Ezéchiel 5.9
Vulgate

Jugement et dispersion d’Israël

¹ et tu fili hominis sume tibi gladium acutum radentem pilos adsumes eum et duces per caput tuum et per barbam tuam et adsumes tibi stateram ponderis et divides eos
Lévitique 21.5 Esaïe 7.20 Ezéchiel 44.20 Daniel 5.27
² tertiam partem igni conbures in medio civitatis iuxta conpletionem dierum obsidionis et adsumens tertiam partem concides gladio in circuitu eius tertiam vero aliam disperges in ventum et gladium nudabo post eos
Ezéchiel 5.12 Lévitique 26.33 Ezéchiel 12.14 Jérémie 9.16 Ezéchiel 4.1-4.8
³ et sumes inde parvum numerum et ligabis eos in summitate pallii tui
Jérémie 40.6 Jérémie 39.10 Jérémie 52.16 2 Rois 25.12 1 Pierre 4.18
⁴ et ex eis rursum tolles et proicies in medio ignis et conbures eos igni ex eo egredietur ignis in omnem domum Israhel
Jérémie 48.45 2 Rois 25.25 Jérémie 52.30 Jérémie 4.4 Jérémie 41.1-41.18
⁵ haec dicit Dominus Deus ista est Hierusalem in medio gentium posui eam et in circuitu eius terras
Ezéchiel 4.1 Jérémie 6.6 Deutéronome 4.6 Ezéchiel 16.14 1 Corinthiens 10.4
⁶ et contempsit iudicia mea ut plus esset impia quam gentes et praecepta mea ultra quam terrae quae in circuitu eius sunt iudicia enim mea proiecerunt et in praeceptis meis non ambulaverunt
Jérémie 11.10 Néhémie 9.16-9.17 Ezéchiel 16.47-16.48 Zacharie 7.11 2 Rois 17.8-17.20
⁷ idcirco haec dicit Dominus Deus quia superastis gentes quae in circuitu vestro sunt in praeceptis meis non ambulastis et iudicia mea non fecistis et iuxta iudicia gentium quae in circuitu vestro sunt non estis operati
2 Chroniques 33.9 Jérémie 2.10-2.11 2 Rois 21.9-21.11 Ezéchiel 5.11 Ezéchiel 16.54
⁸ ideo haec dicit Dominus Deus ecce ego ad te et ipse ego faciam in medio tui iudicia in oculis gentium
Ezéchiel 15.7 Ezéchiel 21.3 Jérémie 24.9 Jérémie 21.13 Jérémie 21.5
⁹ et faciam in te quae non feci et quibus similia ultra non faciam propter omnes abominationes tuas
Daniel 9.12 Matthieu 24.21 Amos 3.2 Lamentations 4.6 Lamentations 4.9
¹⁰ ideo patres comedent filios in medio tui et filii comedent patres suos et faciam in te iudicia et ventilabo universas reliquias tuas in omnem ventum
Deutéronome 28.64 Ezéchiel 12.14 Zacharie 2.6 Ezéchiel 36.19 Ezéchiel 5.2
¹¹ idcirco vivo ego dicit Dominus Deus nisi pro eo quod sanctum meum violasti in omnibus offensionibus tuis et in omnibus abominationibus tuis ego quoque confringam et non parcet oculus meus et non miserebor
Ezéchiel 7.20 2 Chroniques 36.14 Ezéchiel 7.9 Ezéchiel 8.5-8.6 Ezéchiel 7.4
¹² tertia tui pars peste morietur et fame consumetur in medio tui et tertia tui pars gladio cadet in circuitu tuo tertiam vero partem tuam in omnem ventum dispergam et gladium evaginabo post eos
Ezéchiel 5.2 Jérémie 15.2 Ezéchiel 12.14 Jérémie 21.9 Ezéchiel 6.11-6.12
¹³ et conpleam furorem meum et requiescere faciam indignationem meam in eis et consolabor et scient quia ego Dominus locutus sum in zelo meo cum implevero indignationem meam in eis
Esaïe 1.24 Ezéchiel 36.5-36.6 Ezéchiel 20.8 Lamentations 4.11 Ezéchiel 20.21
¹⁴ et dabo te in desertum et in obprobrium in gentibus quae in circuitu tuo sunt in conspectu omnis praetereuntis
Ezéchiel 22.4 Psaumes 79.1-79.4 Psaumes 74.3-74.10 Néhémie 2.17 Lamentations 5.18
¹⁵ et eris obprobrium et blasphemia exemplum et stupor in gentibus quae in circuitu tuo sunt cum fecero in te iudicia in furore et in indignatione et in increpationibus irae
Ezéchiel 25.17 Jérémie 22.8-22.9 Esaïe 26.9 1 Rois 9.7 Esaïe 66.15-66.16
¹⁶ ego Dominus locutus sum quando misero sagittas famis pessimas in eos quae erunt mortiferae et quas mittam ut disperdam vos et famem congregabo super vos et conteram vobis baculum panis
Ezéchiel 4.16 Deutéronome 32.23-32.24 Esaïe 3.1 Psaumes 7.13 Lévitique 26.26
¹⁷ et inmittam in vos famem et bestias pessimas usque ad internicionem et pestilentia et sanguis transibunt per te et gladium inducam super te ego Dominus locutus sum
Ezéchiel 38.22 Ezéchiel 14.15 Ezéchiel 33.27 Lévitique 26.22 Deutéronome 32.24