2 Chroniques 26
Vulgate

Règne d’Ozias (Azaria)

1 omnis autem populus Iuda filium eius Oziam annorum sedecim constituit regem pro patre suo Amasia
2 Chroniques 22.1 Matthieu 1.8-1.9 2 Rois 14.21 2 Rois 15.1-15.7 2 Chroniques 33.25
2 ipse aedificavit Ahilath et restituit eam dicioni Iudae postquam dormivit rex cum patribus suis
2 Rois 14.22 2 Chroniques 8.17 2 Chroniques 25.23 2 Chroniques 25.28 2 Rois 16.6
3 sedecim annorum erat Ozias cum regnare coepisset et quinquaginta duobus annis regnavit in Hierusalem nomen matris eius Hiechelia de Hierusalem
2 Rois 15.2-15.3 Osée 1.1 Esaïe 6.1 Amos 1.1 Esaïe 1.1
4 fecitque quod erat rectum in oculis Domini iuxta omnia quae fecerat Amasias pater eius
2 Chroniques 25.2
5 et exquisivit Deum in diebus Zacchariae intellegentis et videntis Deum cumque requireret Dominum direxit eum in omnibus
2 Chroniques 24.2 Daniel 1.17 2 Chroniques 15.2 Daniel 10.1 1 Chroniques 22.13
6 denique egressus est et pugnavit contra Philisthim et destruxit murum Geth et murum Iabniae murumque Azoti aedificavit quoque oppida in Azoto et in Philisthim
Esaïe 14.29 1 Chroniques 18.1 2 Chroniques 21.16 1 Samuel 5.6 2 Samuel 8.1
7 et adiuvit eum Deus contra Philisthim et contra Arabas qui habitabant in Gurbaal et contra Ammanitas
2 Chroniques 21.16 Esaïe 14.29 Actes 26.22 Psaumes 18.34-18.35 2 Chroniques 20.1
8 pendebantque Ammanitae munera Oziae et divulgatum est nomen eius usque ad introitum Aegypti propter crebras victorias
Genèse 19.38 2 Chroniques 17.11 2 Samuel 8.2 Genèse 12.2 Deutéronome 2.19
9 aedificavitque Ozias turres in Hierusalem super portam Anguli et super portam Vallis et reliquas in eodem muri latere firmavitque eas
Néhémie 3.13 2 Chroniques 25.23 2 Rois 14.13 Néhémie 3.24 Néhémie 3.32
10 extruxit etiam turres in solitudine et fodit cisternas plurimas eo quod haberet multa pecora tam in campestribus quam in heremi vastitate vineas quoque habuit et vinitores in montibus et in Carmelo erat quippe homo agriculturae deditus
Genèse 26.18-26.21 2 Rois 3.4 1 Chroniques 27.26-27.31 Esaïe 29.17 2 Rois 19.23
11 fuit autem exercitus bellatorum eius qui procedebant ad proelia sub manu Hiehihel scribae Maasiaeque doctoris et sub manu Ananiae qui erat de ducibus regis
2 Rois 5.2
12 omnisque numerus principum per familias virorum fortium duum milium sescentorum
13 et sub eis universus exercitus trecentorum et septem milium quingentorum qui erant apti ad bella et pro rege contra adversarios dimicabant
2 Chroniques 13.3 2 Chroniques 17.14-17.19 2 Chroniques 25.5 2 Chroniques 11.1 2 Chroniques 14.8
14 praeparavit quoque eis Ozias id est cuncto exercitui clypeos et hastas et galeas et loricas arcusque et fundas ad iaciendos lapides
Juges 20.16 1 Samuel 17.49
15 et fecit in Hierusalem diversi generis machinas quas in turribus conlocavit et in angulis murorum ut mitterent sagittas et saxa grandia egressumque est nomen eius procul eo quod auxiliaretur ei Dominus et corroborasset illum
2 Chroniques 2.7 Matthieu 4.24 2 Chroniques 2.14 Exode 31.4
16 sed cum roboratus esset elevatum est cor eius in interitum suum et neglexit Dominum Deum suum ingressusque templum Domini adolere voluit incensum super altare thymiamatis
2 Chroniques 25.19 2 Chroniques 32.25 Deutéronome 8.14 2 Rois 16.12-16.13 Habakuk 2.4
17 statimque ingressus post eum Azarias sacerdos et cum eo sacerdotes Domini octoginta viri fortissimi
1 Chroniques 6.10 1 Chroniques 12.28 1 Chroniques 26.6
18 restiterunt regi atque dixerunt non est tui officii Ozia ut adoleas incensum Domino sed sacerdotum hoc est filiorum Aaron qui consecrati sunt ad huiuscemodi ministerium egredere de sanctuario ne contempseris quia non reputabitur tibi in gloriam hoc a Domino Deo
Exode 30.7-30.8 Nombres 18.7 2 Chroniques 19.2 Nombres 16.46-16.48 Galates 2.11
19 iratusque est Ozias et tenens in manu turibulum ut adoleret incensum minabatur sacerdotibus statimque orta est lepra in fronte eius coram sacerdotibus in domo Domini super altare thymiamatis
Nombres 12.10 2 Rois 5.25-5.27 2 Chroniques 25.16 2 Chroniques 16.10
20 cumque respexisset eum Azarias pontifex et omnes reliqui sacerdotes viderunt lepram in fronte eius et festinato expulerunt eum sed et ipse perterritus adceleravit egredi eo quod sensisset ilico plagam Domini
Deutéronome 28.35 Esther 6.12 Lévitique 14.34 Deutéronome 28.22
21 fuit igitur Ozias rex leprosus usque ad diem mortis suae et habitavit in domo separata plenus lepra ob quam et eiectus fuerat de domo Domini porro Ioatham filius eius rexit domum regis et iudicabat populum terrae
Lévitique 13.46 2 Rois 7.3 Nombres 12.15 Nombres 5.2-5.3 2 Rois 15.5-15.7
22 reliqua autem sermonum Oziae priorum et novissimorum scripsit Esaias filius Amos propheta
Esaïe 1.1 Esaïe 6.1 2 Chroniques 9.29 2 Chroniques 12.15
23 dormivitque Ozias cum patribus suis et sepelierunt eum in agro regalium sepulchrorum eo quod esset leprosus regnavitque Ioatham filius eius pro eo
2 Chroniques 21.20 2 Chroniques 28.27 2 Chroniques 33.20 2 Rois 15.6-15.7 2 Chroniques 26.18