Deutéronome 17.6
Vulgate

¹ non immolabis Domino Deo tuo bovem et ovem in quo est macula aut quippiam vitii quia abominatio est Domini Dei tui
Deutéronome 15.21 Malachie 1.8 Deutéronome 24.4 Deutéronome 23.18 Hébreux 9.14
² cum repperti fuerint apud te intra unam portarum tuarum quas Dominus Deus tuus dabit tibi vir aut mulier qui faciant malum in conspectu Domini Dei tui et transgrediantur pactum illius
Deutéronome 13.6-13.18 Josué 23.16 Osée 6.7 Josué 7.15 Josué 7.11
³ ut vadant et serviant diis alienis et adorent eos solem et lunam et omnem militiam caeli quae non praecepi
Jérémie 19.5 Job 31.26-31.27 Jérémie 7.31 Jérémie 32.35 Deutéronome 4.19
⁴ et hoc tibi fuerit nuntiatum audiensque inquisieris diligenter et verum esse reppereris et abominatio facta est in Israhel
Deutéronome 19.18 Deutéronome 13.12-13.14 Jean 7.51 Proverbes 25.2
⁵ educes virum ac mulierem qui rem sceleratissimam perpetrarunt ad portas civitatis tuae et lapidibus obruentur
Lévitique 24.14 Josué 7.25 Lévitique 24.16 Deutéronome 22.24 Deutéronome 13.10-13.11
⁶ in ore duorum aut trium testium peribit qui interficietur nemo occidatur uno contra se dicente testimonium
Nombres 35.30 Deutéronome 19.15 2 Corinthiens 13.1 Hébreux 10.28 Matthieu 18.16
⁷ manus testium prima interficiet eum et manus reliqui populi extrema mittetur ut auferas malum de medio tui
Deutéronome 13.9 1 Corinthiens 5.13 Deutéronome 13.5 Deutéronome 17.12 Deutéronome 19.19

Les juges

⁸ si difficile et ambiguum apud te iudicium esse perspexeris inter sanguinem et sanguinem causam et causam lepram et non lepram et iudicum intra portas tuas videris verba variari surge et ascende ad locum quem elegerit Dominus Deus tuus
Deutéronome 12.5 Aggée 2.11 Nombres 35.16 Nombres 35.11 Exode 21.28
⁹ veniesque ad sacerdotes levitici generis et ad iudicem qui fuerit illo tempore quaeresque ab eis qui indicabunt tibi iudicii veritatem
Ezéchiel 44.24 Malachie 2.7 Jérémie 18.18 Aggée 2.11 Deutéronome 19.17-19.21
¹⁰ et facies quodcumque dixerint qui praesunt loco quem elegerit Dominus et docuerint te
Matthieu 22.2-22.3
¹¹ iuxta legem eius sequeris sententiam eorum nec declinabis ad dextram vel ad sinistram
Josué 1.7 Deutéronome 17.20 Deutéronome 25.1 2 Pierre 2.10 Romains 13.1-13.6
¹² qui autem superbierit nolens oboedire sacerdotis imperio qui eo tempore ministrat Domino Deo tuo et decreto iudicis morietur homo ille et auferes malum de Israhel
Deutéronome 13.5 Nombres 15.30 1 Thessaloniciens 4.8 1 Timothée 5.20 Esdras 10.8
¹³ cunctusque populus audiens timebit ut nullus deinceps intumescat superbia
Deutéronome 13.11 Deutéronome 19.20 Nombres 15.30-15.31

Règles relatives à la royauté

¹⁴ cum ingressus fueris terram quam Dominus Deus tuus dabit tibi et possederis eam habitaverisque in illa et dixeris constituam super me regem sicut habent omnes per circuitum nationes
1 Samuel 8.19-8.20 Deutéronome 18.9 Deutéronome 11.31 Josué 1.13 1 Samuel 12.19
¹⁵ eum constitues quem Dominus Deus tuus elegerit de numero fratrum tuorum non poteris alterius gentis hominem regem facere qui non sit frater tuus
Jérémie 30.21 1 Chroniques 22.10 1 Samuel 10.24 Psaumes 2.6 1 Chroniques 12.23
¹⁶ cumque fuerit constitutus non multiplicabit sibi equos nec reducet populum in Aegyptum equitatus numero sublevatus praesertim cum Dominus praeceperit vobis ut nequaquam amplius per eandem viam revertamini
Deutéronome 28.68 1 Rois 4.26 Osée 11.5 Exode 13.17 Ezéchiel 17.15
¹⁷ non habebit uxores plurimas quae inliciant animum eius neque argenti et auri inmensa pondera
Néhémie 13.26 1 Timothée 6.9 Genèse 2.24 Matthieu 19.23-19.24 1 Timothée 6.17
¹⁸ postquam autem sederit in solio regni sui describet sibi deuteronomium legis huius in volumine accipiens exemplar a sacerdotibus leviticae tribus
2 Rois 22.8 2 Rois 11.12 Deutéronome 31.9 2 Chroniques 34.15 Deutéronome 31.24-31.26
¹⁹ et habebit secum legetque illud omnibus diebus vitae suae ut discat timere Dominum Deum suum et custodire verba et caerimonias eius quae lege praecepta sunt
Josué 1.8 Psaumes 1.2 Psaumes 119.97-119.100 Deutéronome 6.6-6.9 2 Timothée 3.15-3.17
²⁰ nec elevetur cor eius in superbiam super fratres suos neque declinet in partem dextram vel sinistram ut longo tempore regnet ipse et filii eius super Israhel
1 Rois 15.5 Deutéronome 5.32 2 Corinthiens 12.7 2 Chroniques 26.16 2 Chroniques 34.27