Psaumes 62.7
Bible en Swahili de l’est

¹ Nafsi yangu yamngoja Mungu peke yake kwa kimya, Wokovu wangu hutoka kwake. ² Yeye tu ndiye mwamba wangu na wokovu wangu, Ngome yangu, sitatikisika sana. ³ Hata lini mtamshambulia mtu, Mpate kumwua ninyi nyote pamoja? Kama ukuta unaoinama, Kama kitalu kilicho tayari kuanguka, ⁴ Hufanya shauri kumwangusha tu katika cheo chake; Huufurahia uongo. Kwa kinywa chao hubariki; Kwa moyo wao hulaani. ⁵ Nafsi yangu, umngoje Mungu peke yake kwa kimya. Tumaini langu hutoka kwake. ⁶ Yeye tu ndiye mwamba wangu na wokovu wangu, Ngome yangu, sitatikisika sana. ⁷ Kwa Mungu wokovu wangu, Na utukufu wangu; Mwamba wa nguvu zangu, Na kimbilio langu ni kwa Mungu. ⁸ Enyi watu, mtumainini sikuzote, Ifunueni mioyo yenu mbele zake; Mungu ndiye kimbilio letu. ⁹ Hakika binadamu ni ubatili, Na wenye cheo ni uongo, Katika mizani huinuka; Wote pamoja ni hafifu kuliko ubatili. ¹⁰ Msiitumainie dhuluma, Wala msijivune kwa unyang’anyi; Mali izidipo msiiangalie sana moyoni. ¹¹ Mara moja amenena Mungu; Mara mbili nimeyasikia haya, Ya kuwa nguvu zina Mungu, ¹² Na fadhili ziko kwako, Ee Bwana; Maana ndiwe umlipaye kila mtu Sawasawa na haki yake.