1 Pierre 5.4
Vulgate

Les relations dans l’Église

¹ seniores ergo qui in vobis sunt obsecro consenior et testis Christi passionum qui et eius quae in futuro revelanda est gloriae communicator
² pascite qui est in vobis gregem Dei providentes non coacto sed spontanee secundum Deum neque turpis lucri gratia sed voluntarie
³ neque ut dominantes in cleris sed formae facti gregi et ex animo
⁴ et cum apparuerit princeps pastorum percipietis inmarcescibilem gloriae coronam
⁵ similiter adulescentes subditi estote senioribus omnes autem invicem humilitatem insinuate quia Deus superbis resistit humilibus autem dat gratiam
⁶ humiliamini igitur sub potenti manu Dei ut vos exaltet in tempore visitationis
⁷ omnem sollicitudinem vestram proicientes in eum quoniam ipsi cura est de vobis
⁸ sobrii estote vigilate quia adversarius vester diabolus tamquam leo rugiens circuit quaerens quem devoret
⁹ cui resistite fortes fide scientes eadem passionum ei quae in mundo est vestrae fraternitati fieri
¹⁰ Deus autem omnis gratiae qui vocavit nos in aeternam suam gloriam in Christo Iesu modicum passos ipse perficiet confirmabit solidabit
¹¹ ipsi imperium in saecula saeculorum amen

Salutations

¹² per Silvanum vobis fidelem fratrem ut arbitror breviter scripsi obsecrans et contestans hanc esse veram gratiam Dei in qua state
¹³ salutat vos quae est in Babylone cumelecta et Marcus filius meus
¹⁴ salutate invicem in osculo sancto gratia vobis omnibus qui estis in Christo