Apocalypse 9
Vulgate

1 et quintus angelus tuba cecinit et vidi stellam de caelo cecidisse in terram et data est illi clavis putei abyssi
Apocalypse 8.10 Luc 8.31 Romains 10.7 Apocalypse 9.2 Apocalypse 1.18
2 et aperuit puteum abyssi et ascendit fumus putei sicut fumus fornacis magnae et obscuratus est sol et aer de fumo putei
Joël 2.2 Joël 2.10 Genèse 19.28 Apocalypse 14.11 Esaïe 14.31
3 et de fumo exierunt lucustae in terram et data est illis potestas sicut habent potestatem scorpiones terrae
Ezéchiel 2.6 Apocalypse 9.5 Juges 7.12 Nahum 3.15 Nahum 3.17
4 et praeceptum est illis ne laederent faenum terrae neque omne viride neque omnem arborem nisi tantum homines qui non habent signum Dei in frontibus
Ezéchiel 9.4 Apocalypse 7.2-7.4 Apocalypse 6.6 Apocalypse 8.7 Exode 12.23
5 et datum est illis ne occiderent eos sed ut cruciarentur mensibus quinque et cruciatus eorum ut cruciatus scorpii cum percutit hominem
Apocalypse 9.10 Apocalypse 9.3 Apocalypse 13.5 Daniel 7.6 Daniel 5.18-5.22
6 et in diebus illis quaerent homines mortem et non invenient eam et desiderabunt mori et fugiet mors ab ipsis
Jérémie 8.3 Apocalypse 6.16 Job 7.15-7.16 Luc 23.30 Esaïe 2.19
7 et similitudines lucustarum similes equis paratis in proelium et super capita earum tamquam coronae similes auro et facies earum sicut facies hominum
Daniel 7.8 Nahum 3.17 Joël 2.4-2.5 Daniel 7.4
8 et habebant capillos sicut capillos mulierum et dentes earum sicut leonum erant
Joël 1.6 1 Pierre 3.3 1 Corinthiens 11.14-11.15 Psaumes 57.4 2 Rois 9.30
9 et habebant loricas sicut loricas ferreas et vox alarum earum sicut vox curruum equorum multorum currentium in bellum
Job 39.25 Job 41.23-41.30 Nahum 2.4-2.5 Job 40.18 Joël 2.5-2.8
10 et habebant caudas similes scorpionum et aculei in caudis earum potestas earum nocere hominibus mensibus quinque
Apocalypse 9.5 Apocalypse 9.3 Apocalypse 9.19
11 et habebant super se regem angelum abyssi cui nomen hebraice Abaddon graece autem Apollyon et latine habet nomen Exterminans
Ephésiens 2.2 Jean 8.44 Jean 12.31 Jean 16.11 Apocalypse 12.9
12 vae unum abiit ecce veniunt adhuc duo vae post haec
Apocalypse 11.14 Apocalypse 8.13-9.2 Apocalypse 9.13-9.21
13 et sextus angelus tuba cecinit et audivi vocem unum ex cornibus altaris aurei quod est ante oculos Dei
Apocalypse 8.3-8.5 Apocalypse 9.1 Hébreux 10.21 Exode 30.2-30.3 Hébreux 9.24
14 dicentem sexto angelo qui habebat tubam solve quattuor angelos qui alligati sunt in flumine magno Eufrate
Apocalypse 16.12 Apocalypse 7.1 2 Samuel 8.3 Apocalypse 8.2 Apocalypse 9.15
15 et soluti sunt quattuor angeli qui parati erant in horam et diem et mensem et annum ut occiderent tertiam partem hominum
Apocalypse 9.18 Apocalypse 8.7 Apocalypse 9.10 Apocalypse 8.11-8.12 Apocalypse 8.9
16 et numerus equestris exercitus vicies milies dena milia audivi numerum eorum
Apocalypse 7.4 Daniel 7.10 Psaumes 68.17 Ezéchiel 38.4 Apocalypse 5.11
17 et ita vidi equos in visione et qui sedebant super eos habentes loricas igneas et hyacinthinas et sulphureas et capita equorum erant tamquam capita leonum et de ore ipsorum procedit ignis et fumus et sulphur
Apocalypse 9.18 Apocalypse 21.8 Apocalypse 14.10 Apocalypse 19.20 Esaïe 5.28-5.29
18 ab his tribus plagis occisa est tertia pars hominum de igne et fumo et sulphure qui procedebat ex ore ipsorum
Apocalypse 9.15 Apocalypse 9.17
19 potestas enim equorum in ore eorum est et in caudis eorum nam caudae illorum similes serpentibus habentes capita et in his nocent
Esaïe 9.15 Ephésiens 4.14 Apocalypse 9.10
20 et ceteri homines qui non sunt occisi in his plagis neque paenitentiam egerunt de operibus manuum suarum ut non adorarent daemonia et simulacra aurea et argentea et aerea et lapidea et lignea quae neque videre possunt neque audire neque ambulare
Daniel 5.23 Deutéronome 31.29 Apocalypse 16.8 Actes 7.41 Apocalypse 9.21
21 et non egerunt paenitentiam ab homicidiis suis neque a veneficiis suis neque a fornicatione sua neque a furtis suis
Apocalypse 17.2 Apocalypse 17.5 Apocalypse 21.8 Apocalypse 22.15 Esaïe 47.9