Exode 17
Vulgate

L’eau jaillie du rocher à Horeb

1 igitur profecta omnis multitudo filiorum Israhel de deserto Sin per mansiones suas iuxta sermonem Domini castrametata est in Raphidim ubi non erat aqua ad bibendum populo
Exode 19.2 Exode 16.1 Exode 17.8 Nombres 33.12-33.14
2 qui iurgatus contra Mosen ait da nobis aquam ut bibamus quibus respondit Moses quid iurgamini contra me cur temptatis Dominum
Deutéronome 6.16 Psaumes 78.41 Esaïe 7.12 Psaumes 78.18 Matthieu 4.7
3 sitivit ergo populus ibi pro aquae penuria et murmuravit contra Mosen dicens cur nos exire fecisti de Aegypto ut occideres et nos et liberos nostros ac iumenta siti
Exode 16.2-16.3 Exode 15.24
4 clamavit autem Moses ad Dominum dicens quid faciam populo huic adhuc pauxillum et lapidabunt me
Nombres 14.10 1 Samuel 30.6 Actes 14.19 Jean 10.31 Jean 8.59
5 ait Dominus ad Mosen antecede populum et sume tecum de senibus Israhel et virgam qua percussisti fluvium tolle in manu tua et vade
Nombres 20.8-20.11 Ezéchiel 2.6 Actes 20.23-20.24 Exode 7.19-7.20
6 en ego stabo coram te ibi super petram Horeb percutiesque petram et exibit ex ea aqua ut bibat populus fecit Moses ita coram senibus Israhel
1 Corinthiens 10.4 Psaumes 114.8 Psaumes 105.41 Néhémie 9.15 Deutéronome 8.15
7 et vocavit nomen loci illius Temptatio propter iurgium filiorum Israhel et quia temptaverunt Dominum dicentes estne Dominus in nobis an non
Psaumes 81.7 Psaumes 95.8 Nombres 20.13 Deutéronome 9.22 Hébreux 3.8-3.9

Victoire sur les Amalécites

8 venit autem Amalech et pugnabat contra Israhel in Raphidim
1 Samuel 15.2 1 Samuel 30.1 Genèse 36.12 Nombres 24.20 Deutéronome 25.17-25.19
9 dixitque Moses ad Iosue elige viros et egressus pugna contra Amalech cras ego stabo in vertice collis habens virgam Dei in manu mea
Exode 24.13 Exode 4.20 Exode 4.2 Deutéronome 32.44 Nombres 11.28
10 fecit Iosue ut locutus ei erat Moses et pugnavit contra Amalech Moses autem et Aaron et Hur ascenderunt super verticem collis
Exode 24.14 Jean 15.14 Exode 31.2 Matthieu 28.20 Jean 2.5
11 cumque levaret Moses manus vincebat Israhel sin autem paululum remisisset superabat Amalech
1 Timothée 2.8 Jacques 5.16 Luc 18.1 Psaumes 56.9
12 manus autem Mosi erant graves sumentes igitur lapidem posuerunt subter eum in quo sedit Aaron autem et Hur sustentabant manus eius ex utraque parte et factum est ut manus ipsius non lassarentur usque ad occasum solis
Esaïe 35.3 1 Thessaloniciens 5.25 2 Corinthiens 1.11 Philippiens 1.19 Colossiens 4.2
13 fugavitque Iosue Amalech et populum eius in ore gladii
Josué 11.12 Josué 10.28 Josué 10.37 Josué 10.32 Josué 10.42
14 dixit autem Dominus ad Mosen scribe hoc ob monumentum in libro et trade auribus Iosue delebo enim memoriam Amalech sub caelo
Exode 34.27 1 Samuel 30.17 1 Samuel 30.1 Nombres 24.20 2 Samuel 8.12
15 aedificavitque Moses altare et vocavit nomen eius Dominus exaltatio mea dicens
Genèse 22.14 Psaumes 60.4 Juges 6.24 Genèse 33.20
16 quia manus solii Domini et bellum Dei erit contra Amalech a generatione in generationem
Psaumes 21.8-21.11 Actes 7.49 Esaïe 66.1