Esdras 9.12
Vulgate

Consternation et prière d’Esdras

¹ postquam autem haec conpleta sunt accesserunt ad me principes dicentes non est separatus populus Israhel et sacerdotes et Levitae a populis terrarum et de abominationibus eorum Chananei videlicet et Hetthei et Ferezei et Iebusei et Ammanitarum et Moabitarum et Aegyptiorum et Amorreorum
Néhémie 9.2 Lévitique 18.24-18.30 Exode 33.16 Deutéronome 12.30-12.31 Nombres 23.9
² tulerunt enim de filiabus eorum sibi et filiis suis et commiscuerunt semen sanctum cum populis terrarum manus etiam principum et magistratuum fuit in transgressione hac prima
Exode 34.16 Néhémie 13.23-13.24 2 Corinthiens 6.14 Esdras 10.18-10.44 Exode 22.31
³ cumque audissem sermonem istum scidi pallium meum et tunicam et evelli capillos capitis mei et barbae et sedi maerens
Néhémie 1.4 Josué 7.6 Ezéchiel 7.18 Psaumes 66.3 Jérémie 48.37-48.38
⁴ convenerunt autem ad me omnes qui timebant verbum Dei Israhel pro transgressione eorum qui de captivitate venerant et ego sedebam tristis usque ad sacrificium vespertinum
Esdras 10.3 Esaïe 66.2 Exode 29.39 Actes 3.1 Ezéchiel 9.4
⁵ et in sacrificio vespertino surrexi de adflictione mea et scisso pallio et tunica curvavi genua mea et expandi manus meas ad Dominum Deum meum
1 Rois 8.54 Exode 9.29 1 Rois 8.38 Exode 9.33 1 Rois 8.22
⁶ et dixi Deus meus confundor et erubesco levare Deus meus faciem meam ad te quoniam iniquitates nostrae multiplicatae sunt super caput et delicta nostra creverunt usque in caelum
2 Chroniques 28.9 Apocalypse 18.5 Psaumes 38.4 Job 42.6 Luc 15.21
⁷ a diebus patrum nostrorum sed et nos ipsi peccavimus granditer usque ad diem hanc et in iniquitatibus nostris traditi sumus ipsi et reges nostri et sacerdotes nostri in manum regum terrarum in gladium in captivitatem in rapinam et in confusionem vultus sicut et die hac
2 Chroniques 29.6 Daniel 9.5-9.8 Néhémie 9.32-9.34 Lamentations 5.7 Nombres 32.14
⁸ et nunc quasi parum et ad momentum facta est deprecatio nostra apud Dominum Deum nostrum ut dimitterentur nobis reliquiae et daretur paxillus in loco sancto eius et inluminaret oculos nostros Deus noster et daret nobis vitam modicam in servitute nostra
Psaumes 13.3 Ecclésiaste 12.11 Esaïe 22.23-22.25 Ezéchiel 37.11-37.14 Néhémie 1.11
⁹ quia servi sumus et in servitute nostra non dereliquit nos Deus noster et inclinavit super nos misericordiam coram rege Persarum ut daret nobis vitam et sublimaret domum Dei nostri et extrueret solitudines eius et daret nobis sepem in Iuda et in Hierusalem
Esdras 7.8 Psaumes 136.23-136.24 Daniel 9.25 Esaïe 5.2 Esdras 1.7-1.11
¹⁰ et nunc quid dicemus Deus noster post haec quia dereliquimus mandata tua
Lamentations 3.22 Romains 3.19 Genèse 44.16 Daniel 9.4-9.16 Josué 7.8
¹¹ quae praecepisti in manu servorum tuorum prophetarum dicens terram ad quam vos ingredimini ut possideatis eam terra inmunda est iuxta inmunditiam populorum ceterarumque terrarum abominationibus eorum qui repleverunt eam ab ore usque ad os in coinquinatione sua
Lévitique 18.24-18.30 Esdras 6.21 Deutéronome 12.31 2 Corinthiens 7.1 2 Chroniques 33.2
¹² nunc ergo filias vestras ne detis filiis eorum et filias eorum non accipiatis filiis vestris et non quaeratis pacem eorum et prosperitatem eorum usque in aeternum ut confortemini et comedatis quae bona sunt terrae et heredes habeatis filios vestros usque in saeculum
Proverbes 13.22 Deutéronome 23.6 Deutéronome 7.3 Deutéronome 6.1-6.2 Josué 23.12-23.13
¹³ et post omnia quae venerunt super nos in operibus nostris pessimis et in delicto nostro magno quia tu Deus noster liberasti nos de iniquitate nostra et dedisti nobis salutem sicut est hodie
Psaumes 103.10 Lamentations 3.39-3.40 Psaumes 106.45-106.46 Habakuk 3.2 Job 11.6
¹⁴ ut non converteremur et irrita faceremus mandata tua neque matrimonia iungeremus cum populis abominationum istarum numquid iratus es nobis usque ad consummationem ne dimitteres nobis reliquias et salutem
Deutéronome 9.8 Deutéronome 9.14 Esdras 9.2 Néhémie 13.23-13.27 Ezéchiel 6.8
¹⁵ Domine Deus Israhel iustus tu quoniam derelicti sumus qui salvaremur sicut die hac ecce coram te sumus in delicto nostro non enim stari potest coram te super hoc
Psaumes 130.3 Daniel 9.14 Job 9.2-9.3 Néhémie 9.33-9.34 Ezéchiel 33.10