Apocalypse 4.5
Vulgate

Sept sceaux

Le trône de Dieu

¹ post haec vidi et ecce ostium apertum in caelo et vox prima quam audivi tamquam tubae loquentis mecum dicens ascende huc et ostendam tibi quae oportet fieri post haec
Apocalypse 1.10 Apocalypse 11.12 Apocalypse 22.6 Apocalypse 1.19 Apocalypse 16.17
² statim fui in spiritu et ecce sedis posita erat in caelo et supra sedem sedens
Daniel 7.9 Esaïe 6.1 1 Rois 22.19 Apocalypse 1.10 Ezéchiel 1.26
³ et qui sedebat similis erat aspectui lapidis iaspidis et sardini et iris erat in circuitu sedis similis visioni zmaragdinae
Ezéchiel 1.28 Apocalypse 21.11 Ezéchiel 28.13 Apocalypse 10.1 Genèse 9.13-9.16
⁴ et in circuitu sedis sedilia viginti quattuor et super thronos viginti quattuor seniores sedentes circumamictos vestimentis albis et in capitibus eorum coronas aureas
Apocalypse 11.16 Matthieu 19.28 Apocalypse 4.10 Apocalypse 20.4 Luc 22.30
⁵ et de throno procedunt fulgura et voces et tonitrua et septem lampades ardentes ante thronum quae sunt septem spiritus Dei
Apocalypse 1.4 Exode 19.16 Apocalypse 8.5 Apocalypse 11.19 Zacharie 4.2
⁶ et in conspectu sedis tamquam mare vitreum simile cristallo et in medio sedis et in circuitu sedis quattuor animalia plena oculis ante et retro
Apocalypse 15.2 Apocalypse 5.6 Ezéchiel 10.12 Apocalypse 19.4 Apocalypse 4.8-4.9
⁷ et animal primum simile leoni et secundum animal simile vitulo et tertium animal habens faciem quasi hominis et quartum animal simile aquilae volanti
Ezéchiel 1.10 Ezéchiel 10.14 Ezéchiel 1.8 Nombres 24.9 Daniel 7.4
⁸ et quattuor animalia singula eorum habebant alas senas et in circuitu et intus plena sunt oculis et requiem non habent die et nocte dicentia sanctus sanctus sanctus Dominus Deus omnipotens qui erat et qui est et qui venturus est
Esaïe 6.2-6.13 Apocalypse 4.6 Ezéchiel 10.21-10.22 Apocalypse 1.8 Apocalypse 1.4
⁹ et cum darent illa animalia gloriam et honorem et benedictionem sedenti super thronum viventi in saecula saeculorum
Apocalypse 15.7 Apocalypse 5.13-5.14 Apocalypse 10.6 Apocalypse 7.11-7.12 Exode 15.18
¹⁰ procident viginti quattuor seniores ante sedentem in throno et adorabunt viventem in saecula saeculorum et mittent coronas suas ante thronum dicentes
Apocalypse 4.4 Apocalypse 5.14 Apocalypse 5.8 Apocalypse 19.4 Apocalypse 7.11
¹¹ dignus es Domine et Deus noster accipere gloriam et honorem et virtutem quia tu creasti omnia et propter voluntatem tuam erant et creata sunt
Colossiens 1.16-1.17 Apocalypse 5.12 Genèse 1.1 Esaïe 40.28 Apocalypse 10.6