν καὶ ἡ γῆ ἀφανισθήσεται κατόπισθεν αὐτῶν ἐκ διοδεύοντος καὶ ἐξ ἀναστρέφοντος καὶ ἔταξαν γῆν ἐκλεκτὴν εἰς ἀφανισμόν.
Deutéronome 28.33 Jérémie 23.19 Deutéronome 28.64 Deutéronome 4.27 Zacharie 2.6